വിദ്യാർഥികൾക്ക് പ്രവേശനനിയന്ത്രണം
കണ്ണൂർ സർവകലാശാലയുടെ ഒക്ടോബർ എട്ടിന് ആരംഭിക്കുന്ന അഞ്ചാം സെമസ്റ്റർ ബിരുദ പരീക്ഷകളുമായും മൂന്നാം സെമസ്റ്റർ ബിരുദാനന്തര പരീക്ഷകളുമായും ബന്ധപ്പെട്ട് അടിയന്തര ജോലികൾ നടക്കുന്നതിനാൽ ഈമാസം 24, 25 തീയതികളിൽ പരീക്ഷാവിഭാഗത്തിലെ ടാബുലേഷൻ സെക്‌ഷനുകളിലേക്ക് വിദ്യാർഥികൾക്ക് പ്രവേശനനിയന്ത്രണം ഉണ്ടായിരിക്കുമെന്ന് പരീക്ഷാകണ്ട്രോളർ അറിയിച്ചു.
എംഎസ്‌സി മെഡിക്കൽ പരീക്ഷകൾ
നാലാം സെമസ്റ്റർ എംഎസ്‌സി മെഡിക്കൽ ലബോറട്ടറി ടെക്നോളജി (2015 അഡ്മിഷൻറഗുലർ/സപ്ലിമെന്‍ററിഡിസംബർ 2017), പാർട്ട് രണ്ട് രണ്ടാം സെമസ്റ്റർ മെഡിക്കൽ ബയോകെമിസ്ട്രി/മെഡിക്കൽ മൈക്രോബയോളജി (2015 അഡ്മിഷൻറഗുലർ/സപ്ലിമെന്‍ററിസെപ്റ്റംബർ 2017) പരീക്ഷകൾക്കുള്ള അപേക്ഷകൾ പിഴകൂടാതെ 26 വരെയും 160 രൂപ പിഴയോടെ 28 വരെയും സമർപ്പിക്കാം. അപേക്ഷകൾ (എപിസി, ചലാൻ ഉൾപ്പെടെ) 28ന് തന്നെ സർവകലാശാലയിൽ എത്തിക്കണം. പരീക്ഷാതീയതി പിന്നീട് പ്രഖ്യാപിക്കും. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
എപിസി ഓണ്‍ലൈനായി സമർപ്പിക്കണം
ബിരുദ വിദ്യർഥികളുടെയും ബിരുദാനന്തര ബിരുദ വിദ്യാർഥികളുടെയും അറ്റൻഡൻസ് പ്രോഗ്രസ് സർട്ടിഫിക്കറ്റ് (എപിസി) ഓണ്‍ലൈനായിട്ടാണു സമർപ്പിക്കേണ്ടത്. ഇതിനുള്ള ലിങ്ക് അഞ്ചാം സെമസ്റ്റർ ബിരുദ വിദ്യാർഥികളുടേത് നാളെമുതലും മൂന്നാം സെമസ്റ്റർ ബിരുദാനന്തര ബിരുദ വിദ്യാർഥികളുടേത് 26 മുതലും സർവകലാശാലാ വെബ്സൈറ്റിൽ ലഭ്യമാകും. എപിസി ഓണ്‍ലൈനായി സമർപ്പിക്കാനുള്ള അവസാന തീയതി 28 ആണ്. എപിസിയുടെ ഹാർഡ് കോപ്പി അതത് സെമസ്റ്റർ പരീക്ഷകൾ കഴിഞ്ഞയുടൻ സർവകലാശാലയിൽ സമർപ്പിക്കേണ്ടതാണ്.
രണ്ടാം സെമസ്റ്റർ എംബിഎ, എംഎൽഐഎസ്‌സി പരീക്ഷാഫലം
പഠനവകുപ്പുകളിലെ രണ്ടാം സെമസ്റ്റർ എംബിഎ, എംഎൽഐഎസ്‌സി (സിസിഎസ്എസ് മേയ് 2018) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 29 ആണ്.
പരീക്ഷാഫലം
പഠനവകുപ്പിലെ മൂന്നാം സെമസ്റ്റർ എംഎസ്‌സി വുഡ് സയൻസ് ആൻഡ് ടെക്നോളജി (ഇൻഡസ്ട്രി ലിങ്ക്ഡ് സിസിഎസ്എസ് റഗുലർനവംബർ 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ഒക്ടോബർ മൂന്നാണ്.
പഠന വകുപ്പിലെ നാലാം സെമസ്റ്റർ എംഎസ്‌സി സ്റ്റാറ്റിസ്റ്റിക്സ് (സിസിഎസ്എസ്മേയ് 2018) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ഒക്ടോബർ അഞ്ചാണ്.
സംവാദം 25ന്
ലൈഫ് സയൻസിൽ ഗവേഷണം നടത്തുന്ന എസ്.പ്രശാന്ത് എന്ന വിദ്യാർഥി തന്‍റെ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം 25 ന് രാവിലെ പത്തിന് തലശേരി കാന്പസിലെ (പാലയാട്) ലൈഫ് സയൻസ് വിഭാഗത്തിൽ നടത്തും. പ്രസ്തുത പ്രബന്ധം തലശേരി കാന്പസിലെ ലൈഫ് സയൻസ് വിഭാഗം ലൈബ്രറിയിൽ പരിശോധനയ്ക്കു ലഭ്യമായിരിക്കും.
ഒന്നാം സെമസ്റ്റർ പിജിഡിഎൽഡി ഹാൾടിക്കറ്റ്
നാളെ ആരംഭിക്കുന്ന ഒന്നാം സെമസ്റ്റർ പിജിഡിഎൽഡി (റഗുലർ/ സപ്ലിമെന്‍ററി നവംബർ 2017) പരീക്ഷയുടെ ഹാൾടിക്കറ്റ് ബന്ധപ്പെട്ട പരീക്ഷാകേന്ദ്രത്തിൽനിന്ന് ലഭിക്കും.