ഭാരോദ്വഹന, ബോഡി ബിൽഡിംഗ് മത്സരങ്ങൾ ഇന്ന് തുടങ്ങും
തേഞ്ഞിപ്പലം: അഖിലേന്ത്യാ അന്തർ സർവകലാശാലാ ഭാരാദ്വോഹന, ബോഡി ബിൽഡിംഗ് ചാന്പ്യൻഷിപ്പുകൾ കാലിക്കട്ട് സർവകലാശാലയിൽ ഇന്ന് മുതൽ 20 വരെ നടക്കും.
ഇന്ന് 55, 61 കിലോഗ്രാം വിഭാഗങ്ങളിലും, നാളെ 67, 73, 81 കിലോഗ്രാം വിഭാഗങ്ങളിലും, 19ന് 89, 96, 102 കിലോഗ്രാം വിഭാഗങ്ങളിലും 20ന്109 കിലോഗ്രാം വിഭാഗത്തിലും മത്സരങ്ങൾ നടക്കും. നൂറോളം സർവകലാശാലകളിൽ നിന്നായി നാനൂറ് മത്സരാർഥികൾ പങ്കെടുക്കും. ബോഡി ബിൽഡിംഗ് മത്സരം കൊണ്ടോട്ടി ഇഎംഇഎ കോളജിലാണ് നടക്കുക. വിവിധ വിഭാഗങ്ങളിലായുള്ള മത്സരങ്ങൾ വൈകുന്നേരം അഞ്ചിന് ആരംഭിക്കും. നിലവിൽ അഖിലേന്ത്യാ തലത്തിൽ രണ്ടാം സ്ഥാനക്കാരാണ് കാലിക്കട്ട് സർവകലാശാല.