ഏഴു മുതൽ ആരംഭിക്കാനിരുന്നതും പുനക്രമീകരിച്ചതുമായ ഒന്നാം വർഷ എംഎ (വിദൂര വിദ്യാഭ്യാസം) പരീക്ഷകൾ സെപ്റ്റംബർ മൂന്നു മുതൽ ആരംഭിക്കും. പരീക്ഷാകേന്ദ്രങ്ങളിലും സമയത്തിലും മാറ്റമില്ല. ടൈംടേബിൾ സർവകലാശാല വെബ് സൈറ്റിൽ ലഭിക്കും.
ഒന്നാം വർഷ എംഎസ്സി,എംകോം പരീക്ഷാ തീയതികൾ
10 മുതൽ നടത്താനിരുന്ന ഒന്നാം വർഷ എംഎസ്സി, എംകോം (വിദൂരവിദ്യാഭ്യാസം) പരീക്ഷകൾ സെപ്റ്റംബർ നാല് മുതൽ നടത്തുന്ന വിധത്തിൽ പുനഃക്രമീകരിച്ചു. പരീക്ഷാകേന്ദ്രങ്ങളിലും സമയത്തിലും മാറ്റമില്ല. വിശദമായ ടൈംടേബിൾ വെബ്സൈറ്റിൽ ലഭ്യമാണ്.
പരീക്ഷ റദ്ദാക്കി
13 ന് സെന്റ് തോമസ് കോളജ് ഓഫ് എൻജിനിയറിംഗിൽ മാത്രം നടത്തിയ ബേസിക് എൻജിനിയറിംഗ് പരീക്ഷ റദ്ദാക്കി. പുനഃപരീക്ഷ സെപ്റ്റംബർ അഞ്ചിന് നടക്കും.
ഒന്നും രണ്ടും സെമസ്റ്റർ ബിടെക് (സപ്ലിമെന്ററി) പരീക്ഷകൾ
10,13,16,20 തീയതികളിൽ നടത്താനിരുന്ന ഒന്നും രണ്ടും സെമസ്റ്റർ (കംബയിൻഡ്) ബിടെക് (സപ്ലിമെന്ററി) പരീക്ഷകൾ യഥാക്രമം സെപ്റ്റംബർ മൂന്ന്, അഞ്ച്, ഏഴ്, 10 തീയതികളിൽ നടത്തുന്ന രീതിയിൽ പുനഃക്രമീകരിച്ചു.
നാലാം സെമസ്റ്റർ എംബിഎ പരീക്ഷകൾ
10, 14 തീയതികളിൽ നടത്താതെ മാറ്റിവച്ച എംബിഎ 4 ഇ16 മെർജസ്, അക്വിസിഷൻസ് ആൻഡ് കോഓപറേറ്റ് റി സ്ട്രക്റ്റിംഗ്, എംബിഎ4 സി 19 എന്റർപ്രണർഷിപ്പ് ഡവലപ്പ്മെന്റ് ആൻഡ് പ്രോജക്ട് മാനേജ്മെന്റ് എന്നീ പരീക്ഷകൾ യഥാക്രമം 31, സെപ്റ്റംബർ 10 തീയതികളിൽ നടത്തും.
രണ്ടാം സെമസ്റ്റർ എം ബി എ പരീക്ഷകൾ
7,9, 13, 16 തീയതികളിൽ നടത്താതെ മാറ്റിവച്ച രണ്ടാം സെമസ്റ്റർ എംബിഎ പരീക്ഷകൾ യഥാക്രമം 29, 30, സെപ്റ്റംബർ 11, 13 തീയതികളിൽ നടക്കും.
അഫ്സൽ ഉൽ ഉലമ പ്രിലിമിനറി രണ്ടാം വർഷ സപ്ലിമെന്ററി പരീക്ഷാഫലം
രണ്ടാം വർഷ അഫ്സൽ ഉൽ ഉലമ പ്രിലിമിനറി സപ്ലിമെന്ററി (2011, 2012, 2013, 2014, 2015 അഡ്മിഷൻ) പരീക്ഷാഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്ക് സെപ്റ്റംബർ 12 വരെ അപേക്ഷിയ്ക്കാം. അപേക്ഷാഫോറം സർവകലാശാല വെബ്സൈറ്റിൽ ലഭ്യമാണ്.
