വിദൂര വിദ്യാഭ്യാസ വിഭാഗം സെപ്റ്റംബർ ആറിന് ആരംഭിക്കുന്ന നാലാം സെമസ്റ്റർ എംബിഎ സപ്ലിമെന്‍ററി പരീക്ഷ ഗവണ്‍മെന്‍റ് ആർട്സ് കോളജ് തിരുവനന്തപുരം, യുഐടി ഗവ.ഹൈസ്കൂൾ കാന്പസ് മുളങ്കാടകം വെസ്റ്റ് കൊല്ലം, സെന്‍റ് മൈക്കിൾസ് കോളജ് ചേർത്തല എന്നീ കേന്ദ്രങ്ങളിൽ നടത്തും. ഹാൾടിക്കറ്റ് അതാത് പരീക്ഷാ കേന്ദ്രങ്ങളിൽ നിന്ന് കൈപ്പറ്റണം.
സീറ്റ് ഒഴിവ്
വേദാന്തപഠനകേന്ദ്രത്തിന്‍റെ ആഭിമുഖ്യത്തിൽ നടത്തുന്ന ആറുമാസം ദൈർഘ്യമുള്ള യോഗ സർട്ടിഫിക്കറ്റ് കോഴ്സിലേക്ക് ഏതാനും സീറ്റുകൾ ഒഴിവുണ്ട്. യോഗ്യത: പ്ലസ് ടു. താത്പര്യമുള്ളവർ പൂരിപ്പിച്ച അപേക്ഷാപത്രവും ഒറിജിനൽ സർട്ടിഫിക്കറ്റുകളും സഹിതം സർവകലാശാലയുടെ കാര്യവട്ടം കാന്പസിലുള്ള വേദാന്തപഠനകേന്ദ്രത്തിൽ 2018 സെപ്റ്റംബർ ഒന്നിന് രാവിലെ 10ന് എത്തിച്ചേരണം. അപേക്ഷാപത്രം സർവകലാശാല വെബ്സൈറ്റിൽ ലഭ്യമാണ്.കൂടുതൽ വിവരങ്ങൾക്ക് ഫോണ് നന്പർ: 9446409948
ക്ലാസുകൾ ആരംഭിക്കും
CACEE നടത്തുന്ന യോഗയുടെ ഡിപ്ലോമ, സർട്ടിഫിക്കറ്റ് കോഴ്സ് എന്നിവയുടെ ക്ലാസുകൾ ഓണാവധി കഴിഞ്ഞ് 29 ന് ആരംഭിക്കും.
ടൈംടേബിൾ
20, 23 തീയതികളിൽ നടത്താനിരുന്ന നാലാം സെമസ്റ്റർ പി.ജി റെഗുലർ/സപ്ലിമെന്‍ററി/മേഴ്സി ചാൻസ് പരീക്ഷകൾ യഥാക്രമം 30, സെപ്റ്റംബർ ഒന്ന് എന്നീ തീയതികളിൽ നടത്തും. പുതുക്കിയ ടൈംടേബിൾ വെബ്സൈറ്റിൽ.
സാൻതോം മലങ്കര ആർട്സ് ആന്‍റ് സയൻസ് കോളജ്, ഇടഞ്ഞി
(എയ്ഡഡ്) പുതിയ കോളേജിലേയ്ക്ക് പ്രവേശനം 29ന്
പുതുതായി അഫിലിയേഷൻ നൽകിയ എയ്ഡഡ് കോളജായ പാറശാല, ഇടഞ്ഞി സാൻതോം മലങ്കര ആർട്സ് ആൻഡ് സയൻസ് കോളജിലെ ബിഎസ്‌സി കെമിസ്ട്രി, ബിഎ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ, ബി.കോം ഫിനാൻസ് എന്നീ കോഴ്സുകളിലേയ്ക്ക് പ്രവേശനം ആഗ്രഹിക്കുന്ന വിദ്യാർഥികൾ 29നു രാവിലെ ഒന്പതിന് അസൽ സർട്ടിഫിക്കറ്റുകൾ സഹിതം കോളജിൽ ഹാജരാകണം . രാവിലെ 11വരെ ഹാജരാകുന്നവരെ മാത്രമേ പ്രവേശനത്തിന് പരിഗണിക്കുകയുള്ളു.
നിലവിൽ മറ്റ് ഏതെങ്കിലും കോളജിൽ അഡ്മിഷൻ നേടിയ വിദ്യാർഥികൾ സ്പോട്ട് അഡ്മിഷനിൽ സീറ്റ് ഉറപ്പായ ശേഷം മാത്രമേ ടിസി വാങ്ങാൻ പാടുളളൂ.
എസ്‌സി/എസ്ടി സംവരണ സീറ്റുകളിൽ പരിഗണിക്കപ്പെടുവാൻ ആഗ്രഹിക്കുന്നവർ ജാതി തെളിയിക്കുന്ന അസൽ സർട്ടിഫിക്കറ്റുകൾ ഹാജരാക്കണം. എസ്‌സി/എസ്ടി വിഭാഗങ്ങൾക്ക് 840/ രൂപയും ജനറൽ, മറ്റു സംവരണ വിഭാഗത്തിന് 1525/ രൂപയുമാണ് സർവകലാശാല ഫീസ്. പുതുതായി രജിസ്റ്റർ ചെയ്യുന്നവർ രജിസ്ട്രേഷൻ ഫീസായ 350/ രൂപ (എസ്‌സി/എസ്ടി വിഭാഗം 150/ രൂപ) അടയ്ക്കണം.