നീറ്റ് എംഡിഎസ് ഡിസംബർ 14ന്
രാജ്യ വ്യാപകമായി ഡെന്റൽ പിജി കോഴ്സുകളിലെ അഡ്മിഷനു നടത്തുന്ന നീറ്റ് എംഡിഎസ് ഡിസംബർ 14ന്. ബിഡിഎസ് പാസായവർക്കും മാർച്ച് 31നകം ഇന്റേണ്ഷിപ് പൂർത്തിയാക്കുന്നവർക്കും അപേക്ഷിക്കാം. അപേക്ഷാ ഫീസ് 3750 രൂപ. പട്ടിക ജാതിവർഗക്കാർക്ക് 2750 രൂപ. നവംബർ ആറിനകം അപേക്ഷിക്കണം. കൊല്ലം. കോഴിക്കോട്, തിരുവനന്തപുരം,തൃശൂർ എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്.
സംസ്ഥാന ഡെന്റൽ കോളജുകളിലേക്കും 50 ശതമാനം അഖിലേന്ത്യാ ക്വാട്ട സീറ്റുകളിലേക്കും സ്വകാര്യ, കൽപ്പിത സർവകലാശാലകളിലെയും സായുധ സേനാ മെഡിക്കൽ കോളജിലെ എംഡിഎസ് സീറ്റുകളിലേക്കും നീറ്റ് എംഡിഎസ് വഴിയായിരിക്കും അഡ്മിഷൻ. എംഡിഎസ് കോഴ്സിനു മറ്റൊരു പ്രവേശന പരീക്ഷ ഉണ്ടായിരിക്കില്ല. എന്നാൽ ന്യൂഡൽഹിയിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ അഡ്മിഷനു നീറ്റ് എംഡിഎസ് ബാധകമല്ല. www.nbe.edu.in.
ഡിഎൻബി പിഡി സിഇടി
ഡിപ്ലോമേറ്റ് ഓഫ് നാഷണൽ ബോർഡ് പോസ്റ്റ് ഡിപ്ലോമ സെൻട്രലൈസ്ഡ് എൻട്രൻസ് ടെസ്റ്റ് (ഡിഎൻബി പിഡി സിഇടി) ഡിസംബർ 14 നാണു നിശ്ചയിച്ചിരിക്കുന്നത്. നവംബർ ആറിനകം ഓണ്ലൈനായി അപേക്ഷിക്കണം. മെഡിക്കൽ പോസ്റ്റ് ഗ്രാജ്വേറ്റ് ഡിപ്ലോമ ഉള്ളവർക്ക് അപേക്ഷിക്കാം. ടെസ്റ്റ് സെന്ററുകൾ: നോയിഡ, ഗ്രേറ്റർ നോയിഡ. ഗുഡ്ഗാവ്, ന്യൂഡൽഹി, ജയ്പൂർ, ഭോപ്പാൽ, കോൽക്കത്ത, മുംബൈ, നവിമുംബൈ, ബംഗളൂരു, ചെന്നൈ, ഹൈദരാബാദ്. www.natboard.edu.in.
ഫോറിൻ മെഡിക്കൽ ഗ്രാജ്വേറ്റ് എക്സാം
വിദേശ മെഡിക്കൽ കോളജുകളിൽ പഠിച്ച എംബിബിഎസ് ബിരുദം നേടിയവർക്ക് ഇന്ത്യയിൽ പ്രാക്ടീസ് ചെയ്യുന്നതിനുള്ള സ്ക്രീനിംഗ് ടെസ്റ്റായ ഫോറിൻ മെഡിക്കൽ ഗ്രാജ്വേറ്റ് എക്സാമിനേഷൻ ഡിസംബർ 14നു നടത്തും. നവംബർ ആറിനകം അപേക്ഷിക്കണം. നാഷണൽ ബോർഡ് ഓഫ് എക്സാമിനേഷനാണു പരീക്ഷാ നടത്തിപ്പിന്റെ ചുമതല. ഇന്ത്യക്കാർക്കും വിദേശ ഇന്ത്യക്കാർക്കുമാണ് അപേക്ഷിക്കാവുന്നത്. അപേക്ഷാ ഫീസ് 5550 രൂപ.
കേരളത്തിൽ കോഴിക്കോട്ടും തിരുവനന്തപുരത്തും പരീക്ഷാ കേന്ദ്രങ്ങളുണ്ട്. www.nbe.edu.in,