കന്പ്യൂട്ടർ സയൻസ്, ഒപ്റ്റോഇലക്ട്രോണിക്സ് പഠന വകുപ്പുകളിൽ എംടെക് കോഴ്സിന് ജനറൽ/ഒബിസി/എസ്സി/എസ്ടി വിഭാഗങ്ങൾക്കും ഹിസ്റ്ററി പഠന വകുപ്പിൽ എംഎ. ഹിസ്റ്ററിയിൽ എസ്സി/എസ്.ടി വിഭാഗക്കാർക്കും ഇൻസ്റ്റിറ്റ്യൂട്ട് ഓഫ് ഇംഗ്ലീഷിൽ എംഎ ഇംഗ്ലീഷിന് എസ്സി വിഭാഗത്തിലും ഒഴിവുളള സീറ്റുകളിലേക്കുളള സ്പോട്ട് അഡ്മിഷൻ 15 ന് 10 മണിക്ക് നടത്തും. താൽപര്യമുളളവർ അസ്സൽ സർട്ടിഫിക്കറ്റുകളും രേഖകളുമായി അതാത് പഠന വകുപ്പുകളിൽ ഹാജരാകണം. വിശദ വിവരങ്ങൾ വെബ്സൈറ്റിൽ.
പരീക്ഷാഫലം
ജനുവരിയിൽ നടത്തിയ ഒന്നാം സെമസ്റ്റർ സിബിസിഎസ്എസ് ബികോം (റഗുലർ 2017 അഡ്മിഷൻ, ഇംപ്രൂവ്മെന്‍റ് 2016 അഡ്മിഷൻ, സപ്ലിമെന്‍ററി 2015, 2014, 2013 അഡ്മിഷൻ) പരീക്ഷകളുടെ ഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി നവംബർ അഞ്ചു വരെ അപേക്ഷിക്കാം.
ഫെബ്രുവരിയിൽ നടത്തിയ മൂന്നാം സെമസ്റ്റർ ബിഎഎസ്എൽപി (സിബിസിഎസ്എസ് & ഓൾഡ് സ്കീം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കാനുളള അവസാന തീയതി 31.
സെപ്റ്റംബറിൽ നടന്ന ആറാം സെമസ്റ്റർ എംസിഎ. (2015 സ്കീംറഗുലർ & 2011 സ്കീം സപ്ലിമെന്‍ററി) പരീക്ഷകളുടെ ഫലം വെബ്സൈറ്റിൽ.
ടൈംടേബിൾ
നവംബർ 12ന് ആരംഭിക്കുന്ന അഞ്ചാം സെമസ്റ്റർ എംസിഎ. (2011 സ്കീം) സപ്ലിമെന്‍ററി 2013 & 2014 അഡ്മിഷൻ മാത്രം) പരീക്ഷകൾക്ക് 24 വരെയും 50 രൂപ പിഴയോടുകൂടി 26 വരെയും 125 രൂപ പിഴയോടുകൂടി 29 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സൂക്ഷ്മപരിശോധന
2017 ഡിസംബറിൽ നടന്ന മൂന്നാം സെമസ്റ്റർ ബികോം/ബിഎസ്‌സി. (സിബിസിഎസ്എസ്) പരീക്ഷകളുടെ സൂക്ഷ്മപരിശോധനയ്ക്ക് അപേക്ഷിച്ചവർ ഹാൾ ടിക്കറ്റും ഐഡി കാർഡുമായി 15 മുതൽ 24 വരെയുളള പ്രവർത്തി ദിവസങ്ങളിൽ സെക്ഷനിൽ ഹാജരാകണം.
പിജി പ്രവേശനം
കാര്യവട്ടം ഗവ. കോളജിൽ പുതുതായി അനുവദിച്ച എംഎസ്‌സി മാത്തമാറ്റിക്സ് കോഴ്സിലേക്ക് കോളജിൽ സ്പോട്ട് അഡ്മിഷൻ നടത്തും. അപേക്ഷ സമർപ്പിക്കേണ്ട അവസാന തീയതി 16 രാവിലെ 11 മണി. ഓണ്‍ലൈൻ രജിസ്റ്റർ ചെയ്യാത്തവർക്കും അപേക്ഷിക്കാം. 16 ന് വൈകുന്നേരം 4.30 ന് കോളജ് നോട്ടീസ് ബോർഡിൽ റാങ്ക് ലിസ്റ്റ് പ്രസിദ്ധീകരിക്കുന്നതും 17 ന് അഡ്മിഷൻ നടത്തും. സർവകലാശാലയിലേക്ക് അപേക്ഷ നൽകേണ്ട തില്ല.
ഒന്നാം വർഷ ബിരുദാനന്തര ബിരുദ പ്രവേശനം
201819 ലെ ഒന്നാം വർഷ ബിരുദാനന്തര ബിരുദ പ്രവേശനവുമായി ബന്ധപ്പെട്ട് ഒഴിവുളള ജനറൽ/മറ്റ് സംവരണ സീറ്റുകളിലേക്ക് മേഖലാതലത്തിൽ 15 ന് സ്പോട്ട് അലോട്ട്മെന്റ് നടത്തും. കൊല്ലം മേഖലയിലുളള കോളജുകളിൽ പ്രവേശനം നേടാൻ ആഗ്രഹിക്കുന്നവർ കൊല്ലം എസ്എൻ കോളജിലും അടൂർ മേഖലയിലുളള കോളജുകളിൽ പ്രവേശനം നേടാൻ ആഗ്രഹിക്കുന്നവർ അടൂർ സെന്‍റ് സിറിൾസ് കോളജിലും 15 ന് രാവിലെ ഒമ്പതിനും 11 നും മധ്യേ ഒണ്‍ലൈൻ അപേക്ഷയുടെ പ്രിന്‍റ് ഔട്ട് സഹിതം ഹാജരാകണം. ജനറൽ/എസ്‌സിബിസി വിഭാഗക്കാർ പ്രവേശന ഫീസായ 900/ രൂപയും എസ്സി/എസ്ടി വിഭാഗക്കാർ 340/ രൂപയും കരുതണം. വിശദവിവരങ്ങൾ വെബ്സൈറ്റിൽ.
ആരോഗ്യ ഇൻഷ്വറൻസ്
ജീവനക്കാർക്കും പെൻഷൻകാർക്കും സർക്കാർ ഏർപ്പെടുത്തിയ ആരോഗ്യ ഇൻഷ്വറൻസ് പദ്ധതി നടപ്പാക്കുന്നതിന്‍റെ വിവര ശേഖരണത്തിനുളള സമയ പരിധി ദീർഘിപ്പിച്ചിരിക്കുന്നു. ഇതുവരെ വിവരങ്ങൾ അപ്‌ലോഡ് ചെയ്യാത്ത സർവകലാശാല പെൻഷൻകാർ ഇതിനായി സൈറ്റിൽ നൽകിയിട്ടുളള പ്രൊഫോർമയിൽ വിവരങ്ങൾ അപ്‌ലോഡ് ചെയ്യാവുന്നതും പ്രൊഫോർമയുടെ പ്രിന്‍റൗട്ട്, പ്രൊഫോർമയിൽ നൽകിയിട്ടുളള വിവരങ്ങളുടെ ആധികാരികത തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം നവംബർ 17 മുന്പായി അസിസ്റ്റന്‍റ് രജിസ്ട്രാർക്ക് സമർപ്പിക്കണം.