പ്രാക്ടിക്കൽ ടൈംടേബിൾ
വിദൂര വിദ്യാഭ്യാസ വിഭാഗം 2018 ജൂലൈ/ഓഗസ്റ്റിൽ നടത്തിയ ഒന്നും രണ്ടും സെമസ്റ്റർ ബിഎസ്സി (സി.എസ്)/ബി.സി.എ ഡിഗ്രി പരീക്ഷകളുടെ പ്രാക്ടിക്കൽ പരീക്ഷകൾ സെപ്റ്റംബർ 24 മുതൽ ഒക്ടോബർ 12വരെ വിവധ സെന്ററുകളിൽ നടത്തുന്നതായിരിക്കും.
ഒന്നാം സെമസ്റ്ററിലെ പ്രോഗ്രാമിംഗ് ലാബ് ഒന്ന് (ബിഎസ്സി (സിഎസ്)/ബിസിഎ), പി.സി സോഫ്റ്റ് വെയർ ലാബ് (ബിസിഎ), രണ്ടാം സെമസ്റ്ററിലെ പ്രോഗ്രാമിംഗ് ലാബ് രണ്ട്, ഡാറ്റാ സ്ട്രക്ച്ചേഴ്സ് ലാബ് (ബിഎസ്സി (സിഎസ്)/ബിസിഎ) എന്നീ പരീക്ഷകൾ പാളയം എസ്.ഡി.ഇ സെന്ററിൽ വച്ചും ഒന്നാം സെമസ്റ്ററിലെ ഡിജിറ്റൽ ഇലക്ട്രോണിക്സ് ലാബ് (ബി.എസ്.സി (സി.എസ്)) പരീക്ഷയ്ക്ക് തിരുവനന്തപുരം ആർട്സ് കോളജിലും കൊല്ലം, ആലപ്പുഴ എന്നീ ജില്ലകളിൽ പരീക്ഷ എഴുതിയ വിദ്യാർഥികൾ തിരുവനന്തപുരം യുഐടി കുറവൻകോണം സെന്ററിൽ 28, ഒക്ടോബർ ഒന്ന് എന്നീ തീയതികളിൽ ഡിജിറ്റൽ ഇലക്ട്രോണിക്സ് ലാബ് പരീക്ഷയ്ക്ക് ഹാജരാകണം. പാളയം എസ്ഡിഇ സെന്ററിൽ പരീക്ഷ എഴുതിയ വിദ്യാർഥികൾ യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടം സെന്ററിൽ 28, ഒക്ടോബർ ഒന്ന് എന്നീ തീയതികളിൽ ഡിജിറ്റൽ ഇലക്ട്രോണിക്സ് ലാബ് പരീക്ഷയ്ക്ക് ഹാജരാകണം.
പ്രാക്ടിക്കൽ പരീക്ഷകളുടെ വിശദമായ ടൈംടേബിൾ വെബ്സൈറ്റിൽ.
ഫങ്ഷണൽ മലയാളം സർട്ടിഫിക്കറ്റ് കോഴ്സ്
സർവകലാശാലയുടെ ലിംഗ്വിസ്റ്റിക്സ് ഡിപ്പാർട്ട്മെന്റ് നടത്തുന്ന മൂന്ന് മാസത്തെ ഫങ്ഷണൽ മലയാളം സർട്ടിഫിക്കറ്റ് കോഴ്സിന് (ഈവനിംഗ്) ഒക്ടോബർ അഞ്ച്വരെ അപേക്ഷിക്കാം. സ്കൂൾ, കോളജ് തലങ്ങളിൽ മലയാളം പഠിച്ചിട്ടില്ലാത്തവർക്കും യൂണിവേഴ്സിറ്റിയിൽ ഉപരിപഠനം നടത്തുന്ന അന്യഭാഷാ വിദ്യാർഥികൾക്കും മലയാള ഭാഷ കൈകാര്യം ചെയ്യാൻ ആഗ്രഹിക്കുന്ന പ്രഫഷണലുകൾക്കും വേണ്ടി നടത്തുന്ന ഈ കോഴ്സിന് പ്ലസ്ടുവാണ് അടിസ്ഥാന യോഗ്യത. അപേക്ഷാഫോറം കാര്യവട്ടം ക്യാന്പസിലെ ലിംഗ്വിസ്റ്റിക്സ് ഡിപ്പാർട്ട്മെന്റിൽ നിന്നും നേരിട്ടും യൂണിവേഴ്സിറ്റി വെബ്സൈറ്റിലും ലഭ്യമാണ്. ക്ലാസുകൾ ഒക്ടോബർ 10ന് ആരംഭിക്കും. കൂടുതൽ വിവരങ്ങൾക്ക് ലിംഗ്വിസ്റ്റിക്സ് ഡിപ്പാർട്ട്മെന്റുമായി ബന്ധപ്പെടുക. (ഫോണ്: 0471 2308469, 9947539589)