രജിസ്ട്രാർ, പരീക്ഷാ കണ്ട്രോളര് കാലാവധി നാലുവര്‍ഷമെന്ന ഭേദഗതി സെനറ്റ് അംഗീകരിച്ചു
ഗവ. ഓര്‍ഡിനന്‍സിലൂടെ സര്‍വകലാശാലകളുടെ രജിസ്ട്രാര്‍, പരീക്ഷാ കണ്ട്രോളര്, ഫിനാന്‍സ് ഓഫീസര്‍ തുടങ്ങിയ സ്റ്റാറ്റ്യൂട്ടറി പദവികളിലിരിക്കുന്ന ഉദ്യോഗസ്ഥരുടെ കാലാവധി നാലുവര്‍ഷമോ 56 വയസോ ഏതാണ് നേരത്തേ എങ്കില്‍ അതുവരെയാക്കിയ ഭേദഗതി കാലിക്കട്ട് സര്‍വകലാശാല ഫസ്റ്റ് സ്റ്റാറ്റ്യൂട്ട് 1977ല്‍ ഉള്‍പ്പെടുത്തി സെനറ്റ് തീരുമാനമെടുത്തു. എയ്ഡഡ് കോളജിലേയും സര്‍വകലാശാലയിലേയും അധ്യാപകര്‍ക്കും യോഗ്യതാ മാനദണ്ഡങ്ങള്‍ പാലിക്കുന്നുണ്ടെങ്കില്‍ ഈ പദവികള്‍ വഹിക്കാം.
പ്രായപരിധിക്കകത്ത് രണ്ട് ടേം വരെ ഈ പദവിയിലേക്ക് തെരഞ്ഞെടുക്കപ്പെടാം. അംഗപരിമിതരായവര്‍ക്ക് എയ്ഡഡ് സ്‌കൂള്‍/കോളജുകളില്‍ 18.4.2010 വരെ 3 ശതമാനവും അതിനു ശേഷം 4 ശതമാനവും സംവരണം ഏര്‍പ്പെടുത്തിക്കൊണ്ടുള്ള ഭേദഗതിയും സര്‍വകലാശാലാ ഫസ്റ്റ് സ്റ്റാറ്റ്യൂട്ട് 1979ല്‍ വരുത്തി. 35,058 ബിരുദം, 350 ബിരുദാനന്തര ബിരുദം, 1 എംഫില്‍, 91 ഡോക്ടറേറ്റുകള്‍, 8 ഡിപ്ലോമകള്‍ ഉള്‍പ്പെടെ 35512 ബിരുദങ്ങള്‍ക്ക് സെനറ്റ് അംഗീകാരം നല്‍കി. വൈസ്ചാന്‍സലറുടെ അദ്ധ്യക്ഷതയില്‍ ഓണ്‍ലൈനായാണ് യോഗം നടന്നത്.
പരീക്ഷ
മലയാളം (കോമണ്‍ കോഴ്‌സ്, കോര്‍ കോഴ്‌സ്, കോംപ്ലിമെന്‍ററി കോഴ്‌സ്) സിബിസിഎസ്എസ്,യുജി. റഗുലര്‍ പരീക്ഷ 2019, സിയുസിബിസിഎസ്എസ്,യുജി. സപ്ലിമെന്‍ററി/ഇംപ്രൂവ്‌മെന്‍റ് പരീക്ഷ നവംബര്‍ 2019 എന്നിവ പുതുക്കിയ ടൈംടേബിള്‍ പ്രകാരം 22ന് ആരംഭിക്കും.
സെന്‍റര്‍ മാറ്റുന്നതിന് അപേക്ഷിക്കേണ്ടതില്ല
നാലാം സെമസ്റ്റര്‍ സിയുസിബിസിഎസ്എസ്യുജി ഏപ്രില്‍ 2020 ബിഎ/ബിഎസ്‌സി/ബിഎസ്‌സി ഇന്‍ ആള്‍ട്ടര്‍നേറ്റ് പാറ്റേണ്‍/ബികോം./ബിബിഎ./ബിഎ. മള്‍ട്ടിമീഡിയ/ബിസിഎ./ബികോം. ഓണേഴ്‌സ്/ബികോം വൊക്കേഷണല്‍ സ്ട്രീം/ബിഎസ്ഡബ്ല്യൂ/ബിടിഎച്ച്എം./ബിവിസി./ബിഎംഎംസി./ബിഎച്ച്എ./ബികോം പ്രഫഷണല്‍/ബിടിഎഫ്ബി/ബിവോക്/ബിടിഎ/ബിഎ. വിഷ്വല്‍ കമ്യൂണിക്കേഷന്‍/ബിഎ ഫിലിം ആൻഡ് ടെലിവിഷന്‍/ബിഎ മള്‍ട്ടിമീഡിയ/ബിഎ അഫ്‌സല്‍ ഉലമ ഇന്‍ അറബിക് ഡിഗ്രി (2015 പ്രവേശനം മുതല്‍) അഫിലിയേറ്റഡ് കോളജുകള്‍/വിദൂരവിദ്യാഭ്യാസം/പ്രൈവറ്റ് രജിസ്‌ട്രേഷന്‍ പരീക്ഷകള്‍ക്ക് അപേക്ഷിച്ചിട്ടുള്ള വിദ്യാർഥികൾക്ക് സെന്‍റര്‍ മാറ്റുന്നതിനുള്ള അവസരം ലഭ്യമാക്കിയിരിക്കുന്നു. പ്രസ്തുത പരീക്ഷയ്ക്കുള്ള വിദ്യാര്‍ഥികള്‍ ഇനി സെന്‍റര്‍ മാറ്റുന്നതിന് അപേക്ഷിക്കേണ്ടതില്ല.
