എറുഡൈറ്റ് പ്രഭാഷണം നടത്തി
തേഞ്ഞിപലം: കാലിക്കട്ട് സർവകലാശാലാ സുവോളജി പഠനവകുപ്പിന്റെ ആഭിമുഖ്യത്തിൽ അമേരിക്കയിലെ കലിഫോർണിയ സർവകലാശാലയിലെ പ്രഫ.റോജർ കെ. സുനഹാറയുടെ എറുഡൈറ്റ് പ്രഭാഷണം നടന്നു.
കേരള സംസ്ഥാന ഉന്നത വിദ്യാഭ്യാസ കൗണ്സിലിന്റെ പദ്ധതിയുടെ ഭാഗമായാണ് പ്രഭാഷണം സംഘടിപ്പിച്ചത്. സെമിനാർ കോംപ്ലക്സിൽ നടന്ന പരിപാടി വൈസ്ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്തു. പ്രോഗ്രാം കണ്വീനർ സ്വാഗതം പറഞ്ഞ് മുഖ്യാതിഥിയെ പരിചയപ്പെടുത്തി. സുവോളജി പഠന വകുപ്പ് തലവൻ ഡോ. വൈ ഷിബു വർധനൻ അധ്യക്ഷത വഹിച്ചു. ഡോ. വി.എം. കണ്ണൻ ,ഡോ. ഇ. പുഷ്പലത എന്നിവർ പ്രസംഗിച്ചു.