പരീക്ഷാ കേന്ദ്രത്തില് മാറ്റം
ഇന്ന് നടത്തുന്ന വിദൂരവിദ്യാഭ്യാസം നാലാം സെമസ്റ്റര് യുജി പൊളിറ്റിക്കല് സയന്സ് പരീക്ഷയ്ക്ക് ചാലക്കുടി സേക്രഡ് ഹാര്ട്ട് കേന്ദ്രമായി ഹാള്ടിക്കറ്റ് ലഭിച്ചവര് തൃശൂര് സെന്റ് തോമസ് കോളജില് പരീക്ഷ എഴുതണം. അതേ ഹാള്ടിക്കറ്റ് ഉപയോഗിക്കാം.
അഞ്ചിന് ആരംഭിക്കുന്ന രണ്ടാം സെമസ്റ്റര് ബികോം/ബിബിഎ പരീക്ഷക്ക് ചാലക്കുടി സേക്രഡ് ഹാര്ട്ട് കോജേില് രജിസ്റ്റര് ചെയ്ത എല്ലാ റഗുലര് കോളജ് വിദ്യാര്ഥികളും ഇരിഞ്ഞാലക്കുട സെന്റ്ജോസഫ്സ് കോളജില് പരീക്ഷ എഴുതണം. സമയം, ടൈംടേബിള് എന്നിവയില് മാറ്റമില്ല.
അഞ്ചിന് ആരംഭിക്കുന്ന വിദൂരവിദ്യാഭ്യാസം രണ്ടാം സെമസ്റ്റര് ബികോം/ബിബിഎ (സിയുസിബിസിഎസ്എസ്) പരീക്ഷകള്ക്ക് തൃശൂര് മാള ജീസസ് ട്രെയിനിംഗ് കോളജ്, തൃശൂര് ഡിവൈന് ഇന്സ്റ്റിറ്റ്യൂട്ട് ഓഫ് മീഡിയ സയന്സ് എന്നീ കോളജുകള് പരീക്ഷാകേന്ദ്രമായി ഹാള്ടിക്കറ്റ് ലഭിച്ചവര് ചാലക്കുടി പനമ്പള്ളി മെമ്മോറിയല് ഗവ.കോളജില് ഹാജരാകണം. ചാലക്കുടി സേക്രഡ് ഹാര്ട്ട് കേന്ദ്രമായി ഹാള്ടിക്കറ്റ് ലഭിച്ചവര് കോട്ടക്കല്, മാള സെന്റ് തെരേസാസ് ആര്ട്സ് ആൻഡ് സയന്സ് കോളജിലും ചാലക്കുടി നിര്മല കോളജ് ഓഫ് ആര്ട്സ് ആൻഡ് സയന്സ് കേന്ദ്രമായി ഹാള്ടിക്കറ്റ് ലഭിച്ചവര് തൃശൂര് , കൊടകര സഹൃദയ കോളജ് ഓഫ് അഡ്വാന്സ്ഡ് സ്റ്റഡീസിലും ഹാജരാകണം. നേരത്തെ ലഭിച്ച ഹാള്ടിക്കറ്റുമായി എത്തണം.
അഞ്ചിന് ആരംഭിക്കുന്ന പിജി രണ്ടാം സെമസ്റ്റര് പരീക്ഷയ്ക്ക് ചാലക്കുടി എസ്എച്ച് കോളജില് രജിസ്റ്റര് ചെയ്ത എംഎ ഇംഗ്ലീഷ്/എംഎസ്സി ഫിസിക്സ്/എംഎസ്സി കംപ്യൂട്ടര് സയന്സ്/എംഎസ്സി കെമിസ്ട്രി/എംകോം (സിയുസിഎസ്എസ്) വിദ്യാര്ഥികള് ഇരിഞ്ഞാലക്കുട സെന്റ് ജോസഫ്സ് കോളജില് ഹാജരാകണം. ടൈംടേബിള്, പരീക്ഷാ സമയം എന്നിവക്ക് മാറ്റമില്ല.
ബിഎംഎംസി പ്രാക്ടിക്കല് പരീക്ഷാകേന്ദ്രത്തിലും മാറ്റം
ഇന്നുമുതല് ഏഴ് വരെ ചാലക്കുടി നിര്മല കോളജില് നടത്താനിരുന്ന മൂന്ന്, നാല് സെമസ്റ്റര് ബിഎംഎംസി പ്രാക്ടിക്കല് പരീക്ഷ തറണനെല്ലൂര് ആര്ട്സ് ആന്ഡ് സയന്സ് കോളജിലേക്ക് മാറ്റി.
ബിടെക് വൈവ പുനഃപരീക്ഷ
ബിടെക് (2014 സ്കീം) എല്ലാ പേപ്പറുകളും പാസാവുകയും (എട്ടാം സെമസ്റ്റര് ഫലം പ്രസിദ്ധീകരിക്കുന്ന സമയത്ത്) വൈവ മാത്രം പരാജയപ്പെടുകയും ചെയ്തവര്ക്കുള്ള വൈവ പുനഃപരീക്ഷയ്ക്ക് 12 വരെ അപേക്ഷിക്കാം.