റാങ്ക് ലിസ്റ്റ് പ്രസിദ്ധീകരിച്ചു
2019 നവംബറില്‍ നടത്തിയ ബിബിഎഎല്‍എല്‍ബി. (ഓണേഴ്‌സ്), എല്‍എല്‍ബി യൂണിറ്ററി പരീക്ഷകളുടെ ഫൈനല്‍ റാങ്ക്‌ലിസ്റ്റ് പ്രസിദ്ധീകരിച്ചു.
പരീക്ഷാഫലം
2020 ഏപ്രിലില്‍ നടത്തിയ നാലാം സെമസ്റ്റര്‍ എംഎ. പൊളിറ്റിക്കല്‍ സയന്‍സ് (സിയുസിഎസ്എസ്.) പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യ നിര്‍ണയത്തിന് ഒക്‌ടോബര്‍ 20 വരെ അപേക്ഷിക്കാം.
ഇന്‍റേണല്‍ മാര്‍ക്ക് അപലോഡ് ചെയ്യാം
ഐഇടി കാമ്പസിലെ ബിടെക് എട്ടാം സെമസ്റ്റര്‍ 2014 സ്‌കീം ഏപ്രില്‍ 2020 റഗുലര്‍ പരീക്ഷയുടെ ഇന്‍റേണല്‍ മാര്‍ക്ക് അപ്‌ലോഡ് ചെയ്യുന്നതിനാവശ്യമായ ലിങ്ക് ഒക്‌ടോബര്‍ 19 വരെയും സര്‍വകലാശാലാ കാമ്പസ്, ക്രൈസ്റ്റ് കോളജ് ഇരിങ്ങാലക്കുട, ഗവ. കോളജ് ഈസ്റ്റ് ഹില്‍ എന്നിവിടങ്ങളിലെ രണ്ട് വര്‍ഷ ബിപിഎഡ്. കോഴ്‌സ് നാലാം സെമസ്റ്റര്‍ നാലാം വര്‍ഷ ബിപിഎഡ് ഇന്‍റഗ്രേറ്റഡ് റഗുലര്‍/സപ്ലിമെന്‍ററി (നാലുവര്‍ഷ കോഴ്‌സ്, 2013 പ്രവേശനം മുതല്‍) ഏപ്രില്‍ 2020 പരീക്ഷയുടെ ഇന്‍റേണല്‍ മാര്‍ക്കും അപ്‌ലോഡ് ചെയ്യുന്നതിനാവശ്യമായ ലിങ്ക് ഒക്‌ടോബര്‍ 8 മുതല്‍ 19 വരേയും സര്‍വകലാശാലാ വെബ്‌സൈറ്റില്‍ ലഭ്യമാണ്.
ബിഎഡ് പ്രവേശനം 2020
2020 അധ്യയനവര്‍ഷത്തെ ബിഎഡ് പ്രവേശനത്തിന് ഓണ്‍ലൈന്‍ രജിസ്‌ട്രേഷന്‍ ആരംഭിച്ചു. എസ് സി/എസ് ടി വിഭാഗങ്ങള്‍ക്ക് 170 രൂപയും ജനറല്‍ വിഭാഗത്തിന് 555 രൂപയുമാണ് അപേക്ഷാ ഫീസ്. 12നു മുമ്പായി അപേക്ഷ സമര്‍പ്പിക്കേണ്ടതാണ്.
