ഓപ്പണ് ബിരുദ പ്രവേശനം: 17 വരെ അപേക്ഷിക്കാം
വിദൂരവിദ്യാഭ്യാസ വിഭാഗം നിർദ്ദിഷ്ട യോഗ്യതയില്ലാത്തവർക്കുള്ള ഓപ്പണ് ബിരുദ പ്രവേശനത്തിന് നൂറ് രൂപ പിഴയോടെ 17 വരെ അപേക്ഷിക്കാം. പ്രവേശന പരീക്ഷ ഉണ്ടായിരിക്കും. പ്രോഗ്രാമുകൾ: ബിഎ അറബിക്, ബിഎ ഇംഗ്ളീഷ്, ബിഎ ഹിന്ദി, ബിഎ മലയാളം, ബിഎ ഹിസ്റ്ററി, ബിഎ ഇക്കണോമിക്സ്, ബിഎ പൊളിറ്റിക്കൽ സയൻസ്, ബിഎ സോഷ്യോളജി, ബികോം. അപേക്ഷയുടെ പ്രിന്റൗട്ട് 20നകം ലഭിക്കണം. പ്രവേശന പരീക്ഷ നവംബർ നാലിന് നടക്കും. വിവരങ്ങൾ വെബ്സൈറ്റിൽ.
അധ്യാപക പരിശീലന കേന്ദ്രത്തിൽ ഡയറക്ടർ: മൂന്ന് വരെ അപേക്ഷിക്കാം
വിദ്യാഭ്യാസ വിഭാഗത്തിന് കേന്ദ്ര മാനവശേഷി വികസന വകുപ്പ് അനുവദിച്ച അധ്യാപക പരിശീലന കേന്ദ്രത്തിലേക്ക് ഡയറക്ടർ തസ്തികയിൽ കരാർ നിയമനത്തിന് മൂന്ന് വരെ അപേക്ഷിക്കാം. പ്രതിമാസ മൊത്തവേതനം: 45,000 രൂപ. പ്രായപരിധി: 60 വയസ്. വിവരങ്ങൾ സർവകലാശാല വെബ്സൈറ്റിൽ.
എസ്ഡിഇ എംകോം വൈവ
വിദൂരവിദ്യാഭ്യാസം എംകോം നാലാം സെമസ്റ്റർ വൈവാ വോസി, പ്രോജക്ട് മൂല്യനിർണയം എന്നിവ 20 മുതൽ വിവിധ പരീക്ഷാ കേന്ദ്രങ്ങളിൽ നടക്കും. ഷെഡ്യൂൾ വെബ്സൈറ്റിൽ.
പരീക്ഷ
വിദൂരവിദ്യാഭ്യാസം/പ്രൈവറ്റ് രജിസ്ട്രേഷൻ/വിദേശ/കേരളത്തിന് പുറത്തെ കേന്ദ്രങ്ങളിലെ അഞ്ചാം സെമസ്റ്റർ ബികോം/ബിബിഎ (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 30ന് ആരംഭിക്കും.
പരീക്ഷാഫലം
എൽഎൽബി (ത്രിവത്സരം, 2008 സ്കീം) രണ്ടാം സെമസ്റ്റർ സപ്ലിമെന്ററി, എൽഎൽബിയൂണിറ്ററി (2015 സ്കീം) രണ്ടാം സെമസ്റ്റർ റഗുലർ/സപ്ലിമെന്ററി, ബിബിഎഎൽഎൽബി ആറാം സെമസ്റ്റർ റഗുലർ/സപ്ലിമെന്ററി, എൽഎൽബി (പഞ്ചവത്സരം) ആറാം സെമസ്റ്റർ സപ്ലിമെന്ററി നവംബർ 2017 പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
വിദൂരവിദ്യാഭ്യാസം ആറാം സെമസ്റ്റർ ബിഐഡി ഏപ്രിൽ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
രണ്ടാം സെമസ്റ്റർ കംപ്യൂട്ടർ സയൻസ്/ബോട്ടണി എക്സാമിനേഴ്സ് മീറ്റ്
രണ്ടാം സെമസ്റ്റർ (സിയുസിഎസ്എസ്) ജൂലൈ 2018 എംഎസ് സി കംപ്യൂട്ടർ സയൻസ് പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റ് നാലിന് 11ന് സർവകലാശാലാ പരീക്ഷാഭവൻ കോണ്ഫറൻസ് ഹാളിലും, എംഎസ് സി ബോട്ടണി നാലിന് 10.30ന് പാലക്കാട് ഗവ. വിക്ടോറിയ കോളജിലും നടക്കും. ബന്ധപ്പെട്ട എല്ലാ അധ്യാപകരും അതത് ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.