2018 ജൂണിൽ സ്കൂൾ ഓഫ് ബിഹേവിയറൽ സയൻസസിൽ നടത്തിയ ഒന്നാം സെമസ്റ്റർ പിജി ഡിപ്ലോമ ഇൻ ഇന്ത്യൻ സൈൻ ലാംഗ്വേജ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 സെപ്റ്റംബറിൽ സ്കൂൾ ഓഫ് ബയോസയൻസസിൽ നടത്തിയ രണ്ടാം സെമസ്റ്റർ എംഫിൽ ബയോസയൻസസ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 ഏപ്രിലിൽ സ്കൂൾ ഓഫ് പെഡഗോഗിക്കൽ സയൻസസിൽ നടത്തിയ മൂന്നാം സെമസ്റ്റർ എംഎഡ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 മേയിൽ നടത്തിയ ഒന്നാം സെമസ്റ്റർ എംപിഎഡ് (റഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം.
2018 മേയിൽ നടത്തിയ അഞ്ചാം സെമസ്റ്റർ എംസിഎ (2015 അഡ്മിഷൻ റഗുലർ, 2011 2014 അഡ്മിഷൻ സപ്ലിമെന്‍ററി അഫിലിയേറ്റഡ് കോളജുകൾ, സീപാസ്), ലാറ്ററൽ എൻട്രി (2016 അഡ്മിഷൻ റഗുലർ, 2013 2015 അഡ്മിഷൻ സപ്ലിമെന്‍ററി അഫിലിയേറ്റഡ് കോളജുകൾ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
ജൂനിയർ റിസർച്ച് ഫെല്ലോ ഒഴിവ് സ്കൂൾ ഓഫ് ബയോസയൻസസിൽ പുതുതായി ആരംഭിക്കുന്ന പ്രോജക്ടിലേക്ക് റിസർച്ച് ഫെല്ലോയുടെ രണ്ട് ഒഴിവുണ്ട്. യോഗ്യത: 60 ശതമാനംമാർക്കോടെ എംഎസ്സി ബയോഇൻഫോർമാറ്റിക്സ് ബിരുദം. എംഎസ്സി ബയോടെക്നോളജി, മൈക്രോബയോളജി, ബയോകെമിസ്ട്രി ബിരുദവും ബയോ ഇൻഫോർമാറ്റിക്സ്, കന്പ്യൂട്ടേഷണൽ ബയോളജിയിലുള്ള പ്രവൃത്തിപരിചയവും. പ്രായപരിധി 30 വയസ്. മാസം 10000 രൂപ പ്രതിഫലം. രണ്ടുവർഷത്തേക്കാണ് നിയമനം. വിശദവിവരങ്ങൾക്ക് ഫോണ്: 0481 2731035.
സ്വകാര്യ എയ്ഡഡ് കോളജുകളിലെ ജോലിഭാരവും തസ്തിക നിർണയവും: അദാലത്ത് 26 മുതൽ കോട്ടയം: സ്വകാര്യ എയ്ഡഡ് കോളജുകളിലെ അധ്യാപകരുടെ ജോലിഭാരവും തസ്തികനിർണയവും സംബന്ധിച്ചുള്ള അദാലത്ത് 26ന് ആരംഭിക്കുമെന്നു എംജി സർവകലാശാല വൈസ് ചാൻസലർ പ്രഫ. സാബു തോമസ് പറഞ്ഞു. ജോലിഭാരവും തസ്തികനിർണയവും സംബന്ധിച്ച അദാലത്തിന് മുന്നോടിയായി സർവകലാശാല അസംബ്ലി ഹാളിൽ നടന്ന എയ്ഡഡ് കോളജ് പ്രിൻസിപ്പൽമാരുടെയും എറണാകുളം, കോട്ടയം മേഖലാ കോളജ് വിദ്യാഭ്യാസ ഡെപ്യൂട്ടി ഡയറക്ടർമാരുടെയും യോഗം ഉദ്ഘാടനം ചെയ്യുകയായിരുന്നു അദ്ദേഹം. അദാലത്തുമായി ബന്ധപ്പെട്ട രേഖകൾ 22നകം സർവകലാശാലയിൽ സമർപ്പിക്കണം. 