പരീക്ഷാഫലം പ്രസിദ്ധീകരിച്ചു
തുടർ വിദ്യാഭ്യാസ വ്യാപന കേന്ദ്രം 2018 ഏപ്രിലിൽ നടത്തിയ പി.ജി ഡിപ്ലോമ ഇൻ കൗണ്സിലിംഗ് സൈക്കോളജിയിൽ നിമ്മി വർഗീസ് (രജി.നം.11757) ഒന്നാം റാങ്ക് കരസ്ഥമാക്കി. 2018 ജൂണിൽ നടത്തിയ സർട്ടിഫിക്കറ്റ് ഇൻ ലൈബ്രറി ആന്റ് ഇൻഫർമേഷൻ സയൻസിൽ എം. മഹേഷ് (രജി.നം.11842) ഒന്നാം റാങ്ക് കരസ്ഥമാക്കി.
ടൈംടേബിൾ
വിദൂര വിദ്യാഭ്യാസ വിഭാഗം (2017 അഡ്മിഷൻ) ജൂലൈ/ഓഗസ്റ്റ് 2018 ലെ മാറ്റിവച്ച ബിഎ ഒന്നും രണ്ടും സെമസ്റ്റർ പരീക്ഷകൾ 23 മുതൽ നടത്തും. ബികോം ഒന്നും രണ്ടും സെമസ്റ്ററിലെ പുതുക്കിയ പരീക്ഷാ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
വിദൂര വിദ്യാഭ്യാസ വിഭാഗം ഓഗസ്റ്റ് 21 മുതൽ സെപ്റ്റംബർ 11വരെ നടത്താനിരുന്ന രണ്ടാം സെമസ്റ്റർ ബിഎസ്സി മാത്തമാറ്റിക്സ് ഡിഗ്രി പരീക്ഷകൾ യഥാക്രമം 23, 25, 30, നവംബർ ഒന്ന് തീയതികളിലും സെപ്റ്റംബർ 13ന് നടത്താനിരുന്ന ഒന്നാം സെമസ്റ്റർ പരീക്ഷ നവംബർ അഞ്ചിനും നടത്തും. പരീക്ഷാകേന്ദ്രങ്ങൾക്കോ സമയത്തിനോ മാറ്റമില്ല. വിശദവിവരങ്ങൾ വെബ്സൈറ്റിൽ.
2018 സെപ്റ്റംബർ/ഒക്ടോബറിൽ നടത്തിയ നാലാം സെമസ്റ്റർ എംഎ ഹ്യൂമൻ റിസോഴ്സ് മാനേജ്മെന്റ് പരീക്ഷയുടെ വൈവ പരീക്ഷ 17ന് ലയോള കോളജിൽ നടക്കും. വിശദമായ ടൈംടേബിൾ വെബ്സൈറ്റിൽ.
2018 സെപ്റ്റംബർ/ഒക്ടോബറിൽ നടത്തിയ നാലാം സെമസ്റ്റർ എംഎ സോഷ്യോളജി പരീക്ഷയുടെ വൈവാ വോസി 16, 17 തീയതികളിൽ അതാതു കോളജുകളിൽ നടത്തുന്നു. വിശദമായ ടൈംടേബിൾ വെബ്സൈറ്റിൽ.
അഡ്മിഷൻ മെമ്മോ
സർവകലാശാലയിലെയും യൂണിവഴ്സിറ്റി കോളജിലെയും വിവിധ പഠനവകുപ്പുകളിലേയ്ക്കും കാര്യവട്ടം ലക്ഷ്മീഭായ് നാഷണൽ കോളജ് ഓഫ് ഫിസിക്കൽ എഡ്യൂക്കേഷനിലേക്കുമുളള (2018 2019) എംഫിൽ പ്രോഗ്രാമുകളിലേക്ക് അഡ്മിഷന് തെരഞ്ഞെടുക്കപ്പെട്ടതായി എസ്എംഎസ് ലഭിച്ചിട്ടുളള വിദ്യാർഥികൾക്കുളള അഡ്മിഷൻ മെമ്മോ www.admissions.keralauniversity.ac.in എന്ന വെബ്സൈറ്റിൽ ലഭ്യമാണ്. അർഹരായ വിദ്യാർഥികൾക്കുമേൽ പറഞ്ഞ വെബ്സൈറ്റിൽ ലോഗിൻ ചെയ്ത് മെമ്മോ ഡൗണ്ലോഡ് ചെയ്യാം. വിദ്യാർഥികൾ മെമ്മോയിൽ രേഖപ്പെടുത്തിയിരിക്കുന്ന ദിവസവും സമയവും മറ്റു നിർദേശങ്ങളും പാലിച്ച് അതാത് ഡിപ്പാർട്ട്മെന്റിൽ ഹാജരാകണം.
