പിജി പ്രവേശനം
കണ്ണൂർ സർവകലാശാലയിലെ അഫിലിയേറ്റഡ് കോളജുകളിലെ പിജി പ്രവേശനത്തിന് ഓൺലൈനായി അപേക്ഷ സമർപ്പിക്കുന്നതിനുള്ള സമയം 24 വൈകുന്നേരം അഞ്ചുവരെ നീട്ടി. ട്രയൽ അലോട്ട്മെന്‍റ് ഉൾപ്പെടെയുള്ള നടപടിക്രമങ്ങളുടെ പുതുക്കിയ ഷെഡ്യൂൾ പിന്നീട് നൽകും. അന്വേഷണങ്ങൾ ഫോൺ മുഖേന മാത്രം. ഹെൽപ്പ്‌ ലൈൻ നമ്പർ : 04972715261, 7356948230 (പ്രവൃത്തി ദിവസങ്ങളിൽ ഓഫീസ് സമയത്ത് മാത്രം ബന്ധപ്പെടുക). Website: www.admission.kannuruniversity.ac.in, Email id: pgsws<\@>kannuruniv.ac.in
പുനർമൂല്യനിർണയ ഫലം
രണ്ടാം സെമസ്റ്റർ എംബിഎ (ഏപ്രിൽ 2020) പുനർമൂല്യനിർണയഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.
ഡോക്‌ടർ, നഴ്സ് നിയമനം
കണ്ണൂർ സർവകലാശാലയുടെ താഴെപ്പറയുന്ന കാമ്പസുകളിൽ ആരംഭിക്കാനിരിക്കുന്ന ഹെൽത്ത് സെന്‍ററുകളിൽ ഡോക്‌ടർ, നഴ്സ് തസ്തികകളിൽ നിയമനം നടത്തുന്നതിനുള്ള വാക് ഇൻ ഇന്‍റർവ്യൂ ചുവടെ ചേർത്ത തീയതികളിൽ അതത് കാമ്പസുകളിൽ നടത്തും. മാങ്ങാട്ടുപറമ്പ് കാമ്പസ്, മാങ്ങാട്ടുപറമ്പ്16, ഡോ . ജാനകിയമ്മാൾ കാമ്പസ്, പാലയാട്, തലശേരി16, സ്വാമി ആനന്ദ തീർഥ കാമ്പസ്, പയ്യന്നൂർ15, ഡോ. പി.കെ. രാജൻ മെമ്മോറിയൽ കാമ്പസ്, നീലേശ്വരം14, മാനന്തവാടി കാമ്പസ്, ഇടവക, വയനാട്15, താവക്കര കാമ്പസ്, കണ്ണൂർ15. സമയം: ഡോക്‌ടർ രാവിലെ പത്ത്, നഴ്സ്ഉച്ചകഴിഞ്ഞ് രണ്ട്.
താത്പര്യമുള്ള ഉദ്യോഗാർഥികൾ വിശദമായ ബയോഡാറ്റ, യോഗ്യത തെളിയിക്കുന്നതിനുള്ള സർട്ടിഫിക്കറ്റുകൾ എന്നിവസഹിതം നിശ്ചയിക്കപ്പെട്ട സമയക്രമം അനുസരിച്ച് അഭിമുഖത്തിന് ഹാജരാകണം. താവക്കര കാമ്പസിൽ ഹാജരാകുന്ന ഉദ്യോഗാർഥികൾ സർവകലാശാല രജിസ്ട്രാർ മുമ്പാകെയും ഇതര കാമ്പസുകളിൽ ഹാജരാകുന്ന ഉദ്യോഗാർഥികൾ അതത് കാമ്പസ് ഡയറക്‌ടർ മുമ്പാകെയും റിപ്പോർട്ട് ചെയ്യേണ്ടതാണ്. വിശദമായ വിജ്ഞാപനം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. (www.kannuruniversity.ac.in).