മൂന്നാം സെമസ്റ്റർ എംഎച്ച്ആർഎം പരീക്ഷ 31 മുതൽ നവംബർ 16 വരെ
മൂന്നാം സെമസ്റ്റർ എംഎച്ച്ആർഎം (2017 അഡ്മിഷൻറഗുലർ, 2017 അഡ്മിഷൻസപ്ലിമെന്ററി) പരീക്ഷ 31 മുതൽ നവംബർ 16 വരെ നടക്കും. പിഴയില്ലാതെ 11 വരെയും 500 രൂപ പിഴയോടെ 12 വരെയും 1000 രൂപ സൂപ്പർഫൈനോടെ 15 വരെയും അപേക്ഷിക്കാം. റഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 40 രൂപ വീതവും സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം.
പ്രാക്്ടിക്കൽ
രണ്ടാം സെമസ്റ്റർ എംഎസ്സി മൈക്രോ ബയോളജി (2017 അഡ്മിഷൻ റഗുലർ, 2014, 2015, 2016 അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ് സിഎസ്എസ്) ജൂലൈ 2018 ബിരുദ പരീക്ഷയുടെ പ്രാക്്ടിക്കൽ 11 മുതൽ വിവിധ കേന്ദ്രങ്ങളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
2018 ജൂലൈയിൽ നടന്ന രണ്ടാം സെമസ്റ്റർ സുവോളജി (സിഎസ്എസ് റഗുലർ, സപ്ലിമെന്ററി) ബിരുദ പരീക്ഷയുടെ പ്രാക്്ടിക്കൽ 11 മുതൽ 17 വരെ അതതു കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
എംഎഡ് സീറ്റൊഴിവ്
സ്കൂൾ ഓഫ് പെഡഗോഗിക്കൽ സയൻസസിലെ എംഎഡ് 201820 പ്രോഗാമിൽ ജനറൽ സംവരണ വിഭാഗങ്ങളിൽ ഏതാറ്റും സീറ്റൊഴിവുണ്ട്. കാറ്റ് പ്രോസ്പെക്്ടസ് പ്രകാരം യോഗ്യരായവർക്കായി 10ന് രാവിലെ 11ന് സ്കൂൾ ഓഫ് പെഡഗോഗിക്കൽ സയൻസസ് ഓഫീസിൽ സ്പോട്ട് അഡ്മിഷൻ നടത്തും. താത്പര്യമുള്ളവർ യോഗ്യത സർട്ടിഫിക്കറ്റുകളുടെ അസലുമായി എത്തണം. 0481 2731042.
ഡോക്്ടറൽ കമ്മിറ്റി
സർവകലാശാലയിൽ ഈ അക്കാദമിക വർഷം ഇംഗ്ലീഷ്, മലയാളം, ഹിന്ദി, സംസ്കൃതം എന്നീ വിഷയങ്ങളിൽ ഗവേഷണ രജിസ്ട്രേഷന് അപേക്ഷിച്ചവരുടെ ഡേക്്ടറൽ കമ്മിറ്റി 11 മുതൽ 24 വരെ നടക്കും. നിശ്ചിതദിവസം രാവിലെ 10ന് സർവകലാശാല കാന്പസിലെ സ്കൂൾ ഓഫ് ലെറ്റേഴ്സിലാണ് അഭിമുഖം നടക്കുക. 11, 12 തീയതികളിൽ ഇംഗ്ലീഷ്, 16ന് മലയാളം, 17ന് ഹിന്ദി, 24ന് സംസ്കൃതം വിഷയങ്ങളുടെ ഡോക്്ടറൽ കമ്മിറ്റികൾ നടക്കും. അഭിമുഖത്തിൽ പങ്കെടുക്കാനോ അപേക്ഷ നിരസിച്ചുകൊണ്ടുള്ളതോ ആയ അറിയിപ്പ് ലഭിക്കാത്തവർ ഗവേഷണ സെക്ഷനുമായി ബന്ധപ്പെടുക.
റിസർച്ച് അസോസിയേറ്റ് ഒഴിവ്
ബിസിനസ് ഇന്നൊവേഷൻ ആൻഡ് ഇൻക്യുബേഷൻ സെന്ററിൽ റിസർച്ച് അസോസിയേറ്റിനെ തെരഞ്ഞെടുക്കുന്നതിനായി വാക്ഇൻഇന്റർവ്യൂ നടത്തുന്നു. 12ന് രാവിലെ 11.30ന് വൈസ് ചാൻസലറുടെ ചേംബറിലാണ് ഇന്റർവ്യൂ. ഒരു വർഷത്തേക്കാണ് നിയമനം. മാസം 35,000 രൂപ ലഭിക്കും. ബയോസയൻസ്, നാനോസയൻസ് വിഷയത്തിൽ പിഎച്ച്ഡി ഉള്ളവർക്കും പിഎച്ച്ഡി സമർപ്പിച്ച യുജിസി നെറ്റ്, തത്തുല്യ യോഗ്യതയുള്ളവർക്കും അപേക്ഷിക്കാം. സ്റ്റാർട്ടപ്, ഇൻകുബേഷൻ, പേറ്റന്റ് എന്നിവയിൽ അറിവ് അഭികാമ്യം. പ്രായം 40 കവിയരുത്. അപേക്ഷകർ ബയോഡേറ്റയുടെയും പ്രായം, യോഗ്യത, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളുടെയും മൂന്നു പകർപ്പുകൾ നൽകണം. താത്പര്യമുള്ളവർ അന്നേദിവസം രാവിലെ 10.15ന് സർവകലാശാല ഹെൽത്ത് സെന്റർ കെട്ടിടത്തിലുള്ള എഡി എവി കക സെക്ഷനിൽ ഹാജരാകണം.
എൻഎസ്എസ് അവാർഡുകളിൽ നാലെണ്ണം എംജി യൂണിവേഴ്സിറ്റിക്ക്
കോട്ടയം: സംസ്ഥാന സർക്കാരിന്റെ നാഷണൽ സർവീസ് സ്കീം അവാർഡുകളിൽ നാലെണ്ണം എംജി യൂണിവേഴ്സിറ്റിക്ക്. മികച്ച യൂണിറ്റായി അരുവിത്തുറ സെന്റ് ജോർജ് കോളജും മികച്ച പ്രോഗ്രാം ഓഫീസറായി ഇതേ കോളജിലെ സിനി ജേക്കബും തെരഞ്ഞെടുക്കപ്പെട്ടു.
മികച്ച വോളണ്ടിയർമാർക്കുളള അവാർഡ് പി.ബി. പൂജാമോൾ (കോട്ടയം ബസേലിയസ് കോളജ്), സച്ചിൻ എസ്. ദേവ് (തിരുവല്ല മാർത്തോമ കോളേജ്), നവ്യ യേശുദാസ് (ആലുവ സെന്റ് സേവ്യേഴ്സ് കോളജ് ഫോർ വിമണ്) എന്നിവർ കരസ്ഥമാക്കി. അവാർഡ് ജേതാക്കളെ വൈസ് ചാൻസർ ഡോ. പ്രഫ. സാബു തോമസ്, രജിസ്ട്രാർ എം.ആർ. ഉണ്ണി, എൻഎസ്എസ് പ്രോഗ്രാം കോഓർഡിനേറ്റർ പ്രഫ. എം.ജെ. മാത്യൂ എന്നിവർ അഭിനന്ദിച്ചു.