യുജി മൂന്നാം സെമസ്റ്ററിൽ തുടർപഠനം
അഫിലിയേറ്റഡ് കോളജുകളിൽ സിയുസിബിസിഎസ്എസ് (2014 മുതൽ 2016 വരെ പ്രവേശനം), സിസിഎസ്എസ് (2013 പ്രവേശനം) വർഷങ്ങളിൽ ബിരുദ പഠനത്തിന് ചേർന്ന് ഒന്ന്, രണ്ട് സെമസ്റ്റർ പരീക്ഷകൾ എഴുതിയ ശേഷം തുടർപഠനം നടത്താനാവാത്തവർക്ക് വിദൂരവിദ്യാഭ്യാസം വഴി മൂന്നാം സെമസ്റ്ററിൽ പഠനം തുടരുന്നതിന് 500 രൂപ പിഴയോടെ ഓണ്‍ലൈനായി അപേക്ഷിക്കാനുള്ള തിയതി ഒക്ടോബർ മൂന്ന് വരെ നീട്ടി. അപേക്ഷയുടെ പ്രിന്‍റൗട്ട്, വിജ്ഞാപനത്തിൽ പറഞ്ഞ രേഖകൾ സഹിതം ഡയറക്ടർ, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ ഒക്ടോബർ 13നകം ലഭിക്കണം. സ്പോട്ട് അഡ്മിഷനും അവസരമുണ്ടായിരിക്കും. വിവരങ്ങൾ വെബ്സൈറ്റിൽ. ഫോണ് : 0494 2407494, 2407356.
അധ്യാപക പരിശീലന കേന്ദ്രത്തിൽ ഡയറക്ടർ: അപേക്ഷ ക്ഷണിച്ചു
വിദ്യാഭ്യാസ വിഭാഗത്തിന് കേന്ദ്ര മാനവശേഷി വികസന വകുപ്പ് അനുവദിച്ച അധ്യാപക പരിശീലന കേന്ദ്രത്തിലേക്ക് ഡയറക്ടർ തസ്തികയിൽ കരാർ നിയമനത്തിന് ഓണ്‍ലൈൻ അപേക്ഷ ക്ഷണിച്ചു. അവസാന തിയതി ഒക്ടോബർ മൂന്ന്. പ്രതിമാസ മൊത്തവേതനം: 45,000 രൂപ. പ്രായപരിധി: 60 വയസ്. വിവരങ്ങൾ സർവകലാശാല വെബ്സൈറ്റിൽ.
പബ്ലിക് റിലേഷൻസ് സർട്ടിഫിക്കറ്റ് കോഴ്സിന് 25 വരെ അപേക്ഷിക്കാം
മാധ്യമ പഠനവകുപ്പ് നടത്തുന്ന പബ്ലിക് റിലേഷൻസ് ആൻഡ് കോർപറേറ്റ് കമ്യൂണിക്കേഷൻ സർട്ടിഫിക്കറ്റ് കോഴ്സിന് അപേക്ഷ ക്ഷണിച്ചു. അവസാന തിയതി 25. അപേക്ഷാ ഫീ 105 രൂപ. കോഴ്സ് ഫീ 1,575 രൂപ. കാലാവധി: മൂന്ന് മാസം. അവധി ദിനങ്ങളിലാണ് ക്ലാസ്. യോഗ്യത: 50 ശതമാനം മാർക്കോടെ ഏതെങ്കിലും വിഷയത്തിൽ ബിരുദം. സംവരണ വിഭാഗങ്ങൾക്ക് നിയമാനുസൃത ഇളവുകൾ ലഭിക്കും. പ്രായപരിധിയില്ല. നിലവിൽ റഗുലർ കോഴ്സ് ചെയ്യുന്നവർക്കും അപേക്ഷിക്കാം. സ്വകാര്യ സ്ഥാപനങ്ങളിലും എൻ.ജി.ഒകളിലും പബ്ലിക് റിലേഷൻസ് രംഗത്ത് ജോലി ലഭിക്കാൻ ഈ കോഴ്സ് ഉപകരിക്കും. വെബ്സൈറ്റ്: www.cuonline.ac.in
പരീക്ഷാഫലം
ബികോം പ്രഫഷണൽ (സിയുസിബിസിഎസ്എസ്) റഗുലർ/ സപ്ലിമെന്‍ററി/ ഇംപ്രൂവ്മെന്‍റ് ഒന്നാം സെമസ്റ്റർ നവംബർ 2016, രണ്ടാം സെമസ്റ്റർ ഏപ്രിൽ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.
2018 ജൂണിൽ നടത്തിയ രണ്ടാം സെമസ്റ്റർ എംഫിൽ കെമിസ്ട്രി പരീക്ഷാഫലം വെബ്സൈറ്റിൽ.
പരീക്ഷ
മൂന്നാം സെമസ്റ്റർ ബികോം/ ബികോം വോകേഷണൽ/ ബിബിഎ/ ബിഎച്ച്എ/ ബിടിഎച്ച്എം/ ബിഎ/ ബിഎസ് സി/ ബിഎസ് സി ഇൻ എൽആർപി/ ബിഎംഎംസി/ ബിസിഎ/ ബിഎസ്ഡബ്ല്യൂ/ ബിവിസി/ ബിഎ അഫ്സൽഉൽഉലമ സപ്ലിമെന്‍ററി/ ഇംപ്രൂവ്മെന്‍റ് പരീക്ഷ ഒക്ടോബർ 11ന് ആരംഭിക്കും.
എംപി.എഡ് ഒന്നാം സെമസ്റ്റർ (2013 മുതൽ പ്രവേശനം) റഗുലർ/ സപ്ലിമെന്‍ററി പരീക്ഷ 28നും, മൂന്നാം സെമസ്റ്റർ റഗുലർ/ സപ്ലിമെന്‍ററി പരീക്ഷ 27നും ആരംഭിക്കും.
രണ്ടാം സെമസ്റ്റർ എംഎസ് സി റേഡിയേഷൻ ഫിസിക്സ് റഗുലർ/ സപ്ലിമെന്‍ററി/ ഇംപ്രൂവ്മെന്‍റ് പരീക്ഷ ഒക്ടോബർ മൂന്നിന് ആരംഭിക്കും.
പരീക്ഷാ അപേക്ഷ
വിദൂരവിദ്യാഭ്യാസം/ പ്രൈവറ്റ് രജിസ്ട്രേഷൻ/ വിദേശ/ കേരളത്തിന് പുറത്തെ കേന്ദ്രങ്ങളിലെ അഞ്ചാം സെമസ്റ്റർ ബിഎ/ ബിഎസ് സി/ ബികോം/ ബിബിഎ/ ബിഎംഎംസി/ ബിഎ അഫ്സൽഉൽഉലമ (സിയുസിബിസിഎസ്എസ്) റഗുലർ/ സപ്ലിമെന്‍ററി/ ഇംപ്രൂവ്മെന്‍റ് പരീക്ഷക്ക് പിഴകൂടാതെ 29 വരെയും 160 രൂപ പിഴയോടെ ഒക്ടോബർ മൂന്ന് വരെയും അപേക്ഷിക്കാം. അപേക്ഷയുടെ പ്രിന്‍റൗട്ട്, ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, എക്സാമിനേഷൻസ്ഡിസ്റ്റൻസ് എഡ്യുക്കേഷൻ, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ലഭിക്കണം.