കോളജ് യൂണിയൻ തെരഞ്ഞെടുപ്പ് ഒക്ടോബർ അഞ്ചിന്
സർവകലാശാലയിലെ അഫിലിയേറ്റഡ് കോളേജുകളിലെ 2018 19 വർഷത്തെ കോളജ് യൂണിയൻ തെരഞ്ഞെടുപ്പ് ഒക്ടോബർ അഞ്ചിന് അതാത് കോളജുകളിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫലം
ഏപ്രിലിൽ നടത്തിയ എംഎസ്ഡബ്യൂ 2016 2018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. പ്രീത ജി. നായർ ഒന്നാം റാങ്ക് കരസ്ഥമാക്കി.
ടൈംടേബിൾ
നാലാം സെമസ്റ്റർ എംഎഫ്എ (പെയിന്‍റിംഗ് & സ്കൽപ്പ്ച്ചർ) ഡിഗ്രി പരീക്ഷകൾ 28 ന് ആരംഭിക്കുന്നു. വിശദമായ ടൈംടേബിൾ വെബ്സൈറ്റിൽ.
അഞ്ചാം സെമസ്റ്റർ (ത്രിവത്സരം), ഒന്പതാം സെമസ്റ്റർ (പഞ്ചവത്സരം) എൽഎൽബി പരീക്ഷകൾ (2011 12 അഡ്മിഷന് മുൻപുളളത്) യഥാക്രമം 28 നും മൂന്നാം സെമസ്റ്റർ (ത്രിവത്സരം), ഏഴാം സെമസ്റ്റർ (പഞ്ചവത്സരം) എൽഎൽബി പരീക്ഷകൾ (2011 12 അഡ്മിഷന് മുൻപുളളത്) ഒക്ടോബർ 12 നും ആരംഭിക്കും.
ഉത്തരക്കടലാസുകൾ കൈമാറുക
ഒന്നാം സെമസ്റ്റർ സിബിസിഎസ്എസ് പരീക്ഷയുടെ ഉത്തരക്കടലാസുകളുടെ മൂല്യനിർണയം പൂർത്തിയാക്കി ഉത്തരക്കടലാസുകളും മാർക്ക്ബുക്കുകളും എല്ലാ അധ്യാപകരും തിരുവനന്തപുരം, കൊല്ലം, ആലപ്പുഴ, പന്തളം എന്നിവിടങ്ങളിലുളള മൂല്യനിർണയ കേന്ദ്രങ്ങളിൽ 22, 24 തീയതികളിൽ തിരികെ ഏല്പിക്കണം.
പിജി അഡ്മിഷൻ വരെ
സർക്കാർ, എയ്ഡഡ്, സ്വാശ്രയ കോളജുകൾ/സെന്‍ററുകൾ എന്നിവിടങ്ങളിലെ ഒന്നാം വർഷ ബിരുദാനന്തര ബിരുദ പ്രവേശനത്തിനുളള (2018 19) അവസാന തീയതി 19 വരെ ദീർഘിപ്പിച്ചിരിക്കുന്നു. ഒന്നും രണ്ട ും അലോട്ട്മെന്റുകളിൽ അലോട്ട്മെന്റ് ലഭിച്ച വിദ്യാർഥികൾക്ക് സെപ്റ്റംബർ 19 ന് ഉച്ചയ്ക്ക് 1.00 മണി വരെ ബന്ധപ്പെട്ട കോളജുകളിൽ പ്രവേശനം നേടാവുന്നതാണ്.
സൂക്ഷ്മപരിശോധന
ഒക്ടോബറിൽ നടത്തിയ രണ്ട ാം സെമസ്റ്റർ ബിഎസ്‌സി ഇലക്ട്രോണിക്സ് (2010, 2011 സ്കീം) സിബിസിഎസ് കരിയർ റിലേറ്റഡ് ഡിഗ്രി പരീക്ഷകളുടെ ഉത്തരക്കടലാസുകളുടെ സൂക്ഷ്മപരിശോധനയ്ക്ക് അപേക്ഷിച്ചവർ 27 വരെയുളള പ്രവൃത്തി ദിവസങ്ങളിൽ ഹാൾടിക്കറ്റ്/ഐഡി കാർഡുമായി പുനർമൂല്യനിർണയ വിഭാഗത്തിൽ എത്തിച്ചേരണം.
2017 ഒക്ടോബറിൽ നടത്തിയ നാലാം സെമസ്റ്റർ ബിഎസ്‌ ഇലക്ട്രോണിക്സ് (2010, 2011 സ്കീം) പരീക്ഷയുടെ ഉത്തരക്കടലാസുകളുടെ സൂക്ഷ്മപരിശോധനയ്ക്ക് അപേക്ഷിച്ചവർ 28 വരെയുളള പ്രവൃത്തി ദിവസങ്ങളിൽ ഹാൾടിക്കറ്റ്/ഐഡി കാർഡുമായി പുനർമൂല്യനിർണയ വിഭാഗത്തിൽ എത്തിച്ചേരണം