എംഎസ്സി കെമിസ്ട്രി പ്രവേശനം:സ്പോട്ട് അഡ്മിഷൻ നവംബർ ഏഴിന്
തലശേരി ഗവ. ബ്രണ്ണൻ കോളജിൽ 201819 അധ്യയനവർഷത്തിൽ പുതുതായി ആരംഭിക്കുന്ന എംഎസ്സി കെമിസ്ട്രി പ്രോഗ്രാമിലേക്കുള്ള പ്രവേശനത്തിന് അപേക്ഷ ക്ഷണിച്ചു. അപേക്ഷകൾ www.cap.kannuruniversity.ac.in എന്ന വെബ്സൈറ്റിൽ ഓൺലൈനായാണു സമർപ്പിക്കേണ്ടത്. ഓൺലൈൻ രജിസ്ട്രേഷൻ ഇന്ന് ആരംഭിക്കും. രജിസ്ട്രേഷൻ ഫീസ് ഓൺലൈനായാണ് അടയ്ക്കേണ്ടതാണ്. രജിസ്ട്രേഷൻ ഫീസ് അടയ്ക്കേണ്ട അവസാന തീയതി നവംബർ മൂന്ന്. നേരത്തെ ഓൺലൈൻ രജിസ്റ്റർ ചെയ്തവരും പുതുതായി രജിസ്റ്റർ ചെയ്യണം.
കണ്ണൂർ സർവകലാശാലയുടെ മറ്റു കോളജുകളിൽ പ്രവേശനം നേടിയ വിദ്യാർഥികളെ പരിഗണിക്കുന്നതല്ല. ഓൺലൈൻ രജിസ്ട്രേഷൻ ഫീസ് എസ്സി/എസ്ടി വിഭാഗത്തിന് 100 രൂപയും മറ്റു വിഭാഗങ്ങൾക്ക് 400 രൂപയുമാണ്. ഇൻഡക്സ് മാർക്കിന്റെ അടിസ്ഥാനത്തിലുള്ള റാങ്ക് ലിസ്റ്റ് നവംബർ അഞ്ചിന് വെബ്സൈറ്റിൽ പ്രസിദ്ധീകരിക്കും. റാങ്ക് ലിസ്റ്റിന്റെ അടിസ്ഥാനത്തിൽ നവംബർ ഏഴിന് കോളജിൽ സ്പോട്ട് അഡ്മിഷൻ നടത്തും. ഫോൺ: 0497 2715284, 2715261.