ബിഎസ്സി (ആന്വൽ സ്കീം) മേഴ്സി ചാൻസ് സബ്സിഡിയറി വിഷയങ്ങളുടെ പ്രാക്ടിക്കൽ പരീക്ഷ 10, 11 തീയതികളിൽ രാവിലെ 10 മുതൽ ഒന്നുവരെ യൂണിവേഴ്സിറ്റി കോളജിൽ നടത്തും. വിശദവിവരങ്ങൾ വെബ്സൈറ്റിൽ.
പ്രൊവിഷണൽ റാങ്ക് ലിസ്റ്റ്
എംഫിൽ അഡ്മിഷനുളള പ്രൊവിഷണൽ റാങ്ക് ലിസ്റ്റ് www.admissions.keralauniversity.ac.in എന്ന വെബ്സൈറ്റിൽ പ്രസിദ്ധീകരിച്ചിട്ടുണ്ട്. വിദ്യാർഥികൾക്ക് റാങ്ക് ലിസ്റ്റ് പരിശോധിച്ച് പരാതികൾ ഉണ്ടെങ്കിൽ സിഎസ്എസ് ഓഫീസുമായി ആറിന് വൈകുന്നേരം അഞ്ചിനു മുന്പായി ബന്ധപ്പെടാം. ഫോണ്: 0471 2308328
പരീക്ഷാ തീയതി
എട്ടിന് നടത്താനിരുന്ന അഞ്ചാം സെമസ്റ്റർ എൽഎൽബി (ത്രിവത്സരം), ഒൻപതാം സെമസ്റ്റർ എൽഎൽബി (പഞ്ചവത്സരം) (പേപ്പർ ഒന്ന് Law of Arbitration, Concilation and Alternate Dispute Resolution Systems) ഡിഗ്രി പരീക്ഷ 10ലേയ്ക്കും, രണ്ടാം സെമസ്റ്റർ ബിബിഎ (വിദൂരവിദ്യാഭ്യാസം സപ്ലിമെന്ററി) ( BBAD 204 Managerial Economics) ഡിഗ്രി പരീക്ഷ 11ലേയ്ക്കും, മൂന്നാം സെമസ്റ്റർ എംബിഎ (2014 സ്കീം FT (including UIM/Regular (Evening) Travel & Tourism) ( Personal Financial Planning/Hospitality Management/Internal Logistics and Materials Handling) ഡിഗ്രി പരീക്ഷ 12 ലേയ്ക്കും മാറ്റിവച്ചു. വിശദവിവരങ്ങൾ വെബ്സൈറ്റിൽ.
ഒന്പതിന് നടത്താനിരുന്ന നാലാം സെമസ്റ്റർ എംഎ ഇംഗ്ലീഷ് (EL 244 Comprehensive Paper) ഡിഗ്രി പരീക്ഷ 10 ലേയ്ക്കും, രണ്ടാം സെമസ്റ്റർ ബിബിഎ (വിദൂര വിദ്യാഭ്യാസം സപ്ലിമെന്ററി) (BBAD 205 Business Laws) ഡിഗ്രി പരീക്ഷ 12 ലേയ്ക്കും മാറ്റിവച്ചു. വിശദവിവരങ്ങൾ വെബ്സൈറ്റിൽ.
സീറ്റ് ഒഴിവ്
കാര്യവട്ടത്തുളള ബിരുദാനന്തര ബിരുദ പഠന വകുപ്പുകളിൽ എസ്സി വിഭാഗത്തിലുളളവർക്ക് കെമിസ്ട്രി, കംപ്യൂട്ടർ സയൻസ്, കംപ്യുട്ടേഷണൽ ബയോളജി, ഹിസ്റ്ററി, ഇസ്ലാമിക് സ്റ്റഡീസ്, ഫിലോസഫി, സംസ്കൃതം, സൈക്കോളജി, തമിഴ്, മ്യൂസിക്, ഹിന്ദി, അറബിക്, ഡെമോഗ്രഫി, ആക്ചുറിയൽ സയൻസ്, ലിംഗ്വിസ്റ്റിക്സ് എഡ്യൂക്കേഷൻ, ജർമൻ, റഷ്യൻ കോഴ്സുകളിലേക്കും, എസ്ടി വിഭാഗത്തിലുളളവർക്ക് കെമിസ്ട്രി, ലിംഗ്വിസ്റ്റിക്സ്, മാത്തമാറ്റിക്സ്, ഫിസിക്സ്, ഇംഗ്ലീഷ്, എംസിജെ, ബയോകെമിസ്ട്രി, സ്റ്റാറ്റിസ്റ്റിക്സ്, കംപ്യൂട്ടർ സയൻസ്, ഫിലോസഫി, സംസ്കൃതം, സൈക്കോളജി, തമിഴ്, പൊളിറ്റിക്കൽ സയൻസ്, മലയാളം, ഹിന്ദി, അറബിക്, എഡ്യൂക്കേഷൻ, ജർമൻ, റഷ്യൻ കോഴ്സുകളിലേക്കും സീറ്റ് ഒഴിവുണ്ട്. താല്പര്യമുളളവർ അസ്സൽ സർട്ടിഫിക്കറ്റുകളുമായി 10ന് രാവിലെ 11ന് അതത് പഠന വകുപ്പുകളിൽ ഹാജരാകണം.
