വിദൂര വിദ്യാഭ്യാസ വിഭാഗം എംബിഎ അഡ്മിഷൻ രജിസ്ട്രേഷൻ 19 വരെ നീട്ടി
വിദൂര വിദ്യാഭ്യാസ വിഭാഗം എംബിഎ അഡ്മിഷൻ രജിസ്ട്രേഷൻ 19 വരെ നീട്ടി. 16മുതൽ 19വരെ രജിസ്റ്റർ ചെയ്തവർക്കുളള ജിഡിയും ഇന്റർവ്യൂവും 20ന് രാവിലെ 9.30 മുതൽ എസ്ഡിഇയിൽ നടത്തും. യോഗ്യത നേടുന്നവർ അന്നേ ദിവസം തന്നെ ഫീസ് ഒടുക്കി അഡ്മിഷൻ നേടണം.
വൈവാവോസി
2018 സെപ്റ്റംബർ/ഒക്ടോബർ മാസങ്ങളിൽ നടത്തിയ എംഎസ്ഡബ്യൂ സോഷ്യൽ വർക്ക് പരീക്ഷയുടെ വൈവാ വോസി 16, 17 തീയതികളിൽ ശ്രീകാര്യം ലയോള കോളജിൽ നടത്തും. വിശദവിവരങ്ങൾ വെബ്സൈറ്റിൽ.
സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രത്തിന്റെ അംഗീകാരത്തോടെ ശാസ്താംകോട്ട ഡിബി കോളജിൽ നവംബർ നാലിന് തുടങ്ങുന്ന പിഎസ്സി അംഗീകാരമുളള സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് (ആറു മാസം), സർട്ടിഫിക്കറ്റ് ഇൻ കന്പ്യൂട്ടറൈസ്ഡ് അക്കൗണ്ടിംഗ് കോഴ്സുകൾക്ക് ഏതാനും സീറ്റുകൾ ഒഴിവുണ്ട്. മറ്റു കോഴ്സുകൾ ചെയ്യുന്നവർക്കും ജോലിയുളളവർക്കും അപേക്ഷിക്കാം. വിശദവിവരങ്ങൾ 9446475975 എന്ന നന്പറിൽ ലഭ്യമാണ്.