പരീക്ഷാ അപേക്ഷ
അഫിലിയേറ്റഡ് കോളജുകളിലെ നാലാം സെമസ്റ്റര് ബിഎ/ ബിഎസ്സി/ ബിഎസ്സി ഇന് ആള്ട്ടര്നേറ്റ് പാറ്റേണ്/ബികോം/ ബികോം ഓണേഴ്സ്/ ബിബിഎ/ബിഎംഎംസി/ബിസിഎ/ബിഎസ്ഡബ്ല്യൂ/ബിടിഎ/ബിടിഎച്ച്എം/ബിവിസി/ബിഎച്ച്എ/ബിഎ അഫ്സല്ഉല്ഉലമ (2012, 2013 പ്രവേശനം) സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 25 വരെയും 160 രൂപ പിഴയോടെ ഒക്ടോബര് നാല് വരെയും അപേക്ഷിക്കാം.
വിദേശ വിദ്യാര്ഥികള്ക്കായുള്ള ഒന്ന്, മൂന്ന്, നാല് സെമസ്റ്റര് എംബിഎ (സിയുസിഎസ്എസ്) അഡീഷണല് സപ്ലിമെന്ററി പരീക്ഷയ്ക്ക് പിഴകൂടാതെ ഏഴ് വരെ അപേക്ഷിക്കാം.
ബിഎഡ് സപ്ലിമെന്ററി പരീക്ഷാഫലം
ഓഗസ്റ്റ് 31ന് പ്രസിദ്ധീകരിച്ച ഒന്നാം സെമസ്റ്റര് ബിഎഡ് ഡിസംബര് 2017 പരീക്ഷയുടെ സുല്ത്താന് ബത്തേരി മാര് ബസേലിയസ് കോളേജ് ഓഫ് എഡ്യുക്കേഷന് , സെന്റ് ഗ്രിഗോറിയസ് ട്രെയിനിംഗ് കോളജ്, സുല്ത്താന് ബത്തേരി സര്വകലാശാലാ എഡ്യുക്കേഷന് കേന്ദ്രം, കണിയാമ്പറ്റ സര്വകലാശാലാ ടീച്ചര് എഡ്യുക്കേഷന് കേന്ദ്രം എന്നിവിടങ്ങളിലെ സപ്ലിമെന്ററി വിദ്യാര്ഥികളുടെ പരീക്ഷാഫലം പിശക് തിരുത്തി പുനര്പ്രസിദ്ധീകരിച്ചു.
പരീക്ഷാഫലം
2017 ഒക്ടോബറില് നടത്തിയ ഒന്നാം സെമസ്റ്റര് എംഫില് കോമേഴ്സ് പരീക്ഷാഫലം വെബ്സൈറ്റില്.
2017 ഡിസംബറില് നടത്തിയ മൂന്നാം സെമസ്റ്റര് എംബിഎ റഗുലര് , ഈവനിംഗ് പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 14 വരെ അപേക്ഷിക്കാം.
ജൂലൈയില് നടത്തിയ നാലാം സെമസ്റ്റര് എംഎസ്സി റേഡിയേഷന് ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റില്.
അഞ്ച് അന്തര് സര്വകലാശാലാ ടൂര്ണമെന്റുകള് കാലിക്കട്ടില്
അസോസിയേഷന് ഓഫ് ഇന്ത്യന് യൂണിവേഴ്സിറ്റിയുടെ 201819 വര്ഷത്തെ കായിക കലണ്ടര് പ്രകാരം അഞ്ച് കായിക ഇനങ്ങള് കാലിക്കട്ട് സര്വകലാശാലയ്ക്ക് അനുവദിച്ചു. പുരുഷ വെയ്റ്റ് ലിഫ്റ്റിംഗ്, ബെസ്റ്റ് ഫിസിക്, പുരുഷ, വനിതാ പവര് ലിഫ്റ്റിംഗ്, വനിതാ സോഫ്റ്റ്ബോള് മത്സരങ്ങള്ക്കാണ് കാലിക്കട്ട് ആതിഥ്യമരുളുക.
വെയ്റ്റ് ലിഫ്റ്റിംഗ്, ബെസ്റ്റ് ഫിസിക് മത്സരങ്ങള് നവംബര് 17 മുതല് 20 വരെയും പവര് ലിഫ്റ്റിംഗ് ഡിസംബര് അവസാനവും വനിതാ സോഫ്റ്റ്ബോള് 2019 ഫെബ്രുവരിയിലും നടത്താനാണ് ധാരണ. മത്സരങ്ങൾക്കായി സര്വകലാശാലാ കാമ്പസ്, കൊണ്ടോട്ടി ഇഎംഇഎ കോളജ്, കോഴിക്കോട് സാമൂതിരി ഗുരുവായൂരപ്പന് കോളജ്, ഇരിഞ്ഞാലക്കുട ക്രൈസ്റ്റ് കോളജ്എന്നീ വേദികളാണ് പരിഗണിക്കുക.