പുതുക്കിയ പരീക്ഷാ തിയതികള്‍
ഓഗസ്റ്റ് 14ന് ആരംഭിക്കാനിരുന്ന അഫിലിയേറ്റഡ് കോളജുകളിലെ രണ്ടാം സെമസ്റ്റര്‍ പിജി (സിയുസിഎസ്എസ്) റഗുലർ/സപ്ലിമെന്‍ററി/ഇംപ്രൂവ്മെന്‍റ് പരീക്ഷ അഞ്ച് മുതല്‍ നടക്കും.
ആഗസ്റ്റ് 20ന് നടത്താനിരുന്ന വിദൂരവിദ്യാഭ്യാസം മൂന്ന്, നാല് സെമസ്റ്റര്‍ എംഎ ഹിസ്റ്ററി പേപ്പര്‍ എസ്.4ഇ.3വിമണ്‍സ് ഹിസ്റ്ററി റഗുലര്‍ /സപ്ലിമെന്‍ററി/ഇംപ്രൂവ്മെന്‍റ് പരീക്ഷയും, വിദൂരവിദ്യാഭ്യാസം ഒന്ന്, രണ്ട് സെമസ്റ്റര്‍ പ്രീവിയസ് എംഎ അറബിക് റഗുലര്‍ /സപ്ലിമെന്‍ററി/ഇംപ്രൂവ്മെന്‍റ് പരീക്ഷയും നാലിന് നടക്കും.
ഓഗസ്റ്റ് 16ലെ നാലാം സെമസ്റ്റര്‍ ബിടെക് റഗുലര്‍ (കോഹിനൂര്‍ ഐഇടി വിദ്യാര്‍ഥികള്‍ക്ക് മാത്രം), 2014 സ്‌കീം2014 പ്രവേശനം സപ്ലിമെന്‍ററി/ഇംപ്രൂവ്മെന്‍റ്, 2009 സ്‌കീം സപ്ലിമെന്‍ററി പരീക്ഷ നാലിന് നടക്കും.
തൃശൂര്‍ ശ്രീ എറണാകുളത്തപ്പന്‍ കോളജ് ഓഫ് എന്‍ജിനിയറിംഗ് ആൻഡ് മാനേജ്മെന്‍റില്‍ ആഗസ്റ്റ് 20ന് നടത്താനിരുന്ന മൂന്നാം സെമസ്റ്റര്‍ ബിടെക് (2014 സ്‌കീം) പേപ്പര്‍ ഇഎന്‍ 14
301എന്‍ജിനിയറിംഗ് മാത്തമാറ്റിക്സ് പുനഃപരീക്ഷ സെപ്റ്റംബര്‍ ആറിന് നടക്കും. പരീക്ഷാ കേന്ദ്രത്തിലോ സമയത്തിലോ മാറ്റമില്ല.
സെനറ്റ് തെരഞ്ഞെടുപ്പ് ഫലം
കാലിക്കട്ട് സര്‍വകലാശാലാ സെനറ്റിലേക്ക് പ്രൈവറ്റ് കോളജ് അധ്യാപകരുടെ മണ്ഡലത്തില്‍ നിന്നും കെ.പി.സായൂജ് കുമാര്‍ (ചേളന്നൂര്‍ എസ്എന്‍ജി കോളജ്), ഡോ.സി.എൽ.ജോഷി, എം.ബിജു ജോണ്‍ (തൃശൂര്‍ സെന്‍റ് തോമസ് കോളജ്), ഡോ.ടി.മുഹമ്മദലി (ഫാറൂഖ് കോളജ്), ഡോ.കെ.പി.വിനോദ്കുമാര്‍ (മമ്പാട് എംഇഎസ് കോളജ്), റോബിന്‍ സേവിയര്‍ , ഡോ.ഷിബി എം. തോമസ് (ദേവഗിരി സെന്‍റ് ജോസഫ്സ് കോളജ്), ഡോ.എം.ബി.ഗോപാലകൃഷ്ണന്‍ (ചുങ്കത്തറ മാര്‍ത്തോമ കോളജ്), ഡോ.കെ.സുധീന്ദ്രന്‍ (തൃശൂര്‍ ശ്രീ കേരളവര്‍മ്മ കോളജ്), ഡോ.ശ്രീജിത്ത് എം. നായര്‍ (മലബാര്‍ ക്രിസ്റ്റ്യന്‍ കോളജ്), ഡോ.ലക്ഷ്മി ആര്‍ . ചന്ദ്രന്‍ (നെന്മാറ എന്‍എസ്എസ് കോളജ്), കെ.വി.വരുണ്‍ (തൃശൂര്‍ ശ്രീ കേരളവര്‍മ്മ കോളജ്), പി.റഷീദ് അഹമ്മദ് (കരുവാരക്കുണ്ട് ദാറുന്നജാത്ത് അറബിക് കോളജ്), ഡോ.കെ.അലി നൗഫല്‍ (ഫാറൂഖ് കോളജ്), ഡോ.ടി.മുഹമ്മദ് സലീം (ഫാറൂഖ് ട്രെയിനിംഗ് കോളജ്), റവ.ഫാദര്‍ പി.ടി.ജോയ് (ഇരിഞ്ഞാലക്കുട ക്രൈസ്റ്റ് കോളേജ്).
