ജൂണ്‍, ജൂലൈ മാസങ്ങളിൽ നടത്തിയ അഞ്ചും ആറും സെമസ്റ്റർ ബിവോക് പരീക്ഷയുടെ ഫലം പ്രസിദ്ധീകരിച്ചു
മേഴ്സി ചാൻസ് പരീക്ഷ
ബിരുദ, ബിരുദാനന്തര ബിരുദ കോഴ്സുകൾക്കുള്ള പ്രത്യേക മേഴ്സി ചാൻസ് പരീക്ഷയ്ക്ക് അപേക്ഷിക്കാം. എൽഎൽബി (ത്രിവത്സരം, പഞ്ചവത്സരം 1983 1997 അഡ്മിഷൻ, 1998, 1999 അഡ്മിഷൻ), എസ്ഐഎൽടി ത്രിവത്സരം (1991, 1992 വാർഷിക സ്കീം അഡ്മിഷൻ, 1993 സെമസ്റ്റർ അഡ്മിഷൻ, 1994, 1995 ഈവനിംഗ് ബാച്ച് അഡ്മിഷൻ), എസ്ഐഎൽടി പഞ്ചവത്സരം (1994, 1995 അഡ്മിഷൻ മുതൽ) എന്നിവയ്ക്ക് കൂടി മേഴ്സി ചാൻസ് അനുവദിച്ചു. ഡിസംബർ 17 വരെയും 50 രൂപ പിഴയോടെ ഡിസംബർ 19 വരെയും 500 രൂപ സൂപ്പർ ഫൈനോടെ ഡിസംബർ 22 വരെയും അപേക്ഷിക്കാം. പരീക്ഷ ഫീസിനും സിവി ക്യാന്പ് ഫീസിനും പുറമേ 5000 രൂപ സ്പെഷൽ ഫീസ് അടയ്ക്കണം. വിശദവിവരം സർവകലാശാല വെബ്സൈറ്റിൽ ലഭിക്കും.
പരീക്ഷാഫലം
2018 ജൂണ്‍, ജൂലൈ മാസങ്ങളിൽ നടത്തിയ അഞ്ചും ആറും സെമസ്റ്റർ ബിവോക് (ലോജിസ്റ്റിക്സ് മാനേജ്മെന്‍റ് ഒഴികെ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 സെപ്റ്റംബറിൽ സ്കൂൾ ഓഫ് ബിഹേവിയറൽ സയൻസസിൽ നടത്തിയ രണ്ടാം സെമസ്റ്റർ എംഫിൽ സ്പെഷൽ എഡ്യൂക്കേഷൻ ആൻഡ് റിഹാബിലിറ്റേഷൻ സയൻസസ് സിഎസ്എസ് പരീക്ഷയുടെ ഫലം പ്രസിദ്ധീകരിച്ചു.
ഡിസാസ്റ്റർ മാനേജ്മെന്‍റ് കോഴ്സ്
സ്കൂൾ ഓഫ് ഇന്ത്യൻ ലീഗൽ തോട്ടിലെ ഡിസാസ്റ്റർ മാനേജ്മെന്‍റ് ലോ സർട്ടിഫിക്കറ്റ് കോഴ്സിന് അപേക്ഷ സമർപ്പിച്ചവർ നവംബർ ഒന്നിന് രാവിലെ 11ന് രേഖകളുമായി വകുപ്പു മേധാവി മുന്പാകെ എത്തണം.
പരിശീലന പരിപാടി
എംജി യൂണിവേഴ്സിറ്റി നാഷണൽ സർവീസ് സ്കീമിന്‍റെ ആഭിമുഖ്യത്തിൽ ’സോഷ്യൽ മീഡിയ പ്ലാറ്റ്ഫോമിലൂടെ വ്യക്തിത്വ വികസനം’ എന്ന വിഷയത്തിൽ നവംബർ രണ്ടിന് രാവിലെ 9.30ന് സർവകലാശാല അസംബ്ലി ഹാളിൽ പരിശീലന പരിപാടി നടക്കും. സർവകലാശാലയുടെ കീഴിലുള്ള എൻഎസ്എസ് യൂണിറ്റുകളിൽ നിന്നും സോഷ്യൽ മീഡിയയിൽ താല്പര്യമുള്ള രണ്ടുപേർ വീതം ഗുണനിലവാരമുള്ള ആൻഡ്രോയ്ഡ് ഫോണുകളുമായി പരിപാടിയിൽ പങ്കെടുക്കണം.
