ഒന്നാംവർഷ എംഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാഫലം, രണ്ടാംവർഷ എംഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാഫലം എന്നിവ പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടെയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ പ്രിൻസിപ്പൽമാർ മുഖേന ഓൺലൈനായി 22നകം അപേക്ഷിക്കണം.
ടൈംടേബിൾ പുനഃക്രമീകരിച്ചു
14 മുതൽ 30 വരെ നടക്കുന്ന രണ്ടാം വർഷ എംഎഎസ്എൽപി ഡിഗ്രി സപ്ലിമെന്ററി (2016 സ്കീം) തിയറി പരീക്ഷാ ടൈംടേബിൾ, 28 മുതല് ഒക്ടോബര് എട്ടുവരെ നടക്കുന്ന നാലാംവര്ഷ ബിഎസ്സി നഴ്സിംഗ് ഡിഗ്രി സപ്ലിമെന്ററി തിയറി പരീക്ഷാ ടൈംടേബിളുകൾ പുനഃക്രമീകരിച്ച് പ്രസിദ്ധീകരിച്ചു.
പിഎച്ച്ഡി പ്രൊവിഷണൽ രജിസ്ട്രേഷൻ തീയതി ദീർഘിപ്പിച്ചു
2020 ജൂലൈ ബാച്ചിന്റെ പിഎച്ച്ഡി പ്രൊവിഷണൽ രജിസ്ട്രേഷൻ ഓൺലൈനായി അപേക്ഷിക്കുന്നതിനുള്ള തീയതി 16 വരെ ദീർഘിപ്പിച്ചു. ഓൺലൈൻ പ്രൊവിഷണൽ രജിസ്ട്രേഷൻ നടത്തിയതിന്റെ ഹാർഡ്കോപ്പി ബന്ധപ്പെട്ട രേഖകളോടുകൂടി സർവകലാശാലയിൽ 30നു വൈകുന്നേരം അഞ്ചുവരെ സമർപ്പിക്കാം.