ബിഎ, ബികോം, എംഎ, എംകോം, എംഎസ്സി പ്രൈവറ്റ് രജിസ്ട്രേഷന് അപേക്ഷിക്കാം
ബിഎ, ബികോം, എംഎ, എംകോം, എംഎസ്സി (മാത്സ്) കോഴ്സുകളിലേക്ക് പ്രൈവറ്റ് രജിസ്ട്രേഷന് അപേക്ഷ ക്ഷണിച്ചു. ഡിഗ്രി കോഴ്സുകളിൽ ഹിസ്റ്ററി, പൊളിറ്റിക്കൽ സയൻസ്, ഇക്കണോമിക്സ്, ഇസ്ലാമിക് ഹിസ്റ്ററി, സോഷ്യോളജി, ഫിലോസഫി, ഇംഗ്ലീഷ്, സംസ്കൃതം, മലയാളം, ഹിന്ദി, അറബിക്, കോമേഴ്സ് വിഷയങ്ങൾക്കും പിജി കോഴ്സുകളിൽ എംഎ ഇംഗ്ലീഷ്, മലയാളം, ഹിന്ദി, അറബിക്, സംസ്ക്യതം, ഹിസ്റ്ററി, ഇക്കണോമിക്സ്, ഫിലോസഫി , പൊളിറ്റിക്കൽ സയൻസ്, സോഷ്യോളജി, ഇസ്ലാമിക് ഹിസ്റ്ററി, എംഎസ്സി മാത്തമാറ്റിക്സ്, എംകോം എന്നീ കോഴ്സുകൾക്കുമാണ് പ്രൈവറ്റ് രജിസ്ട്രേഷൻ. ബിരുദബിരുദാനന്തര കോഴ്സുകൾ സെമസ്റ്റർ സന്പ്രദായത്തിലായിരിക്കും. പരീക്ഷകൾ ഓരോ വർഷത്തിലും നടത്തുന്നതായിരിക്കും.
ഡിഗ്രി കോഴ്സുകളിൽ ബിഎ, ബികോം (ഫുൾകോഴ്സ്), ബിഎ, ബികോം (പ്രഫഷണ. ബിരുദധാരികൾക്ക്), ബികോം ബിരുദധാരികൾക്കുള്ള ബിഎ കോഴ്സുകൾ എന്നിവയ്ക്ക് സിബിസിഎസ് (2017) (മോഡൽ ഒന്ന്)ഫുൾ കോഴ്സുകൾ ഒഴികെയുള്ള ബിരുദ കോഴ്സുകളിൽ രണ്ട്, മൂന്ന്, നാല്, അഞ്ച്, ആറ് സെമസ്റ്ററുകളിലേക്കുള്ള പ്രൈവറ്റ് രജിസ്ട്രേഷനു പുറമെ ബികോം അഡീഷണൽ ഓപ്ഷണൽ, ഇലക്റ്റീവ്, സെക്കന്റ് ലാംഗ്വേജ് (കോമണ് കോഴ്സ്രണ്ട്) മാറ്റം, അഡീഷണൽ ഡിഗ്രി, ഓപ്ഷണൽ, ഫാക്കൽറ്റി മാറ്റം, കോമണ് കോഴസ് ഒന്ന് ആൻഡ് രണ്ട് എന്നീ വിഭാഗങ്ങളിലും വ്യവസ്ഥകൾക്ക് വിധേയമായി രജിസ്ട്രേഷൻ അനുവദിക്കും.
ഒന്നും രണ്ടും സെമസ്റ്റർ ഡിഗ്രീ ആൻഡ പിജി ഫുൾ കോഴ്സ് രജിസ്ട്രേഷനു വേണ്ടി ഓണ്ലൈനായി അപേക്ഷ സമർപ്പിക്കണം
ഓണ്ലൈനായി അപേക്ഷിച്ചതിനു ശേഷം അപേക്ഷയുടെ പ്രിന്റൗട്ട് അനുബന്ധരേഖകൾക്കൊപ്പം യൂണിവേഴ്സിറ്റിയിലേക്ക് അയക്കേണ്ടതാണ്. ഫുൾ കോഴ്സ് ഒഴികെയുള്ള വിഭാഗങ്ങളിൽ രജിസ്ട്രേഷന് അപേക്ഷിക്കുന്നവർ വെബ്സൈറ്റിൽ വിജ്ഞാപനത്തോടൊപ്പമുള്ള അപേക്ഷാഫോറം ഡൗണ്ലോഡ് ചെയ്ത് പൂരിപ്പിച്ച് അപേക്ഷിക്കണം. ഫീസിനൊപ്പം അപേക്ഷാഫോമുകളുടെ ഫീസും അടയ്ക്കണം.
ബാങ്ക് ടെസ്റ്റ് പരിശീലനം
വിവിധ ബാങ്കുകളിലേക്ക് നിയമനത്തിനായി നടത്തുന്ന മത്സര പരീക്ഷകൾക്കുള്ള പരിശീലനം യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയിൽ ആരംഭിക്കുന്നു. 0481 2731025.