ആരോഗ്യ ഇൻഷ്വറൻസ്
ആരോഗ്യ ഇൻഷ്വറൻസ് ((MEDISEP) പദ്ധതിയിൽ അംഗങ്ങൾ ആകുന്നതിന് വിവരങ്ങൾ ഇതുവരെ നൽകാത്ത സർവകലാശാല ജീവനക്കാർ, അദ്ധ്യാപകർ, പെൻഷൻകാർ മുതലായവർക്ക് ഈ വിവരങ്ങൾ Kufinance.infoഎന്ന സൈറ്റിൽ Pension spotൽ നൽകിയിട്ടുളള പ്രൊഫോർമയിൽ ഡാറ്റ അപ്ലോഡ് ചെയ്യാം. പ്രൊഫോർമയുടെ പ്രിന്റൗട്ട് പ്രൊഫോർമയിൽ നൽകിയിട്ടുളള വിവരങ്ങളുടെ ആധികാരികത തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം നവംബർ 17 ന് വൈകുന്നേരം അഞ്ചിനു മുന്പായി അസിസ്റ്റന്റ് രജിസ്ട്രാർ (ഓഡിറ്റ്/അക്കൗണ്ട്സ് പെൻഷൻ) ന് സമർപ്പിക്കണം.
സ്പോട്ട് അഡ്മിഷൻ
കംപ്യൂട്ടേഷണൽ ബയോളജി ആൻഡ് ബയോ ഇൻഫർമാറ്റിക്സ് വകുപ്പിൽ കംപ്യൂട്ടേഷണൽ ബയോളജി (ഏഴ് സീറ്റ്), ഹിസ്റ്ററി പഠന വകുപ്പ്, തമിഴ് പഠന വകുപ്പ്, അറബിക് പഠന വകുപ്പ്, ജനസംഖ്യാശാസ്ത്ര പഠന വകുപ്പിൽ എംഎസ്സി ഡെമോഗ്രഫി ആൻഡ് ബയോസ്റ്റാറ്റിസ്റ്റിക്സ് (മാത്സ്/സ്റ്റാറ്റിസ്റ്റിക്സ്/കംപ്യൂട്ടർ സയൻസ് അല്ലെങ്കിൽ പ്ലസ്ടു തലത്തിൽ സ്റ്റാറ്റിസ്റ്റിക്സ്/ മാത് സ് പഠിച്ച ബിഎ ഇക്കണോമിക്സ്/ജോഗ്രഫി/സോഷ്യോളജി/ആന്ത്രോപോളജി ബിരുദധാരികൾക്ക് അപേക്ഷിക്കാം.), എംഎസ്സി ആക്ചുറിയൽ സയൻസ് (മാത്സ്/സ്റ്റാറ്റിസ്റ്റിക്സ്/ആക്ചുറിയൽ സയൻസ്/മാത്തമാറ്റിക്കൽ ആക്ചുറിയൽ സയൻസ്/ആക്ചുറിയൽ സ്റ്റാറ്റിസ്റ്റിക്സ്/ആകചുറിയൽ എക്കണോമിക്സ് /കംപ്യൂട്ടർ സയൻസ് ബിരുദധാരികൾക്ക് അപേക്ഷിക്കാം) എന്നിവിടങ്ങളിൽ ഒഴിവുളള പി.ജി സീറ്റുകളിലേക്ക് എല്ലാ വിഭാഗക്കാർക്കും സ്പോട്ട് അഡ്മിഷൻ നടത്തുന്നു. അപേക്ഷ സ്വീകരിക്കുന്ന അവസാന തീയതി 11. അർഹരായിട്ടുളളവർ അതാത് ഡിപ്പാർട്ട്മെന്റിൽ 15ന് ഹാജരാകണം. അപേക്ഷാഫോറം സിഎസ്എസ് ഓഫീസിൽ ലഭ്യമാണ്. വിശദവിവരങ്ങൾ വെബ്സൈറ്റിൽ.
ഒന്നാം വർഷ ബിരുദാനന്തരബിരുദ പ്രവേശനം 2018
201819ലെ ഒന്നാം വർഷ ബിരുദാനന്തരബിരുദ പ്രവേശനവുമായി ബന്ധപ്പെട്ട് ഒഴിവുള്ള ജനറൽ/മറ്റ് സംവരണസീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. തിരുവനന്തപുരം മേഖലയിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ ഇന്ന് കേരള സർവകലാശാല സെനറ്റ് ഹാളിലും ആലപ്പുഴ മേഖലയിലുളള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ നാളെ ആലപ്പുഴ എസ്.ഡി കോളജിൽ ഹാജരാകണം. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടേയും ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽപ്രസിദ്ധീകരിക്കും.