ഓപ്പണ് ഡിഗ്രി പ്രവേശന പരീക്ഷാ ഹാൾടിക്കറ്റ്
വിദൂരവിദ്യാഭ്യാസം നവംബർ നാലിന് നടത്തുന്ന ഓപ്പണ് ഡിഗ്രി പ്രവേശന പരീക്ഷയുടെ ഹാൾടിക്കറ്റ് ഇന്ന് മുതൽ വിദൂരവിദ്യാഭ്യാസ വിഭാഗം വെബ്സൈറ്റിൽ (www.sdeuoc.ac.in) നിന്ന് ഡൗണ്ലോഡ് ചെയ്യാം.
യുജി മൂന്നാം സെമസ്റ്റർ കോണ്ടാക്ട് ക്ലാസ്
വിദൂരവിദ്യാഭ്യാസം യുജി മൂന്നാം സെമസ്റ്റർ (2017 പ്രവേശനം) കോണ്ടാക്ട് ക്ലാസും പഠനസാമഗ്രി വിതരണവും നാലിന് ആരംഭിക്കും. പ്രൈവറ്റ് മോഡിൽ നിന്ന് എസ്ഡിഇ മോഡിലേക്ക് മാറിയ മൂന്നാം സെമസ്റ്റർ വിദ്യാർഥികളുടെ (ട്യൂഷൻ ഫീസ് അടച്ചവരുടെ) ഐഡി കാർഡ് സർവകലാശാലാ വെബ്സൈറ്റിൽ നിന്ന് ഡൗണ്ലോഡ് ചെയ്യാം. തിരിച്ചറിയൽ കാർഡ് സഹിതം ഹാജരാകണം. വിവരങ്ങൾ വെബ്സൈറ്റിൽ. ഫോണ്: 0494 2407494, 2407356.
പരീക്ഷ
പഠനവകുപ്പിലെ ഒന്നാം സെമസ്റ്റർ എംഎ/ എംഎസ് സി/ എംകോം (ഇന്റർനാഷണൽ ഫിനാൻസ്)/എംബിഎ/ എംസിജെ/ എംലിബ്ഐഎസ് സി/ എംടിഎ (2014 മുതൽ പ്രവേശനം, സിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ 28ന് ആരംഭിക്കും.
പരീക്ഷാഫലം
ജൂണിൽ നടത്തിയ രണ്ട്, നാല് സെമസ്റ്റർ എംഎ മലയാളം (സിസിഎസ്എസ്) പരീക്ഷാഫലം വെബ്സൈറ്റിൽ.
കാലിക്കട്ടിൽ ലോക മലയാള ദിനാചരണം നടത്തി
തേഞ്ഞിപ്പലം: നവംബർ ഒന്നിന് കേരളപ്പിറവിദിനത്തിൽ ലോക മലയാള ദിനാചരണത്തോടനുബന്ധിച്ച് കാലിക്കട്ട് സർവകലാശാലയിൽ അധ്യാപകരും ജീവനക്കാരും ഭാഷാ പ്രതിജ്ഞയെടുത്തു. വൈസ് ചാൻസലർ ഡോ. കെ. മുഹമ്മദ് ബഷീർ പ്രതിജ്ഞ ചൊല്ലിക്കൊടുത്തു. മലയാളകേരള പഠനവിഭാഗത്തിന്റെ ആഭിമുഖ്യത്തിൽ ഇഎംഎസ് സെമിനാർ കോംപ്ലക്സിൽ കേരളപ്പിറവി ദിനാഘോഷവും സംഘടിപ്പിച്ചു. പ്രമുഖ നാടകസിനിമാ പ്രവർത്തകൻ ജയപ്രകാശ് കൂളൂർ മുഖ്യപ്രഭാഷണം നടത്തി.
വകുപ്പ് അധ്യക്ഷൻ പ്രഫ. എൽ. തോമസ്കുട്ടി അധ്യക്ഷത വഹിച്ചു. ഡോ. പി. സോമനാഥൻ, ഡോ. ആർ.വി.എം. ദിവാകരൻ, ഡോ. എം.ബി. മനോജ് എന്നിവർ പ്രസംഗിച്ചു. തുടർന്ന് മലയാളകേരള പഠനവിഭാഗത്തിലെ വിദ്യാർഥികൾ വിവിധ കലാപരിപാടികൾ സംഘടിപ്പിച്ചു.