പരീക്ഷ തീയതികൾ പുനഃക്രമീകരിച്ചു
ഈമാസം 22, 24, 26,29 തീയതികളിൽ നടത്താനുള്ള ഒന്നാം സെമസ്റ്റർ എംഎസ്സി അപ്ലൈഡ് സുവോളജി, എംഎ ട്രൈബൽ ആൻഡ് റൂറൽ സ്റ്റഡീസ് പരീക്ഷകൾ യഥാക്രമം 29, 31, നവംബർ 2, 5 എന്നീ തീയതികളിൽ നടത്തുന്ന വിധം പുനഃക്രമീകരിച്ചു.
വർക്ക് ലോഡ് അദാലത്ത്
കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ള എല്ലാ എയ്ഡഡ് കോളജുകളിലേയും ജോലിഭാര നിർണയവുമായി ബന്ധപ്പെട്ടുള്ള അദാലത്ത് 25, 27, 29 തീയതികളിൽ താവക്കര ആസ്ഥാനത്തെ ചെറുശേരി ഓഡിറ്റോറിയത്തിൽ നടത്തും. കൂടുതൽ വിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
നാലാം സെമസ്റ്റർ എംഎ മലയാളം പരീക്ഷാഫലം
കണ്ണൂർ സർവകലാശാലയുടെ നാലാം സെമസ്റ്റർ എംഎ മലയാളം (റഗുലർ/സപ്ലിമെന്ററി/ഇംപ്രൂവ്മെന്റ് മാർച്ച് 2018) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയം/സൂക്ഷ്മപരിശോധന/ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ രണ്ടു വരെ സ്വീകരിക്കും.
ഒന്നും മൂന്നും സെമസ്റ്റർ എംബിഎ പരീക്ഷകൾ
അഫിയിലേറ്റഡ് കോളജുകളിലെയും എംബിഎ സെന്ററുകളിലെയും ഒന്നും മൂന്നും സെമസ്റ്റർ എംബിഎ (റഗുലർ/സപ്ലിമെന്ററി2014 അഡ്മിഷൻ മുതൽനവംബർ 2018/ജനുവരി 2019) ഡിഗ്രി പരീക്ഷകൾ യഥാക്രമം നവംബർ 26 നും ജനുവരി 21 നും ആരംഭിക്കും. ഒന്നാം സെമസ്റ്റർ ഓണ്ലൈൻ അപേക്ഷകൾ പിഴകൂടാതെ ഈമാസം 29 മുതൽ നവംബർ മൂന്നു വരെയും 160 രൂപ പിഴയോടെ അഞ്ചു വരെയും സമർപ്പിക്കാം. മൂന്നാം സെമസ്റ്റർ ഓണ്ലൈൻ അപേക്ഷകൾ പിഴകൂടാതെ ഡിസംബർ 26 മുതൽ ജനുവരി മൂന്നു വരെയും 160 രൂപ പിഴയോടെ അഞ്ചു വരെയും സമർപ്പിക്കാം. അപേക്ഷകളുടെ പ്രിന്റൗട്ട് (ചലാനടക്കം) യഥാക്രമം നവംബർ ഒൻപത്, ജനുവരി എട്ട് തീയതികൾക്കകവും എപിസി യഥാക്രമം നവംബർ 16, ജനുവരി 11 തീയതികൾക്കകവും സർവകലാശാലയിൽ സമർപ്പിക്കണം.
അപേക്ഷകൾ 13 വരെ സ്വീകരിക്കും
നവംബർ 30ന് ആരംഭിക്കുന്ന കൊമേഴ്സ് ആൻഡ് മാനേജ്മെന്റ് റീഫ്രഷർ കോഴ്സിനുള്ള അപേക്ഷകൾ യുജിസിഎച്ച്ആർഡിസി ഓഫീസിൽ 13 വരെ സ്വീകരിക്കും. ദി ഡയറക്ടർ, യുജിസിഎച്ച്ആർഡിസി, കണ്ണൂർ യൂണിവേഴ്സിറ്റി എന്നപേരിൽ എസ്ബിഐ സൗത്ത് ബസാർ ബ്രാഞ്ചിൽ മാറാവുന്ന 1000 രൂപയുടെ ഡിഡിയും സർവകലാശാലയുടെ www.kannuruniversity.ac.in എന്ന വെബ്സൈറ്റിൽനിന്ന് ഡൗൺലോഡ് ചെയ്ത അപേക്ഷാഫോറവും സഹിതം എത്തിക്കണം.
പുനഃക്രമീകരിച്ചു
ഈമാസം 25ന് ആരംഭിക്കേണ്ടിയിരുന്ന ഒരാഴ്ച നീണ്ടുനിൽക്കുന്ന കണ്ണൂർ യൂണിവേഴ്സിറ്റിയുടെ ഡിസാസ്റ്റർ മാനേജ്മെന്റ് കോഴ്സ് 29 മുതൽ നവംബർ മൂന്നുവരെ ആരംഭിക്കുന്ന വിധത്തിൽ പുനഃക്രമീകരിച്ചു.