പഠനവൈകല്യങ്ങൾ:ദ്വിദിന ദേശീയ സെമിനാർ
സ്കൂൾ ഓഫ് ബിഹേവിയറൽ സയൻസസും ഇൻസ്റ്റിറ്റ്യൂട്ട് ഓഫ് റിസർച്ച് ഇൻ ലേണിംഗ് ഡിസബിലിറ്റിയും (ഐആർഎൽഡി) സംയുക്തമായി പഠനവൈകല്യങ്ങളുമായി ബന്ധപ്പെട്ട് സംഘടിപ്പിച്ച ദ്വിദിന ദേശീയ സെമിനാർ സംഘടിപ്പിച്ചു. സിൻഡിക്കറ്റംഗം പ്രഫ.കെ.ജയചന്ദ്രൻ ഉദ്ഘാടനം ചെയ്തു.
ബിഹേവിയറൽ സയൻസസ് ഡയറക്ടർ ഡോ. രാജീവ് കുമാർ, റീഹാബിലിറ്റേഷൻ കൗണ്‍സിൽ ഓഫ് ഇന്ത്യ സോണൽ കോഓർഡിനേറ്റർ ഗായത്രി രവീഷ്, ഐആർഎൽഡി ഡയറക്ടർ ഡോ. കെ.എം. മുസ്തഫ, ഡിപ്പാർട്ട്മെന്‍റ് ഓഫ് ഇന്ത്യൻ സൈൻ ലാംഗ്വേജ് അധ്യാപിക സുലു എന്നിവർ പങ്കെടുത്തു.
അക്കാദമിക് കൗണ്‍സിൽ സ്റ്റാന്‍റിംഗ് കമ്മിറ്റിയോഗം
അക്കാദമിക് കൗണ്‍സിലിന്‍റെ സ്റ്റാന്‍റിംഗ് കമ്മിറ്റിയോഗം നവംബർ ഒന്പതിന് ഉച്ചകഴിഞ്ഞ് മൂന്നിന് സർവകലാശാലയിലെ വൈസ് ചാൻസലറുടെ ചേംബറിൽ നടക്കും.
ബാങ്ക് ടെസ്റ്റ് പരിശീലനം
വിവിധ ബാങ്കുകളിലേക്ക് നിയമനത്തിനായി ഐബിപിഎസ് നടത്തുന്ന മത്സര പരീക്ഷകൾക്ക് സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കുന്ന പരിശീലനത്തിൽ ഏതാനും സീറ്റുകൾ ഒഴിവുണ്ട്. 0481 2731025.
കോളജുകളിലും സ്ഥാപനങ്ങളിലും ഭാഷഭരണഭാഷ പ്രതിജ്ഞ
മലയാള ദിനാഘോഷത്തിന്റെയും ഭരണഭാഷ വാരാഘോഷത്തിന്റെയും ഭാഗമായി സർവകലാശാലയ്ക്ക് കീഴിലുള്ള വകുപ്പുകളിലും സ്ഥാപനങ്ങളിലും കോളജുകളിലും നവംബർ ഒന്നിന് ഭാഷാ പ്രതിജ്ഞയും ഭരണഭാഷ പ്രതിജ്ഞയുമെടുക്കും. രാവിലെ 11ന് സർവകലാശാല ഭരണവിഭാഗ ചത്വരത്തിൽ ഭരണഭാഷ സമ്മേളനം സംഘടിപ്പിക്കും. വൈസ് ചാൻസലർ പ്രതിജ്ഞ ചൊല്ലിക്കൊടുക്കും. സർവകലാശാലയ്ക്ക് കീഴിലുള്ള കോളജുകളിലും വിദ്യാഭ്യാസ സ്ഥാപനങ്ങളിലും രാവിലെ 11ന് ’ഭൂമി മലയാളം’ പദ്ധതിയുടെ ഭാഗമായി ഭാഷ പ്രതിജ്ഞയെടുക്കും. കേരളപ്പിറവി ദിനത്തിൽ സംഘടിപ്പിക്കുന്ന പരിപാടികളുടെ വിവരങ്ങൾ അതത് കോളജുകളുടെ വെബ്സൈറ്റിൽ പ്രസിദ്ധീകരിക്കണം.
പുനരർപണ ദിനം
മുൻ പ്രധാനമന്ത്രി ഇന്ദിരാഗാന്ധിയുടെ ചരമവാർഷിക ദിനമായ ഇന്നു ദേശീയ പുനരർപണദിനമായി ആചരിക്കും. രാവിലെ 10.15 മുതൽ 10.17 വരെ രണ്ടുമിനിട്ട് മൗനമാചരിക്കും. കാന്പസിലെ അഡ്മിനിസ്ട്രേറ്റീവ് ബ്ലോക്കിൽ നടക്കുന്ന അനുസ്മരണ ചടങ്ങിൽ ദേശീയോദ്ഗ്രഥന പ്രതിജ്ഞയെടുക്കും.