ബിഎസ്‌സി ബോട്ടണി/പ്ലാന്‍റ് സയന്‍സ് പുനഃപരീക്ഷ
കണ്ണൂര്‍ സര്‍വകലാശാലയുടെ കഴിഞ്ഞ അഞ്ചിന് നടത്തിയതും പിന്നീട് റദ്ദാക്കിയതുമായ മൂന്നാം സെമസ്റ്റര്‍ ബിഎസ്‌സി ബോട്ടണി/പ്ലാന്‍റ് സയന്‍സ് (ഒക്‌ടോബര്‍ 2018) പരീക്ഷയുടെ പുനഃപരീക്ഷ ഈമാസം 27ന് നടത്തും.
ഒന്നാം സെമസ്റ്റര്‍ പിജഎപിസി സമര്‍പ്പിക്കണം
30ന് ആരംഭിക്കുന്ന ഒന്നാം സെമസ്റ്റര്‍ ബിരുദാനന്തര ബിരുദ പരീക്ഷ (ഒക്‌ടോബര്‍ 2018) എഴുതുന്ന വിദ്യാര്‍ഥികളുടെ എപിസി 17 മുതല്‍ 21 വരെയുള്ള തീയതികള്‍ക്കിടയില്‍ അപ്ലോഡ് ചെയ്യേണ്ടതാണ്.
ഒന്നാം സെമസ്റ്റര്‍ പിജി പരീക്ഷ ടൈംടേബിള്‍
30 ന് ആരംഭിക്കുന്ന ഒന്നാം സെമസ്റ്റര്‍ ബിരുദാനന്തര ബിരുദ (റഗുലര്‍/സപ്ലിമെന്‍റ്റി/ഇംപ്രൂവ്‌മെന്‍റ് ഒക്‌ടോബര്‍ 2018) ഡിഗ്രി പരീക്ഷകളുടെ ടൈംടേബിള്‍ സര്‍വകലാശാല വെബ്‌സൈറ്റില്‍ ലഭ്യമാണ്.
പരീക്ഷാഫലം
നാലാം സെമസ്റ്റര്‍ എംസിജെ (റഗുലര്‍/സപ്ലിമെന്‍ററി/ഇംപ്രൂവ്‌മെന്‍റ് മാര്‍ച്ച് 2018) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സര്‍വകലാശാല വെബ്‌സൈറ്റില്‍ ലഭ്യമാണ്. പുനഃപരിശോധന/സൂക്ഷ്മപരിശോധന/ഉത്തരക്കടലാസുകളുടെ പകര്‍പ്പ് എന്നിവയ്ക്കുള്ള അപേക്ഷകള്‍ 29 വരെ സ്വീകരിക്കും.
പഠനവകുപ്പുകളിലെ ഒന്നാം സെമസ്റ്റര്‍ എംഎ അപ്ലൈഡ് ഇക്കണോമിക്‌സ് (റഗുലര്‍/സപ്ലിമെന്‍ററി), മലയാളം, എംഎസ്‌സി കെമിസ്ട്രി/സ്റ്റാറ്റിസ്റ്റിക്‌സ് (റഗുലര്‍/സപ്ലിമെന്‍ററി), രണ്ടാം സെമസ്റ്റര്‍ ഹിന്ദി (റഗുലര്‍) നവംബര്‍ 2018 ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. ഫലം സര്‍വകലാശാല വെബ്‌സൈറ്റില്‍ ലഭ്യമാണ്. പുനഃപരിശോധന/സൂക്ഷ്മപരിശോധന/ഉത്തരക്കടലാസുകളുടെ പകര്‍പ്പ് എന്നിവയ്ക്കുള്ള അപേക്ഷകള്‍ 28 വരെ സ്വീകരിക്കും.
