മൂന്നാം സെമസ്റ്റർ എംകോം (സിഎസ്എസ്) ഡിസംബർ 2017 പരീക്ഷയുടെ ഉത്തരക്കടലാസുകളുടെ സൂക്ഷ്മപരിശോധന 16, 17 തീയതികളിൽ ഇജെ അഞ്ച് സെക്ഷനിൽ നടക്കും. അപേക്ഷകർ തിരിച്ചറിയൽ കാർഡ്, ഹാൾ ടിക്കറ്റ് എന്നിവ സഹിതം സിൽവർ ജൂബിലി പരീക്ഷാഭവനിലെ റൂം നന്പർ 226ൽ എത്തണം.
പ്രാക്ടിക്കൽ അഞ്ചാം സെമസ്റ്റർ ബിഎഫ്ടി ആൻഡ് ബിഎസ്സി അപ്പാരൽ ആൻഡ് ഫാഷൻ ഡിസൈൻ (സിബിസിഎസ്എസ് 2016 അഡ്മിഷൻ റഗുലർ, 201315 അഡ്മിഷൻ റീഅപ്പിയറൻസ്) ഒക്ടോബർ 2018 പരീക്ഷയുടെ പ്രാക്ടിക്കൽ ഇന്നു മുതൽ വിവിധ കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
പരീക്ഷഫലം 2018 ഫെബ്രുവരിയിൽ നടന്ന ഒന്നാം വർഷ ബിഎസ്സി മെഡിക്കൽ റേഡിയോളജിക്കൽ ടെക്നോളജി (2016 അഡ്മിഷൻ പുതിയ സ്കീം റഗുലർ, 2016ന് മുന്പുള്ള അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 26 വരെ അപേക്ഷിക്കാം.
2018 ജൂണിൽ എറണാകുളം ഗവണ്മെന്റ് ലോ കോളജിൽ നടന്ന ഏഴാം സെമസ്റ്റർ എൽഎൽബി (പഞ്ചവത്സരം) സപ്ലിമെന്ററി, മേഴ്സി ചാൻസ് (2011നു മുന്പുള്ള അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
2018 ജൂണിൽ നടത്തിയ മൂന്നാം സെമസ്റ്റർ എൽഎൽബി (ത്രിവത്സരം റഗുലർ, സപ്ലിമെന്ററി, മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
പിഎച്ച്ഡി നൽകി ബയോഫിസിക്സിൽ സി.ജി. അശ്വതിക്കും എജ്യൂക്കേഷനിൽ ഷേർളി ഫിലിപ്പിനും ഫിസിക്കൽ എജ്യൂക്കേഷനിൽ സി.ആർ. അജേഷ്, വിയാനി ചാർളി എന്നിവർക്കും ലോയിൽ ഡി.വി. ദിവ്യയ്ക്കും മാനേജ്മെന്റ് സയൻസിൽ റ്റിജോ തോമസിനും മാത്തമാറ്റിക്സിൽ സാനി മേരി റൂസ്വെൽറ്റ് മേരി ടോങ്കാസിനും മാനേജ്മെന്റ് സ്റ്റഡീസിൽ റോഷൻ തെരേസ് സെബാസ്റ്റ്യനും കെമിസ്ട്രിയിൽ എസ്. രാധിക, ഇ.എം. ജിൻസി എന്നിവർക്കും പിഎച്ച്ഡി നൽകാൻ എംജി സർവകലാശാല സിൻഡിക്കേറ്റ് തീരുമാനിച്ചു.
ഇൻ സർവീസ് കോഴ്സുകൾ ഡിസംബർ മൂന്നു മുതൽ അഫിലിയേറ്റഡ് കോളജ് അധ്യാപകർക്കായി സയൻസ്, സോഷ്യൽ സയൻസ്, ഹ്യുമാനിറ്റീസ്, എജ്യൂക്കേഷൻ എന്നിവയിലും അനുബന്ധ വിഷയത്തിലും ഇൻ സർവീസ് കോഴ്സുകൾ നടത്തും. ഡിസംബർ മൂന്നു മുതൽ 17 വരെ സർവകലാശാലയിലാണ് കോഴ്സ്. വിശദവിവരം സർവകലാശാല വെബ്സൈറ്റിൽ ലഭിക്കും. ഫോണ്: 0481 2731013.
