ജെആർഎഫ്, ടെക്നിക്കൽ അസിസ്റ്റന്റ്: ഇന്റർവ്യൂ 21, 22 തീയതികളിൽ
കൊച്ചി: കേരള ഫിഷറീസ് സമുദ്ര പഠന സർവകലാശാല(കുഫോസ്)യിൽ വിവിധ ഗവേഷണ പദ്ധതികളിൽ ഒഴിവുള്ള ജൂണിയർ റിസർച്ച് ഫെല്ലോ, ടെക്നിക്കൽ അസിസ്റ്റന്റ് തസ്തികളിലേക്ക് 21, 22 തീയതികളിൽ വാക്ക് ഇൻ ഇന്റർവ്യൂ നടത്തും.
ജൂണിയർ റിയർച്ച് ഫെല്ലോ: ശന്പളം 25,000 രൂപ, വീട്ടുവാടക അസവൻസും ലഭിക്കും. യോഗ്യത: മറൈൻ ബയോളജി/ ബയോളജിക്കൽ ഓഷ്യനോഗ്രഫിയിലുള്ള ഒന്നാം ക്ലാസ് എംഎസ്സി ബിരുദം. ഒരു വർഷത്തെ ഗവേഷണ പരിചയം അഭിലഷണീയം. ഇന്റർവ്യൂ 21ന് രാവിലെ 9.30ന്. ടെക്നിക്കൽ അസിസ്റ്റന്റ്: ശന്പളം14,000 രൂപ. രണ്ട് ഒഴിവുകളിൽ ഒന്നിൽ ഫിസിക്കൽ ഓഷ്യനോഗ്രഫി/ ഓഷ്യൽ മോഡലിംഗിൽ നേടിയ ഒന്നാം ക്ലാസ് എംഎസ്സി ബിരുദം നേടിയവർക്ക് അപേക്ഷിക്കാം. ഇന്റർവ്യൂ 22ന് രാവിലെ 9.30ന്. രണ്ടാമത്തെ ഒഴിവിലേക്ക് ഇലക്ട്രോണിക്സ്/ ഇൻട്രുമെന്റേഷൻ ഒന്നാം ക്ലാസ് ഡിപ്ലോമ/ ബി.ടെക് ബിരുദം ഉള്ളവർക്ക് പങ്കെടുക്കാം. ഇന്റർവ്യൂ 22ന് ഉച്ചയ്ക്ക് 1.30 ന്.
താൽപര്യമുള്ള ഉദ്യോഗാർഥികൾ യോഗ്യത, പരിചയം എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകളുമായി കൊച്ചി പനങ്ങാടുള്ള കുഫോസ് മുഖ്യകാന്പസിൽ ഹാജരാകണം.