എനിക്ക് ഇന്ത്യൻ മാരിടൈം യൂണിവേഴ്സിറ്റിയിൽ പഠിക്കണമെന്നുണ്ട്. ഏതെല്ലാം കോഴ്സുകളാണ് ഈ സർവകലാശാല നടത്തുന്നത്.
മാത്യു സ്കറിയ, മാഹി
ഇന്ത്യൻ മാരിടൈം യൂണിവേഴ്സിറ്റി നടത്തുന്ന കോഴ്സുകൾ താഴെ പറയുന്നു:
1. ബിടെക് ഇൻ മറൈൻ എൻജിനിയറിംഗ്
2. ബിഎസ്സി നോട്ടിക്കൽ സയൻസ്.
യൂണിവേഴ്സിറ്റിയുടെ എല്ലാ കാന്പസുകളിലും എല്ലാ കോഴ്സുകളും നടക്കുന്നില്ല. കാന്പസ് തോറും കോഴ്സുകളിൽ വ്യത്യാസമുണ്ടാകും. ഉദാഹരണത്തിന് കൊച്ചിയിലെ കാന്പസിൽ ബിഎസ്സി ഷിപ് ബിൽഡിംഗ് ആൻഡ് റിപ്പയറിംഗ് എന്ന കോഴ്സ് മാത്രമേ നടക്കുന്നുള്ളൂ.
മാരിടൈം സർവകലാശാല നടത്തുന്ന മറ്റു ചില കോഴ്സുകൾ:
1. ഡിപ്ലോമ ഇൻ മറൈൻ എൻജിനിയറിംഗ്.
ബിടെക് മെക്കാനിക്കൽ , മറൈൻ എന്ജിനിയറിംഗ്, ഷിപ്പ് ബിൽഡിംഗ് ആൻഡ് നേവൽ ആർക്കിടെക്ചർ കോഴ്സുകൾ കഴിഞ്ഞവർക്കാണ് രണ്ടുവർഷ പഠനദൈർഘ്യമുള്ള ഡിപ്ലോമ ഇൻ മറൈൻ എൻജിനിയറിംഗ് പഠിക്കാൻ കഴിയുക. ബിഎസ്സി മറൈൻ സയൻസ്, ബിഎസ്സി നോട്ടിക്കൽ സയൻസ് എന്നിവ പാസായവരെയും പരിഗണിക്കും.
2. പ്രീ സീ ട്രെയിനിംഗ്
മെക്കാനിക്കൽ എൻജിനിയറിംഗ് പാസായവർക്കു പഠിക്കാൻ കഴിയുന്ന ഒരുവർഷ ഡിപ്ലോമ കോഴ്സാണ് പ്രീ സീ ട്രെയിനിംഗ്.
പുതുതായി കോടതിയിൽ പ്രാക്ടീസ് ചെയ്യാൻ ബാർ കൗൺസിൽ നടപ്പാക്കിയിട്ടുള്ള എയ്ബ് പരീക്ഷ എങ്ങനെയാണ്.
രാധിക രാധാകൃഷ്ണൻ, കൊല്ലം
= ഓൾ ഇന്ത്യ ബാർ എക്സാമിനേഷൻ അഥവാ എയ്ബ് എന്ന ചുരുക്കപ്പേരിൽ അറിയപ്പെടുന്ന ഈ പരീക്ഷ ഓപ്പൺ ബുക്ക് എക്സാം അഥവാ പുസ്തകം തുറന്നുവച്ചുള്ള പരീക്ഷയാണ്. മൾട്ടിപ്പിൾ ചോദ്യമാതൃകയിലാണ് പരീക്ഷ നടത്തുന്നത്. ഈ ചോദ്യങ്ങൾ ഉൾപ്പെടുന്ന സിലബസിന്റെ അടിസ്ഥാനത്തിലുള്ള ഗൈഡുകളോ പുസ്തകങ്ങളോ പരീക്ഷാഹാളിൽ ഉപയോഗിക്കാം. മൂന്നരമണിക്കൂർ ദൈർഘ്യമുള്ള പരീക്ഷ 11 ഭാഷകളിലുണ്ട്. ഏതുഭാഷയും തെരഞ്ഞെടുത്ത് എഴുതാം.
പരീക്ഷയ്ക്ക് നെഗറ്റീവ് മാർക്ക് ഇല്ല. ബിരുദത്തിൽ നിയമവിദ്യാർഥികൾ പഠിക്കേണ്ട എല്ലാ വിഷയങ്ങളും എയ്ബ് പരീക്ഷയുടെ സിലബസിൽ ഉൾപ്പെടുത്തിയിട്ടുണ്ട്. നിയമബിരുദധാരി സംസ്ഥാന ബാർ കൗൺസിലിൽ എൻറോൾ ചെയ്ത ശേഷമേ എയ്ബ് പരീക്ഷയ്ക്കായി രജിസ്റ്റർ ചെയ്യാൻ കഴിയൂ.
എയ്ബ് പരീക്ഷ എത്രതവണ വേണമെങ്കിലും എഴുതാം. പാസാകാൻ 40 ശതമാനം മാർക്ക് വേണം. ഇതു ലഭിച്ചാൽ ബാർ കൗൺസിൽ ഓഫ് ഇന്ത്യ സർട്ടിഫിക്കറ്റ് ഓഫ് പ്രാക്ടീസ് എന്ന സർട്ടിഫിക്കറ്റ് ലഭിക്കും.
പരീക്ഷ പാസായവർക്കു മാത്രമേ വക്കാലത്തെടുക്കാനും നിയമോപദേശം നൽകാനും അധികാരമുണ്ടാകൂ.
റീസണിംഗ്, അനാലിസിസ് എന്നീ രൂപത്തിലുള്ള ചോദ്യങ്ങൾക്കു മുൻതൂക്കം നൽകിയാണ് എയ്ബ് പരീക്ഷ നടത്തുന്നത്. പരീക്ഷാഫീസ് 1300 രൂപയാണ്. കൂടുതൽ വിവരങ്ങൾക്ക് www.barcouncilofi ndia.org, www.allindiabare xamination.com.
തയാറാക്കിയത്
ബാബു പള്ളിപ്പാട്ട്
ചോദ്യങ്ങൾ അയയ്ക്കേണ്ട ഇ മെയിൽ
[email protected]