ജോലിഭാരം നിർണയിക്കൽ: യോഗം 16ന് എംജി സർവകലാശാലയ്ക്ക് കീഴിലുള്ള അഫിലിയേറ്റഡ് സ്വകാര്യ എയ്ഡഡ് കോളജുകളുടെ ജോലിഭാരം നിർണയിക്കുന്നതിനും അധ്യാപക തസ്തികകളുടെ എണ്ണം നിശ്ചയിക്കുന്നതിനുമായി അദാലത്ത് സംഘടിപ്പിക്കുന്നതിന്റെ ഭാഗമായി എറണാകുളം, കോട്ടയം മേഖലാ കോളജ് വിദ്യാഭ്യാസ ഡെപ്യൂട്ടി ഡയറക്ടർമാരുടെയും എയ്ഡഡ് കോളജ് പ്രിൻസിപ്പൽമാരുടെയും യോഗം 16ന് രാവിലെ 11ന് സർവകലാശാല അസംബ്ലി ഹാളിൽ ചേരും.
സഹകരണ ബാങ്ക് ക്ലർക്ക് പരീക്ഷാ പരിശീലനം ബികോം (കോഓപ്പറേഷൻ), ജെഡിസി, എച്ച്ഡിസി യോഗ്യതയുള്ളവർക്ക് കോഓപ്പറേറ്റീവ് സർവീസ് എക്സാമിനേഷൻ ബോർഡ് സഹകരണ സംഘങ്ങളിലെ ജൂനിയർ ക്ലർക്ക് നിയമനത്തിനായി നടത്തുന്ന പരീക്ഷയ്ക്കുള്ള തീവ്ര പരിശീലന പരിപാടി എംജി സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കുന്നു. ഫോണ്: 0481 2731025.
’സമക്ഷം’ ട്രെയിലർ കണ്ട് കഥയെഴുതാം;ട്രെയിലർ ടു ടെയ്ൽ മത്സരം 20 വരെ കോട്ടയം: എംജി സർവകലാശാല നിർമിച്ച ആദ്യ ചലച്ചിത്രം ’സമക്ഷ’ത്തിന്റെ റിലീസിംഗിനോടനുബന്ധിച്ച് വിദ്യാർഥികൾക്കായി ട്രെയിലർ ടു ടെയ്ൽ മത്സരം നടത്തുന്നു. യൂട്യൂബിലെ എംജിയു മീഡിയയിൽ അപ്ലോഡ് ചെയ്തിട്ടുള്ള സമക്ഷം സിനിമയുടെ ട്രെയിലർ കണ്ട് ഭാവനാത്മകമായി ഒരു കഥ മലയാളത്തിൽ എഴുതുന്നതാണ് മത്സരം. സംസ്ഥാനത്തെ സർവകലാശാലകളിലും അഫിലിയേറ്റഡ് കോളജുകളിലും പഠിക്കുന്ന വിദ്യാർഥികൾക്ക് പങ്കെടുക്കാം. ഒന്നാം സ്ഥാനം നേടുന്നയാൾക്ക് 10000 രൂപയും പ്രശസ്തിപത്രവും ലഭിക്കും. രണ്ടും മൂന്നും സ്ഥാനങ്ങളിലെത്തുന്നവർക്ക് യഥാക്രമം 5000, 3000 രൂപ വീതവും പ്രശസ്തിപത്രവും ലഭിക്കും. കഥ അഞ്ചുപുറത്തിൽ കവിയരുത്. ടൈപ്പ് ചെയ്തോ നല്ല കൈയ്യക്ഷരത്തിലോ തയ്യാറാക്കിയ കഥയുടെ പിഡിഎഫ് ഫോർമാറ്റ് വകുപ്പുമേധാവിയുടെ സാക്ഷ്യപത്രം സഹിതം
[email protected],
[email protected] എന്നീ ഇമെയിൽ വിലാസങ്ങളിൽ 20ന് വൈകുന്നേരം നാലിനകം നൽകണം. ഫോണ്: 9496119457.