വിദ്യാര്‍ഥികള്‍ക്ക് 15 ഓപ്ഷണുകള്‍ നല്‍കാവുന്നതാണ്. പുറമേ എയ്ഡഡ് കോളജുകളിലെ കമ്യൂണിറ്റി ക്വോട്ട സീറ്റുകളില്‍ പ്രവേശനം ആഗ്രഹിക്കുന്നവര്‍ക്ക് ഒരു ഓപ്ഷന്‍ അധികമായി നല്‍കാവുന്നതാണ്. സ്‌പോര്‍ട്‌സ് ക്വാട്ട വിഭാഗത്തിലുള്ളവരുടെ റാങ്ക് ലിസ്റ്റ് തയ്യാറാക്കുന്നത് തിരുവനന്തപുരം കേരള സ്റ്റേറ്റ് സ്‌പോര്‍ട്‌സ് കൗണ്‍സിലാണ്. റാങ്ക് ലിസ്റ്റില്‍ ഉള്‍പ്പെടുന്നതിന് സ്‌പോര്‍ട്‌സ് ക്വോട്ടയിലേക്ക് അപേക്ഷിക്കുന്നവര്‍ കാലിക്കട്ട് സര്‍വകലാശാലയുടെ 2020 ബിഎഡ് ഓണ്‍ലൈന്‍ അപേക്ഷാ പ്രിന്‍റൗട്ട്, യോഗ്യതാ സര്‍ട്ടിഫിക്കറ്റിന്‍റെ പകര്‍പ്പ്, സ്‌പോര്‍ട്‌സ് സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ സഹിതം സെക്രട്ടറി, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ തിരുവനന്തപുരം 695001 എന്ന വിലാസത്തില്‍ അയക്കണം.
ഫോണ്‍ 0494 2407016, 2407017
ബിഎഡ് സ്‌പെഷല്‍ എഡ്യുക്കേഷന്‍ പ്രവേശനം 2020
2020 അധ്യയനവര്‍ഷത്തെ ബിഎഡ് സ്‌പെഷല്‍ എഡ്യുക്കേഷന്‍ (ഹിയറിംഗ് ഇംപയേഡ്) പ്രവേശനത്തിന് ഓണ്‍ലൈന്‍ രജിസ്‌ട്രേഷന്‍ ആരംഭിച്ചു. എസ്‌സി/എസ്ടി. വിഭാഗങ്ങള്‍ക്ക് 170 രൂപയും ജനറല്‍ വിഭാഗത്തിന് 555 രൂപയുമാണ് അപേക്ഷാ ഫീസ്. 12നു മുമ്പായി അപേക്ഷ സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക് 0494 2407016, 2407017 എന്നീ ഫോണ്‍ നമ്പറുകളില്‍ ബന്ധപ്പെടുകയോ സര്‍വകലാശാലാ വെബ്‌സൈറ്റ് സന്ദര്‍ശിക്കുകയോ ചെയ്യുക.
ഓണ്‍ലൈന്‍ അധ്യാപക പരിശീലന കോഴ്‌സില്‍ സീറ്റൊഴിവ്
വിദ്യാഭ്യാസ വിഭാഗത്തില്‍ കേന്ദ്ര മാനവവിഭവശേഷി വകുപ്പ് (എംഎച്ച്ആര്‍ഡി.) അനുവദിച്ച അധ്യാപക പരിശീലന കേന്ദ്രത്തില്‍ സര്‍വകലാശാലകളിലേയും കോളജുകളിലേയും സാമൂഹ്യ ശാസ്ത്ര വിഭാഗം അധ്യാപകര്‍ക്കായി കരിക്കുലം ഡിസൈന്‍, ഡവലപ്‌മെന്‍റ് ആൻഡ് അസസ്‌മെന്‍റ് എന്ന വിഷയത്തില്‍ നവംബര്‍ മൂന്നിന് ആരംഭിക്കുന്ന രണ്ടാഴ്ചത്തെ റിഫ്രഷര്‍ കോഴ്‌സില്‍ ഏതാനും സീറ്റുകള്‍ ഒഴിവുണ്ട്. താല്‍പര്യമുള്ളവര്‍ക്ക് 13ന് മുമ്പായി അപേക്ഷിക്കാവുന്നതാണ്. നോട്ടിഫിക്കേഷനും അപേക്ഷാ ഫോമും സര്‍വകലാശാലാ വെബ്‌സൈറ്റില്‍ ലഭ്യമാണ്. കൂടുതല്‍ വിവരങ്ങള്‍ക്ക് 9446244359, 9447247627
പരീക്ഷാഫലം
2020 ഏപ്രിലില്‍ നടത്തിയ നാലാം സെമസ്റ്റര്‍ എംഎസ്‌സി പോളിമര്‍ കെമിസ്ട്രി (സിയുസിഎസ്എസ്) പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 21 വരെ അപേക്ഷിക്കാം.