ബിരുദ പ്രവേശനം
കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ളതും സർവകലാശാലയുടെ ഏകജാലക സംവിധാനത്തിൽ ഉൾപ്പെടാത്തതുമായ ചെർക്കള മാർത്തോമ്മ കോളജിലെ ബികോം കംപ്യൂട്ടർ ആപ്ലിക്കേഷൻ ബിരുദ പ്രോഗ്രാമിലേക്ക് 2021 22 വർഷത്തെ പ്രവേശനത്തിനുള്ള അപേക്ഷ ക്ഷണിച്ചു.
ഈമാസം 24 വരെ കോളജിൽ അപേക്ഷ സമർപ്പിക്കാം. ഇതുസംബന്ധിച്ച വിശദവിവരങ്ങൾക്ക് കോളജുമായി ബന്ധപ്പെടാം. ഫോൺ: 04994282858, 282382,284612 (www.marthoma.ac.in ).
റാങ്ക് ലിസ്റ്റ് പ്രസിദ്ധീകരിച്ചു
പഠനവകുപ്പുകളിലെ 2021 പ്രവേശനത്തിനായി നടത്തിയ പ്രവേശന പരീക്ഷയുടെ റാങ്ക് ലിസ്റ്റ് പ്രസിദ്ധീകരിച്ചു. ഇത് www.admission.kannuruniversity.ac.in എന്ന വെബ്സൈറ്റിൽ പിജി ഡിപ്പാർട്ട്മെന്റ് ലിങ്കിൽ ലഭ്യമാണ്. Sure & Waiting list ല് ഉൾപ്പെട്ടവര്ക്ക് അഡ്മിഷന് സെലക്ട് മെമ്മോ candidate login ചെയ്ത് 16 മുതല് ലഭ്യമാക്കും. അതിനാല് അപേക്ഷകര് candidate login പരിശോധിക്കേണ്ടതും Sure & Waiting list ല് ഉൾപ്പെട്ടവര് സെലക്ട് മെമ്മോ ഡൗൺലോഡ് ചെയ്യേണ്ടതും മെമ്മോയിൽ പറഞ്ഞിരിക്കുന്ന സമയത്ത് അതത് വകുപ്പുകളിൽ പ്രവേശനത്തിന് ഹാജരാകേണ്ടതുമാണ്. ഹെൽപ്പ് ലൈൻ നമ്പറുകൾ: 04972715261, 7356948230. email id: deptsws<\@>kannuruniv.ac.in.
ഹാൾടിക്കറ്റ്
15 ന് ആരംഭിക്കുന്ന ഒന്നാം സെമസ്റ്റർ എംകോം, എംഎസ്സി, എംഎസ്ഡബ്ല്യു, എംഎ ജേർണലിസം ആൻഡ് മാസ് കമ്യൂണിക്കേഷൻ (റെഗുലർ/സപ്ലിമെന്ററി/ഇംപ്രൂവ്മെന്റ്), ഒക്ടോബർ 2020 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ പ്രസിദ്ധീകരിച്ചു.
പരീക്ഷാഫലം
സർവകലാശാല പഠനവകുപ്പുകളിലെ നാലാം സെമസ്റ്റർ എൽഎൽഎം, എംഎ ഇംഗ്ലീഷ്, എംഎസ്സി, എൻവയോൺമെന്റൽ സയൻസ് റെഗുലർ/സപ്ലിമെന്ററി (മേയ് 2021) പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 25 ന് വൈകുന്നേരം അഞ്ചുവരെ അപേക്ഷിക്കാം.
രണ്ടാം വർഷ അഫ്സൽ ഉൽ ഉലമ പ്രിലിമിനറി (2019 അഡ്മിഷൻ) റഗുലർ/വിദൂരവിദ്യാഭ്യാസം പരീക്ഷാഫലം പ്രസിദ്ധീകരിച്ചു. ഫലം യൂണിവേഴ്സിറ്റി വെബ്സൈറ്റിൽ ലഭ്യമാണ്. പുനഃപരിശോധന, ഫോട്ടോകോപ്പി, സൂക്ഷ്മ പരിശോധന എന്നിവയ്ക്കുള്ള അപേക്ഷകൾ 28 വരെ സ്വീകരിക്കും. ഗ്രേഡ് കാർഡുകൾ വിതരണം ചെയ്യുന്ന തീയതി പിന്നീട് അറിയിക്കും. വിദ്യാർഥികൾ റിസൾട്ടിന്റെ കോപ്പി എടുത്തു സൂക്ഷിക്കേണ്ടതാണ്.
പുനർമൂല്യനിർണയഫലം
രണ്ടാം സെമസ്റ്റർ എംഎ ഇംഗ്ലീഷ്, ഹിസ്റ്ററി, ഇക്കണോമിക്സ്, ഹിന്ദി, ഫിലോസഫി, ജേർണലിസം ആൻഡ് മാസ് കമ്യൂണിക്കേഷൻ (ഏപ്രിൽ 2020) പുനർമൂല്യനിർണയഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.