അന്തര് കലാലയ ഫുട്ബോള് 24 മുതല് സര്വകലാശാലാ സ്റ്റേഡിയത്തില്
അന്തര് കലാലയ പുരുഷ ഫുട്ബോള് മത്സരങ്ങള് 24 മുതല് 27 വരെ കാലിക്കട്ട് സര്വകലാശാലാ സ്റ്റേഡിയത്തില് നടക്കും. അഞ്ച് ജില്ലകളടങ്ങുന്ന നാല് സോണുകളിലെ മികച്ച 16 ടീമുകളാണ് മത്സരിക്കുക. ചാമ്പ്യന്ഷിപ്പില് മികച്ച പ്രകടനം കാഴ്ചവയ്ക്കുന്ന താരങ്ങള്ക്ക് സര്വകലാശാലാ ഫുട്ബോള് ടീമില് അവസരം ലഭിക്കും.
പിഎ സിസ്റ്റം ഓപ്പറേറ്റർ, ടെക്നീഷ്യന് : കരാര് നിയമനം
പിഎ സിസ്റ്റം ഓപ്പറേറ്റർ, ടെക്നീഷ്യന് (ഡാറ്റാ സെന്റര്) തസ്തികയില് കരാര് നിയമനത്തിന് ഓണ്ലൈന് അപേക്ഷ ക്ഷണിച്ചു. അവസാന തിയതി 30 വൈകുന്നേരം അഞ്ച് . പ്രതിമാസ മൊത്ത വേതനം: 17,325 രൂപ. പ്രായം 2018 ജനുവരി ഒന്നിന് 36 വയസ് കവിയരുത്. യോഗ്യത സംബന്ധിച്ചും മറ്റ് വിവരങ്ങള്ക്കും സര്വകലാശാലാ വെബ്സൈറ്റിൽ.
ബിടെക് ലാറ്ററല് എന്ട്രി സ്പോട്ട് അഡ്മിഷന്
എന്ജിനിയറിംഗ് കോളജിലെ (ഐഇടി) ബിടെകിന് ഒഴിവുള്ള രണ്ടാം വര്ഷ ലാറ്ററല് എന്ട്രി സീറ്റുകളിലേക്ക് സ്പോട്ട് അഡ്മിഷന് 18ന് നടത്തും. എല്ഇടി 2018 റാങ്ക് ലിസ്റ്റില് ഉള്പ്പെട്ട താത്പ്പര്യമുള്ളവര് പ്രോസ്പെക്ടസില് പറഞ്ഞ പ്രകാരം സര്ട്ടിഫിക്കറ്റുകളും ഫീസും സഹിതം ഉച്ചയ്ക്ക് 12 നകം ഐഇടിയില് ഹാജരാകണം. ഏതെങ്കിലും കോളജില് പ്രവേശനം നേടിയവര് ഒറിജിനല് സര്ട്ടിഫിക്കറ്റ് ഹാജരാക്കാനാകാത്ത പക്ഷം പഠിക്കുന്ന സ്ഥാപനത്തില് നിന്നുള്ള എന്ഒസി ഹാജരാക്കണം. വിവരങ്ങള്വെബ്സൈറ്റില്. ഫോണ് : 0494 2400223,
പരീക്ഷ
ഒന്നാം സെമസ്റ്റര് ബിബിഎഎല്എല്ബി (ഓണേഴ്സ്, 2011 സ്കീം) റഗുലര് /സപ്ലിമെന്ററി പരീക്ഷ ഒക്ടോബര് 12ന് ആരംഭിക്കും.
എംസിജെ വൈവ
നാലാം സെമസ്റ്റര് എംസിജെ (സിയുസിഎസ്എസ്) വൈവാ വോസി/ഡസര്ട്ടേഷന് സെപ്തംബര് 17ന് ആരംഭിക്കും. ഷെഡ്യൂള് വെബ്സൈറ്റില് .
പരീക്ഷാഫലം
2018 ജൂണില് നടത്തിയ നാലാം സെമസ്റ്റര് എംബിഎ (റഗുലര് , ഈവനിംഗ്) (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 28 വരെ അപേക്ഷിക്കാം.
കാലിക്കട്ട് സര്വകലാശാല 2018 ജൂണില് നടത്തിയ നാലാം സെമസ്റ്റര് എംഎ ഹിന്ദി, എംഎ ഫംഗ്ഷണല് ഹിന്ദി ആൻഡ് ട്രാന്സ്ലേഷന് (സിസിഎസ്എസ്) പരീക്ഷാഫലം വെബ്സൈറ്റില് .
2018 ജൂണില് നടത്തിയ നാലാം സെമസ്റ്റര് എംഎസ്സി അപ്ലൈഡ് കെമിസ്ട്രി (സിസിഎസ്എസ്) പരീക്ഷാഫലം വെബ്സൈറ്റില് .