കേൾവിശേഷി ഇല്ലാത്ത കുട്ടികളെ പരിശീലിപ്പിക്കാനാവശ്യമായ ഇന്ത്യൻ സൈൻ ലാംഗ്വേജ് എവിടെ പഠിക്കാൻ കഴിയും. അംഗീകാരമുള്ള കോഴ്സുകൾ ഉണ്ടോ. ഇന്ത്യൻ സൈൻ ലാംഗ്വേജ് പഠിപ്പിക്കുന്ന സർക്കാർ അംഗീകാരമുള്ള സ്ഥാപനം ന്യൂഡൽഹിയിൽ പ്രവർത്തിക്കുന്ന ഇന്ത്യൻ സൈൻ ലാംഗ്വേജ് റിസർച്ച് ആൻഡ് ട്രെയിനിംഗ് സെന്‍റർ ആണ്.
കേന്ദ്ര സാമൂഹ്യനീതി, തൊഴിൽ മന്ത്രാലയത്തിന്‍റെ കീഴിലാണിത്. ഒരുവർഷം ദൈർഘ്യമുള്ള ഡിപ്ലോമ പ്രോഗ്രാമാണുള്ളത്.
12ാം ക്ലാസ് പാസായ ആർക്കും പഠിക്കാൻ യോഗ്യതയുണ്ട്. നിരവധി സന്നദ്ധസംഘടനകൾ സൈൻ ലാംഗ്വേജിൽ പരിശീലനം നൽകുന്നുണ്ട്. ദ ഡഫ് എനേബിൾഡ് ഫൗണ്ടേഷൻ പത്തു സെന്‍ററുകൾ നടത്തുന്നുണ്ട്. മൂന്നുമാസം മുതൽ ആറുമാസം വരെ ദൈർഘ്യമുള്ള പ്രോഗ്രാമുകളാണിവർ നടത്തുന്നത്.
എനിക്ക് എംജി സർവകലാശാലയിലോ കാലിക്കട്ട് സർവകലാശാലയിലോ 201819 അധ്യയനവർഷം എംഎ സോഷ്യോളജി വിദൂരവിദ്യാഭ്യാസം വഴി പഠനം നടത്താൻ കഴിയുമോ?
ഹരികുമാർ, മല്ലപ്പള്ളി മഹാത്‌മാഗാന്ധി സർവകലാശാല വിദൂരവിദ്യാഭ്യാസംവഴി ഒരു കോഴ്സുകളും ഇപ്പോൾ നടത്തുന്നില്ല. കാലിക്കട്ട് സർവകലാശാല 201819 അധ്യയനവർഷം മുതൽ എംഎ സോഷ്യോളജി വിദൂരപഠനരീതിയിൽ നടത്താൻ തയാറാകുന്നുണ്ട്. അതിനുള്ള അനുവാദം യൂണിവേഴ്സിറ്റി ഗ്രാന്‍റ് കമ്മീഷൻ സർവകലാശാലയ്ക്കു നൽകിയിട്ടുള്ളതായി സർവകലാശാലയുടെ വെബ്സൈറ്റിൽനിന്ന് അറിയുന്നു.
തയാറാക്കിയത് :
ബാബു പള്ളിപ്പാട്ട് ചോദ്യങ്ങൾ അയയ്ക്കേണ്ട ഇ മെയിൽ
[email protected]