അസി.പ്രഫസര്‍ നിയമനം
വിദൂരവിദ്യാഭ്യാസ വിഭാഗത്തിലേക്ക് അറബിക്, കൊമേഴ്സ്, ഇക്കണോമിക്സ്, ഇംഗ്ലീഷ്, ഹിസ്റ്ററി, മലയാളം, മാത്തമാറ്റിക്സ്, ഫിലോസഫി, പൊളിറ്റിക്കല്‍ സയന്‍സ്, സംസ്‌കൃതം, സോഷ്യോളജി എന്നീ വിഷയങ്ങളിലേക്ക് കരാര്‍ അടിസ്ഥാനത്തില്‍ അസി.പ്രഫസര്‍മാരെ നിയമിക്കുന്നതിന് ഏഴ്, എട്ട് തിയതികളില്‍ വാക്ഇന്‍ ഇന്‍റര്‍വ്യൂ നടത്തും. വിശദാംശങ്ങള്‍ വിദൂദരവിദ്യാഭ്യാസ വിഭാഗം വെബ്സൈറ്റില്‍ .
മ്യൂസിക് കോര്‍ഡിനേറ്റര്‍ അഭിമുഖം മാറ്റി
സ്‌കൂള്‍ ഓഫ് ഡ്രാമ ആൻഡ് ഫൈന്‍ ആര്‍ട്സിലെ മ്യൂസിക് കോര്‍ഡിനേറ്റര്‍ തസ്തികയിലേക്ക് ആറിന് നടത്താനിരുന്ന അഭിമുഖം മാറ്റി. പുതുക്കിയ തിയതി പിന്നീട് അറിയിക്കും.
സര്‍വകലാശാലാ കാമ്പസില്‍ എംടെക് നാനോ സയന്‍സ് പ്രവേശനം
നാനോസയന്‍സ് ആൻഡ് ടെക്നോളജി പഠനവകുപ്പില്‍ നടത്തുന്ന എംടെക് നാനോസയന്‍സ് ആൻഡ് ടെക്നോളജി പ്രവേശനത്തിന് ഓണ്‍ലൈനായി അപേക്ഷിക്കാനുള്ള തിയതി 15 വരെ നീട്ടി. ഫോൺ:0494 2407016, 2407374.
രാമാനുജന്‍ സെമിനാര്‍ 15ന്
ഗണിത ശാസ്ത്ര പഠനവിഭാഗം ആഗസ്റ്റ് 18ന് നടത്താനിരുന്ന രാമാനുജന്‍ സെമിനാര്‍ 15ന് സര്‍വകലാശാലാ സെന്‍ട്രല്‍ സയന്‍സ് ബ്ലോക്കിലെ ആര്യഭട്ട ഹാളില്‍ നടക്കും. വിവരങ്ങള്‍ വെബ്സൈറ്റില്‍.
പരീക്ഷാഫലം
ഒന്നാം സെമസ്റ്റര്‍ ബിഎസ്‌സി/ബിസിഎ (സിസിഎസ്എസ്) സപ്ലിമെന്‍ററി/ഇംപ്രൂവ്മെന്‍റ ഏപ്രില്‍ 2016 പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് 14 വരെ അപേക്ഷിക്കാം.
2018 ജൂണില്‍ നടത്തിയ നാലാം സെമസ്റ്റര്‍ എംഎസ്‌സി ബോട്ടണി, എംഎസ്‌സി മാത്തമാറ്റിക്സ്, എംഎസ്‌സി കെമിസ്ട്രി, എംഎസ്‌സി ഫിസിക്സ് (സിയുസിഎസ്എസ്) പരീക്ഷാഫലം വെബ്സൈറ്റില്‍. പുനര്‍മൂല്യനിര്‍ണയത്തിന് എംഎസ്‌സി ഫിസിക്സിന് 11 വരെയും മറ്റ് വിഷയങ്ങള്‍ക്ക് 14 വരെയും അപേക്ഷിക്കാം.
പിഎച്ച്ഡിപിക്യുഇ ജൂലൈ 2018 പരീക്ഷ
18, 19 തിയതികളില്‍ നടത്തുന്ന പിഎച്ച്ഡി പ്രിലിമിനറി ക്വാളിഫയിംഗ് ജൂലൈ 2018 പരീക്ഷയുടെ വിവരങ്ങള്‍ സര്‍വകലാശാലാ വെബ്സൈറ്റില്‍ ലഭ്യമാണ്.
എംഎ അറബിക് (എസ്ഡിഇ) വൈവ വിദൂരവിദ്യാഭ്യാസം മൂന്ന്, നാല് സെമസ്റ്റര്‍ എംഎ അറബിക് ഏപ്രിൽ/മേയ് 2018 പരീക്ഷയുടെ വൈവാ വോസി (സൈമള്‍ടെനിയസ് ട്രാന്‍സ്ലേഷന്‍) പത്ത് മുതല്‍ പരീക്ഷാഭവനില്‍ നടക്കും. ഷെഡ്യൂള്‍ വെബ്സൈറ്റില്‍.
പുനര്‍മൂല്യനിര്‍ണയ ഫലം
അവസാന വര്‍ഷ പാര്‍ട്ട് ഒന്ന് ബിഡിഎസ് സെപ്റ്റംബര്‍ 2017, അഞ്ചാം സെമസ്റ്റര്‍ ബിഎംഎംസി നവംബര്‍ 2017, അഞ്ചാം സെമസ്റ്റര്‍ ബിവോക് നവംബര്‍ 2017 പരീക്ഷകളുടെ പുനര്‍മൂല്യനിര്‍ണയ ഫലം വെബ്സൈറ്റില്‍. ഉത്തരക്കടലാസ് തിരിച്ചറിയാനാഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക.