ഋഷികേശ് എയിംസിൽ എംപിഎച്ച് കരിയർ
ഋഷികേശിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ മാസ്റ്റർ ഓഫ് പബ്ലിക് ഹെൽത്ത് കോഴ്സിന് ഇപ്പോൾ അപേക്ഷിക്കാം. രണ്ടു വർഷത്തെ കോഴ്സിനു എംബിബിഎസ്, ബിഡിഎസ്, ആയുഷ് ബിരുദം നേടിയവർക്കും നഴ്സിംഗ്, വെറ്ററിനറി സയൻസ്, ബിടെക് ബിരുദം 55 ശതമാനം മാർക്കോടെ പാസായവർക്കും ഫിസിയോ തെറാപ്പി, ഒക്കുപ്പേഷണൽ തെറാപ്പി, ന്യുട്രീഷൻ, ഫാർമക്കോളജി, ഫാർമസി, അഗ്രിക്കൾച്ചർ സയൻസസ്, സോഷ്യൽ സയൻസസ് എന്നിവയിൽ 50 ശതമാനം മാർക്കോടെ ബിരുദാനന്തര ബിരുദം നേടിയവർക്കും അപേക്ഷിക്കാം.
അപേക്ഷ സമർപ്പിക്കേണ്ട അവസാന തീയതി ഈ മാസം 25. നവംബർ 15നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. www.aiimsrishikesh.edu.in.
അസ്ട്രോഫിസിക്സിൽ ഇന്‍റഗ്രേറ്റഡ് എംടെക്പിഎച്ച്ഡി
കോൽക്കത്ത യൂണിവേഴിസിറ്റിയുമായി സഹകരിച്ച് ബംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് അസ്ട്രോഫിസിക്സ് നടത്തുന്ന ഇന്‍റഗ്രേറ്റഡ് എംടെക്പിഎച്ച്ഡി കോഴ്സിന് ഒക്ടോബർ 21 നകം അപേക്ഷിക്കണം. ഡിസംബർഎട്ടിനു നടത്തുന്ന സ്ക്രീനിംഗ് ടെസ്റ്റിന് കൊച്ചി കേന്ദ്രമാണ്.എംഎസ്‌സി അല്ലെങ്കിൽ ബിടെക് 55 ശതമാനം മാർക്കോടെ പാസായവർക്ക് അപേക്ഷിക്കാം.
അടുത്ത ജൂണിനകം യോഗ്യതാ പരീക്ഷ പാസാകുന്നവർക്കും അപേക്ഷിക്കാം. 2019 ജനുവരി ഒന്നിന് 25 വയസ് കവിയരുത്. ഡിസംബർ എട്ടിനാണു സ്ക്രീനിംഗ് ടെസ്റ്റ്. കൂടുതൽ വിവരങ്ങൾക്കും രജിസ്ട്രേഷനും: www.iiap.res.in.