ടൈംടേബിൾ
സർവകലാശാലയിലെയും (സിഎസ്എസ്) യൂണിവേഴ്സിറ്റി കോളജിലെയും ഒന്നാം സെമസ്റ്റർ എംഫിൽ സപ്ലിമെന്ററി (2017 2018 ) പരീക്ഷ 15ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫീസ്
2018 നവംബറിൽ നടക്കുന്ന ഒന്നാം സെമസ്റ്റർ എംഎഡ് (2018 സ്കീം റഗുലർ 2015 സ്കീം സപ്ലിമെന്ററി) ഡിഗ്രി പരീക്ഷയ്ക്ക് 10 വരെയും 50 രൂപ പിഴയോടെ 12 വരെയും 125 രൂപ പിഴയോടെ 16 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സൂക്ഷ്മപരിശോധന
2018 ജനുവരിയിൽ നടത്തിയ ആറാം സെമസ്റ്റർ ബിഎ/ബികോം/ബിബിഎ എൽഎൽബി ഇന്റഗ്രേറ്റഡ് പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ അഞ്ച് മുതൽ 12 വരെയുളള പ്രവൃത്തി ദിവസങ്ങളിൽ ഹാൾടിക്കറ്റുമായി പുന:പരിശോധനാ വിഭാഗത്തിൽ ഹാജരാകണം.
അപേക്ഷ ക്ഷണിക്കുന്നു
ഇന്റർ യൂണിവേഴ്സിറ്റി സെന്റർ ഫോർ ജിയോ സ്പെഷൽ ഇൻഫർമേഷൻ സയൻസ് ആൻഡ് ടെക്നോളജിയിൽ പി.ജി ഡിപ്ലോമ ഇൻ ജിയോ ഇൻഫർമേഷൻ സയൻസ് ആൻഡ് ടെക്നോളജി കോഴ്സിന് 2018 19 ലേക്കുളള അഡ്മിഷന് വേണ്ടിയുളള അപേക്ഷ ക്ഷണിച്ചു. യോഗ്യത: ജിയോളജി, ജിയോഗ്രഫി, എൻവയോണ്മെന്റ് സയൻസ്, കംപ്യൂട്ടർ സയൻസ്, ഫിസിക്സ് ഇവയിൽ ഏതിലെങ്കിലും ഒരു വിഷയത്തിൽ 55 ശതമാനം മാർക്കിൽ കുറയാത്ത പി.ജി ഡിഗ്രി. അപേക്ഷ സമർപ്പിക്കേണ്ട അവസാന തീയതി 31. ഫോണ്: 04712308214, വിശദവിവരങ്ങൾ എന്ന വെബ്സൈറ്റിൽ.
പരീക്ഷാഫലം
2018 ജൂലൈയിൽ നടത്തിയ പിഎച്ച്ഡി കോഴ്സ് വർക്ക് പരീക്ഷാഫലം വെബ്സൈറ്റിൽ
പി.ജി സ്പോർട്സ് ക്വാട്ട പ്രവേശനം; സ്പോട്ട് അലോട്ട്മെന്റ് എട്ടിന് സെനറ്റ് ഹാളിൽ
സർവകലാശാലയോട് അഫിലിയേറ്റ് ചെയ്തിട്ടുളള ആർട്സ് ആൻഡ് സയൻസ് കോളജുകളിലെ പിജി സ്പോർട്സ് ക്വാട്ട പ്രവേശനത്തിനുളള സ്പോട്ട് അലോട്ട്മെന്റ് എട്ടിന് സർവകലാശാല ആസ്ഥാനത്തുളള സെനറ്റ് ഹാളിൽ നടത്തും.