പ്രായോഗിക പരീക്ഷ
രണ്ടാം സെമസ്റ്റര്‍ എംസിഎ ഡിഗ്രി (റഗുലര്‍/സപ്ലിമെന്‍ററി/ഇംപ്രൂവ്‌മെന്‍റ് ജൂലൈ 2018) യുടെ പ്രായോഗിക പരീക്ഷകള്‍ 19ന് ചാല ചിന്മയ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയിലും പാലയാട് ഐടി എഡ്യുക്കേഷന്‍ സെന്‍ററിലും നടത്തും. നീലേശ്വരം ഐടി എഡ്യുക്കേഷന്‍ സെന്‍ററില്‍ രജിസ്റ്റര്‍ചെയ്ത വിദ്യാര്‍ഥികള്‍ക്കുള്ള പ്രായോഗിക പരീക്ഷ അന്നേദിവസം ചാല ചിന്മയ ഇന്‍സ്റ്റിറ്റൂട്ട് ഓഫ് ടെക്‌നോളജിയില്‍ നടത്തും. രജിസ്റ്റര്‍ചെയ്ത വിദ്യാര്‍ഥികള്‍ അതത് കോളജുമായി ബന്ധപ്പെടണം.
ഒന്നാം സെമസ്റ്റര്‍ എംസിഎ ഡിഗ്രി (റഗുലര്‍/സപ്ലിമെന്‍ററി/ഇംപ്രൂവ്‌മെന്‍റ്ഡിസംബര്‍ 2018) യുടെ പ്രായോഗിക പരീക്ഷകള്‍ 27ന് ചാല ചിന്മയ ഇന്‍സ്റ്റിറ്റൂട്ട് ഓഫ് ടെക്നോളജി, പാലയാട് ഐടി എഡ്യുക്കേഷന്‍ സെന്‍ററര്‍ എന്നിവിടങ്ങളിലും 28ന് അങ്ങാടിക്കടവ് ഡോണ്‍ബോസ്‌കോ കോളജിലും നടത്തും. രജിസ്റ്റര്‍ചെയ്ത വിദ്യാര്‍ഥികള്‍ അതത് കോളജുമായി ബന്ധപ്പെടണം.
മൂല്യനിർണയ ക്യാന്പുകളിൽ മുഴുവൻ അധ്യാപകരും പങ്കെടുക്കണം
26 ന് ആരംഭിക്കുന്ന കണ്ണൂർ സർവകലാശാല ബിരുദബിരുദാനന്തര വിഷയങ്ങളുടെ മൂല്യനിർണയ ക്യാന്പുകളിൽ മുഴുവൻ അധ്യാപകരും നിർബന്ധമായും പങ്കെടുക്കണമെന്ന് സർവകലാശാല അധികൃതർ അറിയിച്ചു. ഇതു പ്രിൻസിപ്പൽമാർ ഉറപ്പുവരുത്തണം. മൂല്യനിർണയ ക്യാന്പുകൾ നടക്കുന്ന 26 മുതൽ ഡിസംബർ ഏഴു വരെ കോളജുകൾക്ക് സെമസ്റ്റർ ബ്രേക്കായി വിദ്യാർഥികൾക്ക് അവധിയായിരിക്കുമെന്നും സർവകലാശാല അറിയിച്ചു. ക്യാന്പുകളിൽ പങ്കെടുക്കാനായി മുഴുവൻ അധ്യാപകർക്കും പ്രിൻസിപ്പൽമാർ 'റിലീവിംഗ് ഓർഡർ' നൽകണം. പ്രസ്തുത ഓർഡർ പ്രകാരം ക്യാന്പുകളിൽ അധ്യാപകർ എത്തിച്ചേരണം. മൂല്യനിർണയം പൂർത്തീകരിച്ചുകഴിഞ്ഞതിനുശേഷം സർവകലാശാല നൽകുന്ന 'റിലീവിംഗ് ഓർഡർ' പ്രകാരം തിരികെ കോളജിൽ ജോലിയിൽ പ്രവേശിക്കേണ്ടതാണെന്നും സർവകലാശാല അറിയിച്ചു.