പുതുക്കിയ പരീക്ഷാത്തീയതി
മാർച്ച് രണ്ട്, ആറ് തീയതികളിൽ നടത്താനിരുന്ന ബിഎ/ബിഎസ്സി (ആന്വൽ സ്കീം) പാർട്ട് ഒന്ന് ഇംഗ്ലീഷ് പേപ്പർ ഒന്ന് , പേപ്പർ മൂന്ന് പരീക്ഷകൾ യഥാക്രമം മാർച്ച് എട്ട്, 18 തീയതികളിലേക്ക് പുനഃക്രമീകരിച്ചിരിക്കുന്നു. പരീക്ഷാകേന്ദ്രത്തിനും സമയത്തിനും മാറ്റമില്ല.
പരീക്ഷാകേന്ദ്രം
19ന് ആരംഭിക്കുന്ന മൂന്നും നാലും സെമസ്റ്റർ ബിഎസ്സി മാത്തമാറ്റിക്സ് (വിദൂരവിദ്യാഭ്യാസം 2017 & 2018 അഡ്മിഷൻ) റെഗുലർ, ഇംപ്രൂവ്മെന്റ് ആൻഡ് സപ്ലിമെന്ററി, ബിബിഎ (2018 അഡ്മിഷൻ) പരീക്ഷകൾക്ക് തിരുവനന്തപുരം സംസ്കൃത കോളജ് പരീക്ഷാകേന്ദ്രമായി അനുവദിച്ചിരുന്ന വിദ്യാർഥികൾ വിദൂരവിദ്യാഭ്യാസകേന്ദ്രം (എസ്ഡിഇ) കാര്യവട്ടത്ത് പരീക്ഷ എഴുതണം. മറ്റു പരീക്ഷാകേന്ദ്രങ്ങൾക്ക് മാറ്റമില്ല. വിശദവിവരങ്ങൾ വെബ്സൈറ്റിൽ.
ഇന്റേണൽ മാർക്ക് മെച്ചപ്പെടുത്താൻ അവസരം
ബിടെക് ഡിഗ്രി കോഴ്സ് (2013 സ്കീം, 2015 അഡ്മിഷൻ) അഞ്ച് വർഷം പൂർത്തിയാക്കിയ പരാജയപ്പെട്ട വിദ്യാർഥികൾക്ക് (40 മാർക്ക് സർവകലാശാല പരീക്ഷയിൽ ലഭിക്കാത്തവർ) ഈവൻ/ഓട് (Even/Odd) സെമസ്റ്ററുകളുടെ ഇന്റേണൽമാർക്ക് മെച്ചപ്പെടുത്താൻ അപേക്ഷ നൽകുന്നതിനുള്ള അവസാനതീയതി 23. അപേക്ഷയോടൊപ്പം 735/ രൂപ ഫീസ് ഓരോ സെമസ്റ്ററിനും അടയ്ക്കണം. അപേക്ഷയുടെ പകർപ്പും വിശദവിവരങ്ങളും സർവകലാശാല വെബ്സൈറ്റിൽ. നിശ്ചിത തീയതിക്കു ശേഷം ലഭിക്കുന്ന അപേക്ഷകൾ നിരസിക്കും.
പ്രോജക്ട് റിപ്പോർട്ട് സമർപ്പിക്കാം
2021 ഫെബ്രുവരിയിൽ നടത്തിയ അവസാനവർഷ ബിഎസ്സി കന്പ്യൂട്ടർ സയൻസ്/ബിസിഎ (എസ്ഡിഇ, 2013 അഡ്മിഷന് മുൻപ് & 2013 അഡ്മിഷൻ മുതൽ) മേഴ്സിചാൻസ്/സപ്ലിമെന്ററി പരീക്ഷകളുടെ പ്രോജക്ട് റിപ്പോർട്ട് 20 ന് മുൻപായി വിദൂരവിദ്യാഭ്യാസകേന്ദ്രത്തിൽ സമർപ്പിക്കണം.