? ഞാൻ പ്ലസ് ടു സയൻസ് ബയോളജി പഠിക്കുന്നു. ജനറ്റിക്സ് ബിടെക് അല്ലെങ്കിൽ ബിഎസ്സി ഉപരിപഠനം നടത്താൻ ആഗ്രഹിക്കുന്നു. എവിടെല്ലാമാണ് ഇതിന് അവസരം ? അനില അലക്സാണ്ടർ തൊടുപുഴ
ജനറ്റിക്സ് പഠനം പലപ്പോഴും ബയോടെക്നോളജി, ബയോകെമിസ്ട്രി, മൈക്രോബയോളജി എന്നീ വിഷയങ്ങളോടൊപ്പം ഒരു അനുബന്ധ വിഷയമായാണ് പഠിപ്പിക്കുന്നത്. ബിടെക് ജനറ്റിക്സ് പ്രോഗ്രാം നടത്തുന്ന കോളജുകൾ പൊതുവേ കുറവാണ്. അതിനാൽ ബിടെക് ജനറ്റിക്സ് പഠിക്കാൻ ആഗ്രഹിക്കുന്നർ സാധാരണ ബിടെക് ഇൻ ബയോടെക്നോളജിയോ ബയോകെമിക്കൽ എൻജിനിയറിംഗോ പഠിക്കാം.
എസ്ആർഎം യൂണിവേഴ്സിറ്റി ചെന്നൈ നാലുവർഷ ബിടെക് ഇൻ ജനറ്റിക് എൻജിനിയറിംഗ് കോഴ്സ് നൽകുന്നുണ്ട്. വിവരങ്ങൾക്ക് www.s rmuni.ac.in
ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി മദ്രാസ്, ഖരഗ്പുർ, ഗോഹട്ടി, ന്യൂഡൽഹി, റൂർക്കി എന്നിവ ബയോടെക്നോളജിയിൽ ബിടെക്, എംടെക് എന്നിവ നടത്തുന്നുണ്ട്.
കേരളത്തിലെ എസ്സിടി എൻജിനിയറിംഗ് കോളജ് തിരുവനന്തപുരം, മോഹൻദാസ് കോളജ് ഓഫ് എന്ജിനിയറിംഗ് നെടുമങ്ങാട്, മെറ്റ്സ് സ്കൂൾ ഓഫ് എന്ജിനിയറിംഗ് മാള, ശ്രീബുദ്ധ കോളജ് നൂറനാട്, സഹൃദയ കോളജ് ഓഫ് എന്ജിനിയറിംഗ് കൊടകര എന്നിവ ബയോടെക്നോളജിയിലും ബയോകെമിക്കൽ എൻജിനിയറിംഗിലും ബിടെക് പ്രോഗ്രാം നടത്തുന്നുണ്ട്. മിക്ക യൂണിവേഴ്സിറ്റികളിലും പിജി തലത്തിൽ ജനറ്റിക്സ് പഠനമുണ്ട്.
തയാറാക്കിയത് :
ബാബു പള്ളിപ്പാട്ട് ചോദ്യങ്ങൾ അയയ്ക്കേണ്ട ഇ മെയിൽ
[email protected]