ബിപിഎഡ്, ബിഎൽഐഎസ് സി : എസ് സി, എസ്ടി ഒന്നാം പ്രത്യേക അലോട്ട്മെന്റ് നാളെ
ഏകജാലകം വഴിയുള്ള ബിപിഎഡ്, ബിഎൽഐഎസ് സി പ്രോഗ്രാമിൽ എസ് സി, എസ്ടി പ്രത്യേക അലോട്ട്മെന്റ് നാളെ നടത്തും. അഞ്ചിനും ആറിനും ഒന്നാം പ്രത്യേക അലോട്ട്മെന്റ് ലഭിച്ചവർക്ക് ഓണ്ലൈനായി ഫീസടച്ച് കോളജിൽ റിപ്പോർട്ട് ചെയ്യണം. എസ് സി, എസ്ടി രണ്ടാം പ്രത്യേക അലോട്ട്മെന്റിന് ഓണ്ലൈൻ രജിസ്ട്രേഷൻ എഴിന് നടക്കും. അതിന്റെ അലോട്ട്മെന്റ് 10ന് പ്രസിദ്ധീകരിക്കും. 10, 11 തീയതികളിൽ ഫീസടച്ച് കോളജിൽ ചേരണം. സപ്ലിമെന്ററി അലോട്ട്മെന്റിനുള്ള ഓണ്ലൈൻ രജിസ്ട്രേഷൻ 12 മുതൽ 13 വരെ നടത്തും. ഒന്നാം സപ്ലിമെന്ററി അലോട്ട്മെന്റ് 15ന് പ്രസിദ്ധീകരിക്കും. 15 മുതൽ 17 വരെ ഫീസടച്ച് കോളജിൽ പ്രവേശനം നേടണം. സ്പെഷൽ അലോട്ട്മെന്റിൽ ഓപ്ഷൻ പുനഃക്രമീകരണം 18ന് നടത്താം. രണ്ടാം സ്പെഷൽ അലോട്ട്മെന്റ് 22ന് പ്രസിദ്ധീകരിക്കും. 22 മുതൽ 24 വരെ ഓണ്ലൈനായി ഫീസടച്ച് കോളജിൽ പ്രവേശനം നേടാം.
യുജി ഏകജാലകം: അന്തിമ അലോട്ട്മെന്റിന് ഇന്ന് നാലു വരെ അപേക്ഷിക്കാം
സർവകലാശാലയിലെ അഫിലിയേറ്റഡ് ആർട്സ് ആൻഡ് സയൻസ് കോളജുകളിലെ യുജി കോഴ്സുകളിൽ ഏകജാലകം വഴിയുള്ള പ്രവേശനത്തിനുള്ള അന്തിമ അലോട്ട്മെന്റിന് ഇന്ന് നാലു വരെ അപേക്ഷിക്കാം. ഒന്നാം ഫൈനൽ അലോട്ട്മെന്റ് എഴിനും രണ്ടാം ഫൈനൽ അലോട്ട്മെന്റ് 11നും, മൂന്നാം ഫൈനൽ അലോട്ട്മെന്റ് 13നും, നാലാം ഫൈനൽ അലോട്ട്മെന്റ് 15നും പ്രസിദ്ധീകരിക്കും.
അപേക്ഷാ തീയതി
രണ്ടാം സെമസ്റ്റർ എംപിഎഡ് (2017 അഡ്മിഷൻ റെഗുലർ, സപ്ലിമെന്ററി) പരീക്ഷകൾ സെപ്റ്റംബർ 24 മുതൽ ആരംഭിക്കും. അപേക്ഷകൾ എഴു വരെയും 50 രൂപ പിഴയോടെ 10 വരെയും 500 രൂപ സൂപ്പർഫൈനോടെ 11 വരെയും സ്വീകരിക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ എംപിഎഡ് (2016 അഡ്മിഷൻ റെഗുലർ, സപ്ലിമെന്ററി) പരീക്ഷകൾ സെപ്റ്റംബർ 18 മുതൽ ആരംഭിക്കും. അപേക്ഷകൾ എഴു വരെയും 50 രൂപ പിഴയോടെ 10 വരെയും 500 രൂപ സൂപ്പർഫൈനോടെ 11 വരെയും സ്വീകരിക്കും. റെഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 40 രൂപ വീതവും സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. നാലാം സെമസ്റ്റർ എംപിഎഡ് റെഗുലർ വിദ്യാർഥികൾ പ്രൊവിഷണൽ സർട്ടിഫിക്കറ്റ് ഫീസായി 125 രൂപയും അടയ്ക്കണം.
സംവരണ സീറ്റൊഴിവ്
സ്കൂൾ ഓഫ് സോഷ്യൽ സയൻസസിൽ എംഎ ആന്ത്രോപോളജിക്ക് എസ്സി വിഭാഗത്തിൽ ഒരു സീറ്റൊഴിവുണ്ട്. അർഹരായ വിദ്യാർഥികൾ അസൽ രേഖകളുമായി അഞ്ചിന് വൈകുന്നേരം അഞ്ചിനു മുന്പായി വകുപ്പ് മേധാവിക്ക് മുന്പിൽ ഹാജരാകണം.
പരീക്ഷാഫലം
2018 മേയിൽ നടത്തിയ ബിഎഡ് സ്പെഷൽ എജ്യൂക്കേഷൻ നാലാം സെമസ്റ്റർ റെഗുലർ, ഇംപ്രൂവ്മെന്റ്, സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 ജനുവരിയിൽ നടത്തിയ മൂന്നാം സെമസ്റ്റർ ബികോം എൽഎൽബി ഓണേഴ്സ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 14 വരെ അപേക്ഷിക്കാം.
2018 ജനുവരയിൽ നടത്തിയ മൂന്നാം സെമസ്റ്റർ ബിബിഎ എൽഎൽബി ഓണേഴ്സ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
യുജിസിനെറ്റ്, ജെആർഎഫ് പരീക്ഷാ പരിശീലനം
മാനവിക വിഷയങ്ങൾക്കുള്ള യുജിസി നെറ്റ്, ജെആർഎഫ് പരീക്ഷയുടെ ജനറൽ പേപ്പറിന് വേണ്ടിയുള്ള പരിശീലനം യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ ഉടൻ ആരംഭിക്കും. യൂണിവേഴ്സിറ്റി കാന്പസിൽ നടത്തുന്ന പരിശീലനത്തിൽ പങ്കെടുക്കാൻ താല്പര്യമുള്ളവർക്കു ഓഫീസുമായി ബന്ധപ്പെണം. 0481 2731025.