വിദൂരവിദ്യാഭ്യാസം ഡിഗ്രി, പിജി പ്രവേശനം
വിദൂരവിദ്യാഭ്യാസ വിഭാഗം നടത്തുന്ന വിവിധ ഡിഗ്രി, പിജി പ്രോഗ്രാമുകളിലേക്ക് പ്രവേശനത്തിന് നൂറ് രൂപ പിഴയോടെ 20 വരെ ഓണ്ലൈനായി അപേക്ഷിക്കാം. അപേക്ഷയുടെ പ്രിന്റൗട്ടും അനുബന്ധ രേഖകളും സഹിതം 23 വരെ വിദൂരവിദ്യാഭ്യാസ വിഭാഗത്തിൽ സ്വീകരിക്കും. വിവരങ്ങൾ www.sdeuoc.ac.in വെബ്സൈറ്റിൽ.
പരീക്ഷ
അഫിലിയേറ്റഡ് കോളജുകളിലെ അഞ്ചാം സെമസ്റ്റർ (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് ബികോം/ ബികോം വൊകേഷണൽ/ ബിബിഎ/ ബികോം ഓണേഴ്സ്സിസിഎസ്എസ്/ ബിടിഎച്ച്എം/ ബിഎച്ച്എ/ ബികോം പ്രഫഷണൽ പരീക്ഷ 30നും, ബിഎ/ ബിഎസ് സി/ ബിഎസ് സി ഇൻ ആൾട്ടർനേറ്റ് പാറ്റേണ്/ ബിഎംഎംസി/ ബിസിഎ/ ബിഎസ്ഡബ്ല്യൂ/ ബിവിസി/ ബിടിഎ/ ബിടിഎഫ്പി/ ബിവോക്/ ബിഎ അഫ്സൽഉൽഉലമ പരീക്ഷകൾ നവംബർ 13നും ആരംഭിക്കും. ഓപ്പണ് കോഴ്സ് പരീക്ഷകൾ നവംബർ 26, 27 തിയതികളിൽ നടക്കും.
അഞ്ചാം സെമസ്റ്റർ ബിഎസ് സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസ്/ കളിനറി ആർട്സ് (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ 23ന് ആരംഭിക്കും.
പരീക്ഷാഫലം
എട്ടാം സെമസ്റ്റർ ബിആർക് (04 സ്കീം) 2009 മുതൽ 2011 വരെ പ്രവേശനം ഏപ്രിൽ 2016, 2004 മുതൽ 2008 വരെ പ്രവേശനം ജൂണ് 2016 സപ്ലിമെന്ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഒക്ടോബർ 12 വരെ അപേക്ഷിക്കാം. പ്രിന്റൗട്ട്, ചലാൻ സഹിതം ഒക്ടോബർ 20 വരെ സ്വീകരിക്കും.
2017 നവംബറിൽ നടത്തിയ ഒന്നാം സെമസ്റ്റർ എംഎസ് സി അപ്ലൈഡ് സൈക്കോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
സൗജന്യ ബേക്കറി നിർമാണ പരിശീലന പരിപാടി തുടങ്ങി
തേഞ്ഞിപ്പലം: കാലിക്കട്ട് സർവകലാശാലാ ലൈഫ് ലോംഗ് ലേണിംഗ് ആൻഡ് എക്സ്റ്റൻഷൻ വകുപ്പിന് കീഴിൽ നടത്തുന്ന പത്ത് ദിവസത്തെ സൗജന്യ ബേക്കറി നിർമാണ പരിശീലന പരിപാടിയുടെ ഉദ്ഘാടനം സർവകലാശാലാ ഇന്റേണൽ ക്വാളിറ്റി ആൻഡ് അഷ്വുറൻസ് സെൽ ഡയറക്ടർ ഡോ.എം. മനോഹരൻ നിർവഹിച്ചു. വകുപ്പ് മേധാവി ഡോ. സി.ന സീമ അധ്യക്ഷം വഹിച്ചു. പ്രിയംവദൻ, സജിത് കുമാർ, ബി.എസ്.അമൃത എന്നിവർ പ്രസംഗിച്ചു.