2017 നവംബർ ഒന്ന് അടിസ്ഥാനമാക്കി ജോലിഭാരവും തസ്തിക നിർണയവും സംബന്ധിച്ച രേഖകളാണ് സമർപ്പിക്കേണ്ടത്. അദാലത്തിൽ അസൽ രേഖകൾ സമർപ്പിക്കണം. സിൻഡിക്കേറ്റംഗം പ്രഫ. ടോമിച്ചൻ ജോസഫ് അധ്യക്ഷത വഹിച്ചു. സിൻഡിക്കേറ്റംഗങ്ങളായ ഡോ. എ. ജോസ്, ഡോ. ആർ. പ്രഗാഷ്, ഡോ. റോയ് സാം ഡാനിയേൽ, പ്രഫ. വി.എസ്. പ്രവീണ്‍കുമാർ, രജിസ്ട്രാർ എം.ആർ. ഉണ്ണി, എറണാകുളം കോളജിയറ്റ് എജ്യൂക്കേഷൻ ഡെപ്യൂട്ടി ഡയറക്ടർ ഡോ. പി.എസ്. അജിത, കോട്ടയം കോളജിയറ്റ് എജ്യൂക്കേഷൻ ഡെപ്യൂട്ടി ഡയറക്ടർ ഡോ. മാത്യു ജോർജ്, ഭരണവിഭാഗം ജോയിന്റ് രജിസ്ട്രാർ സാബു തോമസ് എന്നിവർ പ്രസംഗിച്ചു.
ഓണ്‍ലൈൻ ചോദ്യപേപ്പർ; മോക് ഡെമോ 19നും 22നും കോട്ടയം: 27ന് ആരംഭിക്കുന്ന മൂന്നാം സെമസ്റ്റർ ബിരുദ സിബിസിഎസ് പരീക്ഷകൾക്കും ഡിസംബറിൽ നടക്കുന്ന ഒന്നും മൂന്നും സെമസ്റ്റർ ബിരുദാനന്തര ബിരുദ പരീക്ഷകൾക്കും ഓണ്‍ലൈനായി ചോദ്യപേപ്പറുകൾ നൽകുന്നതിന്‍റെ ഭാഗമായുള്ള സാന്പിൾ മോക് ഡെമോ 19നും 22നും നടക്കും. ബിരുദപരീക്ഷകളുടേത് രാവിലെ 11നും ബിരുദാനന്തര ബിരുദ പരീക്ഷകളുടേത് ഉച്ചയ്ക്ക് 12.30നും നടക്കും. ട്രയൽ റണ്‍ നടത്തുന്നതിന് വേണ്ട സജീകരണങ്ങൾ കോളജ് പ്രിൻസിപ്പൽമാർ സ്വീകരിക്കണം. പിഴവുകൾ ശ്രദ്ധയിൽപ്പെട്ടാൽ ഇന്ന് വൈകുന്നേരം അഞ്ചിനകം സർവകലാശാലയെ രേഖാമൂലം അറിയിക്കണം. പ്രൊഫൈൽ കൃത്യമായി പരിപാലിക്കണം. പരീക്ഷാദിവസങ്ങളിൽ ചോദ്യപേപ്പർ ഡൗണ്ലോഡിംഗും പ്രിന്‍റിംഗും നടത്തുന്ന കോണ്ഫിഡൻഷ്യൽ മുറികൾ സിസിടിവി നിരീക്ഷണത്തിലാണെന്നു പ്രിൻസിപ്പൽമാർ ഉറപ്പുവരുത്തണം. വിശദവിവരങ്ങൾക്ക് ഫോണ്: 0481 2731011 (അസി. രജിസ്ട്രാർ, പരീക്ഷ), 0481 2733470, 2733471, 2733467 (ഹെൽപ്പ്ലൈൻ), 0481 2733528 (സാങ്കേതിക സഹായം). ഇമെയിൽ:
[email protected].