പിജി പ്രവേശനം സെപ്റ്റംബർ ഏഴു വരെ
കണ്ണൂർ സർവകലാശാലയുടെ കീഴിലുള്ള ആർട്സ് ആൻഡ് സയൻസ് കോളജുകളിൽ പിജി പ്രോഗ്രാമിൽ നിലവിൽ ഒഴിവുള്ള സീറ്റുകളിലേക്കു റാങ്ക് ലിസ്റ്റിൽ ഉൾപ്പെട്ട ഇതുവരെ ഒരു കോളജിലും പ്രവേശനം നേടാത്ത വിദ്യാർഥികൾക്ക് ഇൻഡക്സ് മാർക്കിന്റെ അടിസ്ഥാനത്തിൽ ഏഴു വരെ പ്രവേശനം നൽകും. കോളജുകളിൽ നിലവിലുള്ള ഒഴിവുകൾ സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. റാങ്ക് ലിസ്റ്റിൽ ഉൾപ്പെട്ടിട്ടുള്ളവർ അതത് കോളജുമായി ബന്ധപ്പെടണം.
ഫലം പ്രസിദ്ധീകരിച്ചു
കണ്ണൂർ സർവകലാശാല പാർട്ട് ഒന്ന് ഒന്നാം സെമസ്റ്റർ എംഎസ്സി മെഡിക്കൽ മൈക്രോബയോളജി/ബയോ കെമിസ്ട്രി (റെഗുലർ/സപ്ലിമെന്ററി) നവംബർ 2017 പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യ നിർണയത്തിനും സൂക്ഷ്മ പരിശോധനയ്ക്കുമുള്ള അപേക്ഷകൾ 17 വരെ സർവകലാശാലയിൽ സ്വീകരിക്കും.
എൻസിസി അവാർഡിന് അപേക്ഷ ക്ഷണിച്ചു
കണ്ണൂർ: സർവകലാശാല 201718 വർഷത്തെ എൻസിസി അവാർഡിനുള്ള അപേക്ഷ ക്ഷണിച്ചു. മികച്ച എൻസിസി ഓഫീസർ, യൂണിറ്റ്, കേഡറ്റ് എന്നീ വിഭാഗങ്ങളിലാണ് അവാർഡ് നൽകുക. ഓരോ ഇനത്തിലും പ്രത്യേകം പ്രത്യേകം അപേക്ഷിക്കണം. 201718 അക്കാദമിക് വർഷത്തെ പ്രവർത്തനങ്ങൾ മാത്രം ഉൾപ്പെടുന്ന അപേക്ഷയുടെ കൂടെ പ്രിൻസിപ്പൽ സാക്ഷ്യപ്പെടുത്തിയ ഫോട്ടോ, സർട്ടിഫിക്കറ്റുകൾ, പത്രവാർത്ത എന്നിവ സമർപ്പിക്കണം. അപേക്ഷയോടൊപ്പം എൻസിസി വാർഷിക റിപ്പോർട്ടുകൂടി സമർപ്പിക്കണം. സോഫ്റ്റ് കോപ്പി സ്വീകരിക്കില്ല. അപേക്ഷ ലഭിക്കേണ്ട അവസാന തീയതി 15 .