മലയാളം ആന്ഡ് കേരള സ്റ്റഡീസ് റിഫ്രഷര് കോഴ്സ്
നരവംശ ശാസ്ത്രം, ചരിത്രം, മലയാളം, സാമൂഹ്യശാസ്ത്രം എന്നീ വിഷയങ്ങള് പഠിപ്പിക്കുന്ന കോളജ് / സര്വകലാശാലാ അദ്ധ്യാപകര്ക്കായി ഹ്യൂമണ് റിസോഴ്സ് ഡവലപ്മെന്റ് സെന്റര് 30 മുതല് നവംബര് 12 വരെ നടത്തുന്ന മലയാളം ആൻഡ് കേരള സ്റ്റഡീസ് റിഫ്രഷര് കോഴ്സിലേക്ക് ഒക്ടോബര് 23 വരെ ഓണ്ലൈനായി അപേക്ഷിക്കാം. ഓണ്ലൈന് സൗകര്യം വെബ് സൈറ്റില് ലഭ്യമാണ്. കൂടുതല് വിവരങ്ങള്ക്ക് 0494 2407351
റിഫ്രഷര് കോഴ്സ് തുടങ്ങി
ഭാഷ, സാഹിത്യം, സംസ്കാരം എന്നീ മേഖലയിലെ കോളജ്/സര്വലാശാലാ അധ്യാപകര്ക്കായി കാലിക്കട്ട് സര്വകലാശാല ഹ്യൂമണ് റിസോഴ്സ് ഡവലപ്മെന്റ് സെന്റര് നടത്തുന്ന റിഫ്രഷര് കോഴ്സ് തുടങ്ങി. സര്വകലാശാലാ പ്രോവൈസ് ചാന്സലര് ഡോ. എം. നാസര് ഉദ്ഘാടനം നിര്വഹിച്ചു. കോവിഡ് കാലത്തെ പ്രതികൂല സാഹചര്യത്തെ അതിജീവിക്കാന് ശാസ്ത്ര സാങ്കേതിക രംഗത്തെ പുതിയ സാധ്യതകള് അധ്യാപകര് പ്രയോജനപ്പെടുത്തണമെന്ന് അദ്ദേഹം പറഞ്ഞു. എച്ച്ആര്ഡിസി. ഡയറക്ടര് ഡോ. ടി.എ. അബ്ദുള് മജീദ് അധ്യക്ഷത വഹിച്ചു. കോഴ്സ് കോഓർഡിനേറ്റര് ഡോ. ഉമര് തസ്നീം ആമുഖ പ്രഭാഷണം നടത്തി.
വാല്വേഷന് ക്യാമ്പ് മാറ്റി
ഒക്ടോബര് 20 മുതല് നടത്താന് നിശ്ചയിച്ചിരുന്ന സിയുസിബിസിഎസ്എസ്യുജിബിഎസ്എസി. നവംബര് 2019 പരീക്ഷകളുടെ സെന്ട്രലി മോണിറ്റേഡ് വാല്വേഷന് ക്യാമ്പ് ഒക്ടോബര് 21ലേക്കും ബികോം പരീക്ഷകളുടെ ക്യാമ്പ് ഒക്ടോബര് 27ലേക്കും മാറ്റിയിരിക്കുന്നു. ബിഎ മൂല്യനിര്ണയ ക്യാമ്പില് മാറ്റമില്ല. നിയമന ഉത്തരവ് ഇനിയും ലഭിക്കാത്ത അധ്യാപകര് അന്നേ ദിവസം 10 ന് മുമ്പ് തന്നെ മൂല്യനിര്ണയ ക്യാമ്പിലെത്തി ഉത്തരവ് കൈപ്പറ്റി ക്യാമ്പില് നിര്ബന്ധമായും പങ്കെടുക്കേണ്ടതാണ്. ക്യാമ്പിന്റെ വിശദവിവരങ്ങള് സര്വകലാശാലാ വെബ്സൈറ്റില് ലഭ്യമാണ്.
പരീക്ഷാ ഫലം
നാലാം സെമസ്റ്റര് ബിബിഎ, ബാച്ചിലര് ഓഫ് ലോ (ഓണേഴ്സ്) ഏപ്രില് 2019 റഗുലര് പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യ നിര്ണയത്തിന് നവംബര് മൂന്നു വരെ അപേക്ഷിക്കാം.
ഇന്റേണല് മാര്ക്ക് അപ്ലോഡ് ചെയ്യാം
പഠന വിഭാഗങ്ങളിലെ രണ്ടാം സെമസ്റ്റര് സിസിഎസ്എസ്. പിജി. ഏപ്രില് 2020 റഗുലര് പരീക്ഷയുടെ ഇന്റെണല് മാര്ക്ക് അപ്ലോഡ് ചെയ്യുന്നതിനാവശ്യമായ ലിങ്ക് സര്വകലാശാലാ വെബ്സൈറ്റില് നവംബര് 16 വരെ ലഭ്യമാണ്.
പരീക്ഷ
പഠന വിഭാഗങ്ങളിലെ രണ്ടാം സെമസ്റ്റര് (സിസിഎസ്എസ് പിജി.) എംഎ, എംഎസ്സി., എംകോം., എംബിഎ., എംഎജെഎംസി., ലൈബ്രറി ആൻഡ് ഇന്ഫര്മേഷന് സയന്സ്, എംസിജെ., എംടിഎ., റഗുലര്, സപ്ലിമെന്ററി, ഇംപ്രൂവ്മെന്റ് ഏപ്രില് 2020 പരീക്ഷകള് (2016 പ്രവേശനം മുതല്) നവംബര് 16ന് ആരംഭിക്കും.