നാലാം സെമസ്റ്റർ എംഎസ്സി ഫുഡ് ആൻഡ് ഇൻഡസ്ട്രിയൽ മൈക്രോബയോളജി ഫലം പ്രസിദ്ധീകരിച്ചു
2018 മേയിൽ നടത്തിയ നാലാം സെമസ്റ്റർ എംഎസ്സി ഫുഡ് ആൻഡ് ഇൻഡസ്ട്രിയൽ മൈക്രോബയോളജി (പിജി സിഎസ്എസ്) റെഗുലർ, സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ നാലു വരെ അപേക്ഷിക്കാം.
പ്രാക്ടിക്കൽ
2018 ജൂലൈ, ഓഗസ്റ്റ് മാസങ്ങളിൽ നടന്ന രണ്ടാം സെമസ്റ്റർ എംഎസ്സി ഫുഡ് ടെക്നോളജി ആൻഡ് ക്വാളിറ്റി അഷ്വറൻസ്, ഫുഡ് സയൻസ് ആൻഡ് ടെക്നോളജി, ഫുഡ് സയൻസ് ആൻഡ് ക്വാളിറ്റി കണ്ട്രോൾ (സിഎസ്എസ് റെഗുലർ, സപ്ലിമെന്‍ററി, മേഴ്സി ചാൻസ്) പരീക്ഷയുടെ പ്രാക്ടിക്കൽ 27 മുതൽ അതാത് കോളജുകളിൽ നടക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
ബിഎ, ബികോം (പ്രൈവറ്റ്) ഉത്തരക്കടലാസ് വിതരണം
2018 ജൂണ്‍, ജൂലൈ മാസത്തിലെ മൂന്ന്, നാല് സെമസ്റ്റർ ബിഎ, ബികോം (പ്രൈവറ്റ്) പരീക്ഷയുടെ ഉത്തരക്കടലാസുകൾ എച്ച്‌വിഎസ്എസ് രീതിയിൽ അഡീഷണൽ എക്സാമിനേഴ്സിന് 26 മുതൽ വിതരണം ചെയ്യും. ആലുവ സെന്‍റ് സേവ്യേഴ്സ് കോളജിൽ നടത്താനിരുന്ന ക്യാന്പ് ആലുവ യുസി കോളജിലേക്കു മാറ്റി. അധ്യാപകർ അന്നേദിവസം കോട്ടയം സർവകലാശാലാ കാന്പസ് റൂം നന്പർ 22, കോഴഞ്ചേരി സെന്‍റ് തോമസ് കോളജ്, ലബ്ബക്കട ജെപിഎം കോളജ്, ആലുവ യുസി കോളജ് എന്നിവിടങ്ങിൽനിന്ന് ഉത്തരക്കടലാസ് കൈപ്പറ്റണം. ഇംഗ്ലീഷ് (ബികോം കോമണ് കോഴ്സ്) മൂല്യനിർണയം നടത്തേണ്ട കട്ടപ്പന മേഖലയിലെ അധ്യാപകർ ലബ്ബക്കട ജെപിഎം കോളജിൽ ഹാജരാകണം. കോട്ടയം 9496443510, കോഴഞ്ചേരി 9496883986, ലബ്ബക്കട 9496340382, ആലുവ 9995537337.