വിവിധ കോളജുകളിൽ അപേക്ഷ സമർപ്പിച്ച വിദ്യാർഥികൾ സർവകലാശാല വെബ്സൈറ്റിൽ പ്രസിദ്ധപ്പെടുത്തിയിരിക്കുന്ന റാങ്ക് പട്ടിക പരിശോധിക്കണം
റാങ്ക് പട്ടികയിൾ ഉൾപ്പെട്ടിട്ടുളള എല്ലാ വിദ്യാർഥികളും എട്ടിന് രാവിലെ 11ന് മുൻപ് സെനറ്റ് ഹാളിൽ എത്തിച്ചേരേണ്ടതാണ്. അലോട്ട്മെന്റ് ലഭിക്കുന്നവർ അന്നേദിവസം തന്നെ യൂണിവേഴ്സിറ്റിയിൽ ഫീസ് ഒടുക്കണം. ജനറൽ വിഭാഗത്തിൽപ്പെട്ടവർക്ക് 900 രൂപയും, എസ്സി/എസ്ടി, ഒഇസി വിഭാഗത്തിൽപ്പെട്ടവർക്ക് 340 രൂപയുമാണ് ഫീസ്. നിശ്ചിത സമയത്തിനുശേഷം ഹാജരാകുന്നവരെ ഒരു കാരണവശാലും പരിഗണിക്കുന്നതല്ല.
പി.ജി. പ്രവേശനം, 2018 19: രണ്ടാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
201819 അദ്ധ്യയന വർഷത്തെ ബിരുദാനന്തരബിരുദ (പി.ജി.) പ്രവേശനത്തിനുള്ള രണ്ടാം സപ്ലിമെന്ററി അലോട്ട്മെന്റ് വെബ്സൈറ്റിൽ പ്രസിദ്ധീകരിച്ചു.
അഡ്മിഷൻ ഫീസ് ഒടുക്കിയ അപേക്ഷകർ ഫീസടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ ഡൗണ്ലോഡ് ചെയ്യണം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ എടുക്കേണ്ട തീയതി എന്നിവ അലോട്ട്മെന്റ് മെമ്മോയിൽ ഉണ്ടായിരിക്കും. ഇന്നും നാളെയുമാണ് കോളജുകളിൽ അഡ്മിഷൻ എടുക്കേണ്ടത്. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം (കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) മെമ്മോയിൽ പ്രസ്താവിച്ചിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കണം. നിലവിൽ കോളജുകളിൽ അഡ്മിഷൻ നേടിയവർക്ക് രണ്ടാം സപ്ലിമെന്ററി അലോട്ട്മെന്റ് പ്രകാരം തങ്ങളുടെ ഹയർ ഓപ്ഷനുകളിലേതിലെങ്കിലും പുതിയ അലോട്ട്മെന്റ് ലഭിച്ചിട്ടുണ്ടെങ്കിൽ ഇപ്പോൾ പഠിച്ചു കൊണ്ടിരിക്കുന്ന കോളജിൽ നിന്നും ടി.സി വാങ്ങിയ ശേഷം പുതിയ അലോട്ട്മെന്റ് പ്രകാരമുളള കോളജിൽ അഡ്മിഷൻ എടുക്കണം.
എംഫിൽ ഡിസർട്ടേഷൻ
സർവകലാശാലയിലേയും (സിഎസ്എസ്) യൂണിവേഴ്സിറ്റി കോളജിലേയും രണ്ടാം സെമസ്റ്റർ എംഫിൽ (201718) ഡിസർട്ടേഷൻ സമർപ്പിക്കാനുളള അവസാന തീയതി 26. പരീക്ഷക്ക് 10 വരെയും 50 രൂപ പിഴയോടെ 12 വരെയും 125 രൂപ പിഴയോടെ 15 വരെയും അപേക്ഷിക്കാം.
എംടെക് സ്പോട്ട് അഡ്മിഷൻ
ഒപ്റ്റോ ഇലക്ട്രോണിക്സ് പഠന വകുപ്പിൽ നടത്തുന്ന AICTE അംഗീകാരമുളള എംടെക് ഇലക്ട്രോണിക്സ് ആൻഡ് കമ്മ്യൂണിക്കേഷൻ (ഒപ്റ്റോഇലക്ട്രോണിക്സ് & ഒപ്റ്റിക്കൽ കമ്മ്യൂണിക്കേഷൻ) പ്രോഗ്രാമിന് പട്ടികജാതി/പട്ടികവർഗ വിഭാഗത്തിലുളള വിദ്യാർഥികൾക്കായി ഒഴിവുളള മൂന്ന് സീറ്റിലേക്ക് സ്പോട്ട് അഡ്മിഷൻ നടത്തുന്നു. താല്പര്യമുളള വിദ്യാർഥികൾ അസൽ സർട്ടിഫിക്കറ്റുകളുമായി എട്ടിന് രാവിലെ 10ന് കാര്യവട്ടത്തുളള സർവകലാശാലയുടെ ഒപ്റ്റോഇലക്ട്രോണിക്സ് പഠന വകുപ്പിൽ ഹാജരാകണം. കൂടുതൽ വിവരങ്ങൾക്ക് 0471 2308167.