ടീച്ചിംഗ് അസി. നിയമനം
കണ്ണൂർ സർവകലാശാലയുടെ ഇംഗ്ലീഷ്, ബയോടെക്നോളജി ആൻഡ് മൈക്രോബയോളജി, മാനേ ജ്മെന്റ് സ്റ്റഡീസ്, ഇക്കണോമിക്സ്, ഹെൽത്ത് സയൻസസ്, ലൈബ്രറി ആൻഡ് ഇൻഫർമേഷൻ സയൻസ്, ഇൻഫർമേഷൻ ടെക്നോളജി, ജേർണലിസം, മാത്തമാറ്റിക്സ്, സ്റ്റാറ്റിസ്റ്റിക്സ്, ബിഹേവിയറൽ സയൻസസ്, എൻവയണ്മെന്റൽ സ്റ്റഡീസ്, ഹിസ്റ്ററി, ഫിസിക്സ്, കെമിസ്ട്രി, മ്യൂസിക്, ജ്യോഗ്രഫി, സുവോളജി, റൂറൽ ആൻഡ് ട്രൈബൽ സ്റ്റഡീസ്, മലയാളം, മോളിക്യുലാർ ബയോളജി, ആന്ത്രോപ്പോളജി, ഹിന്ദി, വുഡ് സയൻസ്, പെഡഗോഗിക്കൽ സയൻസ് എന്നീ പഠനവകുപ്പുകളിലേക്ക് ടീച്ചിംഗ് അസിസ്റ്റന്റുമാരെ നിയമിക്കുന്നതിനായി 30ന് രാവിലെ 10 ന് സർവകലാശാലയുടെ താവക്കര കാന്പസിൽ വാക്ഇൻഇന്റർവ്യൂ നടത്തും. സർവകലാശാല വകുപ്പുകളിൽനിന്നും സർവകലാശാലയ്ക്കു കീഴിലെ ഗവണ്മെന്റ് /എയ്ഡഡ്/അണ് എയ്ഡഡ് കോളജുകളിൽനിന്നും 201517 ബാച്ചിൽ ആദ്യ മൂന്നു റാങ്കുകൾ കരസ്ഥമാക്കിയ ഉദ്യോഗാർഥികൾക്ക് ഇന്റർവ്യൂവിൽ പങ്കെടുക്കാം. തെരഞ്ഞെടുക്കപ്പെടുന്നവർക്ക് പ്രതിമാസം 25,000/ രൂപ വേതനം ലഭിക്കും. ഇന്റർവ്യൂവിന് ഹാജരാകുന്ന ഉദ്യോഗാർഥികൾ അവരുടെ വിദ്യാഭ്യാസയോഗ്യത, വയസ് എന്നിവ തെളിയിക്കുന്നതിന് ആവശ്യമായ എല്ലാ അസൽ സർട്ടിഫിക്കറ്റുകളും ഹാജരാക്കണം.
ഗ്രേഡ് കാർഡ് വിതരണം
കണ്ണൂർ സർവകലാശാല വിദൂര വിദ്യാഭ്യാസ വിഭാഗം മൂന്നാംവർഷ (റഗുലർ, ഇംപ്രൂവ്മെന്റ്, സപ്ലിമെന്ററി) ഗ്രേഡ് കാർഡ്, പ്രൊവിഷണൽ സർട്ടിഫിക്കറ്റ്, കണ്സോളിഡേറ്റഡ് ഗ്രേഡ് കാർഡ് എന്നിവ താഴെ പറയുന്ന പ്രകാരം വിതരണം ചെയ്യും. രാവിലെ 10.30 മുതൽ ഉച്ചകഴിഞ്ഞ് 3.30 വരെയായിരിക്കും വിതരണം. വിദ്യാർഥികൾ നിർബന്ധമായും തിരിച്ചറിയൽ കാർഡും ഹാൾടിക്കറ്റും നിർബന്ധമായും ഹാജരാക്കണം. വിതരണകേന്ദ്രം, പരീക്ഷാകേന്ദ്രം, തീയതി എന്നീ ക്രമത്തിൽ ചുവടെ:
കണ്ണൂർ സർവകലാശാല കാന്പസ് കാസർഗോഡ്, ഗവ. കോളജ് കാസർഗോഡ്, ജിപിഎം ഗവ. കോളജ് മഞ്ചേശ്വരം31, സെപ്റ്റംബർ ഒന്ന് തീയതികളിൽ. എംജി കോളജ്, ഇരിട്ടി, പിആർഎൻഎൻഎസ് കോളജ് മട്ടന്നൂർ, നിർമലഗിരി കോളജ്, കൂത്തുപറന്പ്സെപ്റ്റംബർ ഒന്ന്, രണ്ട്.
വാക് ഇൻ ഇന്റർവ്യൂ
കണ്ണൂർ സർവകലാശാലയുടെ പാലയാട് കാന്പസിൽ പ്രവർത്തിക്കുന്ന സ്കൂൾ ഓഫ് ലീഗൽ സ്റ്റഡീസിനു കീഴിലുള്ള നിയമവകുപ്പിലേക്ക് മണിക്കൂർ വേതനാടിസ്ഥാനത്തിൽ സോഷ്യോളജി, പൊളിറ്റിക്കൽ സയൻസ്, മലയാളം എന്നീ വിഷയങ്ങളിൽ അസിസ്റ്റന്റ് പ്രഫസർമാരെ നിയമിക്കുന്നതിനുള്ള പാനൽ തയാറാക്കുന്നു. ഇതിനായി 31ന് രാവിലെ 10ന് താവക്കര ആസ്ഥാനത്ത് വാക് ഇൻ ഇന്റർവ്യൂ നടത്തും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 210 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ 9.30ന് എത്തിച്ചേരണം. വിശദവിവരങ്ങൾ സർവകലാശാലയുടെ www.kannuruniversity.ac.in എന്ന വെബ്സൈറ്റിൽ ലഭ്യമാണ്.
പ്രളയക്കെടുതി: മാർക്ക് ലിസ്റ്റുകളും സർട്ടിഫിക്കറ്റുകളും വിതരണം ചെയ്യും
പ്രളയക്കെടുതിയിൽ സർട്ടിഫിക്കറ്റുകളും മാർക്ക് ലിസ്റ്റുകളും നഷ്ടപ്പെട്ടവർക്കു കണ്ണൂർ സർവകലാശാല ഫീസ് ഈടാക്കാതെ പകരം സർട്ടിഫിക്കറ്റുകളും മാർക്ക് ലിസ്റ്റുകളും നൽകും. ഇതിനായി നടത്തുന്ന അദാലത്തിൽ പ്രത്യേക അപേക്ഷകൾ നേരിട്ടും ഓൺലൈനായും സമർപ്പിക്കാം. സെപ്റ്റംബർ 30 നകം സർട്ടിഫിക്കറ്റുകൾ വിതരണം ചെയ്യുന്നതിനുള്ള നടപടികൾ കൈക്കൊള്ളുന്നതായി സർവകലാശാല അറിയിച്ചു.