എംടെക് സ്പോട്ട് അഡ്മിഷൻ
സർവകലാശാല നടത്തിയ എംടെക് പ്രവേശന പരീക്ഷ എഴുതിയ വിദ്യാർഥികൾക്കായി സ്പോട്ട് അഡ്മിഷൻ നടത്തുന്നു. കംപ്യൂട്ടർ സയൻസ്, ഒപ്റ്റോ ഇലക്ട്രോണിക്സ്, ഫ്യൂച്ചർ സ്റ്റഡീസ് എന്നീ പഠന വിഭാഗങ്ങളിൽ നടത്തി വരുന്ന AICTE അംഗീകാരമുളള എംടെക് പ്രോഗ്രാമുകളിലേക്കാണ് പ്രവേശനം. താത്പര്യമുളളവർ വെള്ളിയാഴ്ച രാവിലെ 11ന് സർട്ടിഫിക്കറ്റുകളുമായി അതാത് ഡിപ്പാർട്ട്മെന്റുകളിൽ ഹാജരാകണം. കൂടുതൽ വിവരങ്ങൾക്ക് അതാത് വിഭാഗങ്ങളുമായി ബന്ധപ്പെടുക.
സൂക്ഷ്മ പരിശോധന
2017 ഒക്ടോബറിൽ നടത്തിയ ഒന്നാം സെമസ്റ്റർ യൂണിറ്ററി എൽഎൽബി പരീക്ഷയുടെ സൂക്ഷ്മ പരിശോധനക്ക് അപേക്ഷിച്ചവർ ഇന്നു മുതൽ 13 വരെയുളള പ്രവർത്തി ദിവസങ്ങളിൽ ഹാൾ ടിക്കറ്റും തിരിച്ചറിയൽ രേഖയുമായി പുനർമൂല്യനിർണയ വിഭാഗത്തിൽ ഹാജരാകണം.
അപേക്ഷ ക്ഷണിച്ചു
ഇന്റർ യൂണിവേഴ്സിറ്റി സെന്റർ ഫോർ ജിയോ സ്പെഷൽ ഇൻഫർമേഷൻ സയൻസ് ആൻഡ് ടെക്നോളജിയിൽ പി.ജി ഡിപ്ലോമ ഇൻ ജിയോ ഇൻഫർമേഷൻ സയൻസ് ആൻഡ് ടെക്നോളജി കോഴ്സിന് (2018 19 അഡ്മിഷൻ) അപേക്ഷ ക്ഷണിച്ചു. യോഗ്യത: ജിയോളജി, ജിയോഗ്രഫി, എൻവയോണ്മെന്റ് സയൻസ്, കംപ്യൂട്ടർ സയൻസ്, ഫിസിക്സ് ഇവയിൽ ഏതിലെങ്കിലും പി.ജി. അപേക്ഷ സമർപ്പിക്കേണ്ട അവസാന തീയതി ഒക്ടോബർ 31. ഫോണ്: 0471 2308214 വിശദവിവരങ്ങൾക്ക് www.cgist.ac.in എന്ന വെബ്സൈറ്റ് സന്ദർശിക്കുക.
ഒന്നാം വർഷ ബിരുദാനന്തര ബിരുദ പ്രവേശനംട്രയൽ അലോട്ട്മെന്റ് പ്രസിദ്ധീകരിച്ചു
ബിരുദാനന്തര ബിരുദ കോഴ്സുകളിലേക്ക് (2018 19 അധ്യയന വർഷം) പ്രവേശനത്തിനുളള ട്രയൽ അലോട്ട്മെന്റ് വെബ്സൈറ്റിൽ (
കമ്മ്യൂണിറ്റി ക്വാട്ട, സ്പോർട്സ് ക്വാട്ട എന്നിവയിലേക്ക് അപേക്ഷിക്കുന്നവർ ഓണ്ലൈൻ അപേക്ഷയുടെ പ്രിന്റ് ഔട്ടും അനുബന്ധ രേഖകളും ബന്ധപ്പെട്ട കോളജുകളിൽ ഏഴിനകം സമർപ്പിക്കണം.
ജി.കാർത്തികേയൻ മെമ്മോറിയൽ അവാർഡ്
201617, 201718 വർഷങ്ങളിലെ ഏറ്റവും നല്ല കോളജ് യൂണിയനുളള ജി.കാർത്തികേയൻ മെമ്മോറിയൽ അവാർഡിനുളള എൻട്രികൾ സമർപ്പിക്കുന്നതിനുളള തീയതി 15വരെ നീട്ടിയിരിക്കുന്നു. പ്രളയദുരന്തവുമായി ബന്ധപ്പെട്ട അസൗകര്യം പരിഗണിച്ചാണ് തീയതിയിൽ മാറ്റം വരുത്തിയത്.
എൻട്രികൾ അയയ്ക്കാനുളള കോളജുകൾ 15നു വൈകുന്നേരം അഞ്ചിനു മുൻപായി ഡയറക്ടർ, ഡിപ്പാർട്ട്മെന്റ് ഓഫ് സ്റ്റുഡന്റ് സർവീസസ്, പിഎംജി, തിരുവനന്തപുരം എന്ന വിലാസത്തിൽ ലഭ്യമാക്കണം.