എന്‍എസ്എസ് അവാര്‍ഡ് വിതരണം
എന്‍എസ്എസ് പ്രോഗ്രാം ഓഫീസേഴ്സ് മീറ്റ് ഇന്ന് 9.30ന് സര്‍വകലാശാലാ സെമിനാര്‍ കോംപ്ലക്സില്‍ നടക്കും. 201718 വര്‍ഷത്തെ മികച്ച എന്‍എസ്എസ് വോളണ്ടിയര്‍മാര്‍ക്കും പ്രോഗ്രാം കോഓര്‍ഡിനേറ്റര്‍മാര്‍ക്കും കോളജുകള്‍ക്കുമുള്ള അവാര്‍ഡുകള്‍ വിതരണം ചെയ്യും. വിമുക്തി മിഷനുമായി ചേര്‍ന്ന് നടപ്പാക്കുന്ന 'ലഹരി വിമുക്ത യൗവ്വനം' പദ്ധതിയുടെ സര്‍വകലാശാലാതല ഉദ്ഘാടനം എക്സൈസ് കമ്മീഷണർ ഋഷിരാജ് സിംഗ് നിര്‍വഹിക്കും.
അഭിമുഖം
സെന്‍റര്‍ ഫോര്‍ ഫിസിക്കല്‍ എഡ്യുക്കേഷനില്‍ കരാര്‍ അടിസ്ഥാനത്തില്‍ അസിസ്റ്റന്‍റ് പ്രഫസര്‍ തസ്തികയില്‍ അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം ഒക്ടോബര്‍ എട്ടിന് രാവിലെ 11ന് സര്‍വകലാശാലാ ഭരണവിഭാഗത്തില്‍ നടക്കും. വിവരങ്ങള്‍ വെബ്സൈറ്റില്‍ . ഫോണ്‍ : 0494 2407106.
ട്യൂഷന്‍ ഫീ തവണകളായി അടക്കാം
വിദൂരവിദ്യാഭ്യാസ വിഭാഗം നടത്തുന്ന ഡിഗ്രി, പിജി പ്രോഗ്രാമുകളിലേക്ക് 201819 വര്‍ഷത്തില്‍ പ്രവേശനത്തിന് അപേക്ഷിക്കുന്നവര്‍ക്ക് അവരുടെ ഒന്നാം വര്‍ഷ ട്യൂഷന്‍ ഫീസ് രണ്ട് തുല്യ തവണകളായി അടക്കാം. ആദ്യ തവണ രജിസ്ട്രേഷന്‍ സമയത്തും രണ്ടാമത്തെ തവണ രണ്ട് മാസത്തിനുള്ളിലും അടക്കണം. ഫോണ്‍ :0494 2407494, 2400288.
2018 ജൂണില്‍ നടത്തിയ നാലാം സെമസ്റ്റര്‍ എംഎ സോഷ്യോളജി (സിസിഎസ്എസ്) പരീക്ഷാഫലം വെബ്സൈറ്റില്‍ .
ബിടെക് കമ്പൈന്‍ഡ് ഒന്ന്, രണ്ട് സെമസ്റ്റര്‍ (04 സ്‌കീം) ജൂണ്‍ 2016, 2കെ സ്‌കീം/2കെ പാര്‍ട്ട്ടൈം സ്‌കീം ജൂണ്‍ 2015 പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് ഒക്ടോബര്‍ 12 വരെ അപേക്ഷിക്കാം. അപേക്ഷ, ചലാന്‍ സഹിതം ഒക്ടോബര്‍ 17നകം ലഭിക്കണം.
പുനര്‍മൂല്യനിര്‍ണയ ഫലം
നാലാം സെമസ്റ്റര്‍ ബിഎസ്‌സി/ബിസിഎ (സിയുസിബിസിഎസ്എസ്) റഗുലര്‍/സപ്ലിമെന്‍ററി/ഇംപ്രൂവ്മെന്‍റ ഏപ്രില്‍ 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റില്‍ .
വിദൂരവിദ്യാഭ്യാസം ആറാം സെമസ്റ്റര്‍ ബിഎ/ബിഎസ്‌സി (സിയുസിബിസിഎസ്എസ്) ഏപ്രില്‍ 2018 പാര്‍ട്ട് രണ്ട് പരീക്ഷാഫലം വെബ്സൈറ്റില്‍ .
എംടെക് വൈവാ വോസി
നാലാം സെമസ്റ്റര്‍ എംടെക് പ്രോജക്ട് ഇവാല്വേഷന്‍ , വൈവാ വോസി ഇലക്ട്രോണിക്സ് ആൻഡ് കമ്യൂണിക്കേഷന്‍ എൻജിനിയറിംഗ് ഒക്ടോബര്‍ നാലിന് മലപ്പുറം വേദവ്യാസ ഇന്‍സ്റ്റിറ്റ്യൂട്ട് ഓഫ് ടെക്നോളജി, തെര്‍മല്‍ എൻജിനിയറിംഗ് ഒക്ടോബര്‍ അഞ്ചിന് വള്ളിവെട്ടം യൂണിവേഴ്സല്‍ എൻജിനിയറിംഗ് കോളജിലും നടക്കും.
ബിഎഡ് മൂല്യനിര്‍ണയ ക്യാമ്പ്
രണ്ടാം സെമസ്റ്റര്‍ ബിഎഡ് ജൂണ്‍ 2018 പരീക്ഷയുടെ മൂല്യനിര്‍ണയ ക്യാമ്പ് കോഴിക്കോട് ഗവ.കോളജ് ഓഫ് ടീച്ചര്‍ എഡ്യുക്കേഷന്‍ , ഫാറൂഖ് കോളജ്, ഒറ്റപ്പാലം എന്‍എസ്എസ്, തൃശൂര്‍ ഐഎഎസ്ഇ എന്നിവിടങ്ങളില്‍ ഒക്ടോബര്‍ മൂന്ന് മുതല്‍ അഞ്ച് വരെ നടക്കും. ഈ തിയതികളില്‍ ബിഎഡ് റഗുലര്‍ ക്ലാസുകള്‍ ഉണ്ടായിരിക്കുന്നതല്ല.
പ്രവൃത്തി ദിവസം
എല്ലാ അഫിലിയേറ്റഡ് കോളജുകളിലും പഠനവകുപ്പുകളിലും സര്‍വകലാശാലാ സെന്‍ററുകളിലും സെപ്റ്റംബര്‍ 29, ഒക്ടോബര്‍ ആറ്, 27 തിയതികള്‍ പ്രവൃത്തിദിനങ്ങളായിരിക്കും. ഓഗസ്റ്റ് 16മുതല്‍ 18 വരെ തീയതികളിലെ ക്ലാസുകള്‍ നഷ്ടമായതിനാലാണിത്.