റൂറൽ ഡെവലപ്മെന്റ് സർട്ടിഫിക്കറ്റ് കോഴ്സിന് സീറ്റൊഴിവ്
ഡിപ്പാർട്ട്മെന്റ് ഓഫ് ലൈഫ്ലോംഗ് ലേർണിംഗ് ആൻഡ് എക്സ്റ്റൻഷനിൽ 21ന് ആരംഭിക്കുന്ന 10 ദിവസം ദൈർഘ്യമുള്ള റൂറൽ ഡെവലപ്മെന്റ് സർട്ടിഫിക്കറ്റ് കോഴ്സിന് ഏതാനും സീറ്റൊഴിവുണ്ട്. പ്ലസ്ടു/പ്രീഡിഗ്രി യോഗ്യതയുള്ള ഉദ്യോഗസ്ഥർ, ഗവേഷകർ, എൻജിഒ പ്രവർത്തകർ, സാമൂഹിക സേവകർ, ജനപ്രതിനിധികൾ, വിദ്യാർഥികൾ എന്നിവർക്ക് സർവകലാശാല കാന്പസിലെ ഓഫീസിൽ നേരിട്ട് ഹാജരായി പ്രവേശനം നേടാം.
ഫോൺ: 0481 2731560, 2731724, 9544981839.
സുഭാഷ് പലേക്കർ 19ന് എംജി സർവകലാശാലയിൽ
’സീറോ ബജറ്റ് പ്രകൃതി കൃഷി; സാധ്യതകളും വെല്ലുവിളികളും’ എന്ന വിഷയത്തിൽ മഹാത്മാ ഗാന്ധി സർവകലാശാലയും സ്കൂൾ ഓഫ് ബയോസയൻസസും എൻഎസ്എസും സംഘടിപ്പിക്കുന്ന ശില്പശാല 19ന് നടക്കും. സ്കൂൾ ഓഫ് കെമിക്കൽ സയൻസസ് ഓഡിറ്റോറിയത്തിൽ ഉച്ചകഴിഞ്ഞ് രണ്ടു മുതൽ അഞ്ചുവരെ നടക്കുന്ന ശില്പശാലയിൽ ചെലവില്ലാ കൃഷി രീതിയുടെ പ്രചാരകനായ സുഭാഷ് പലേക്കർ പങ്കെടുക്കും. വൈസ് ചാൻസലർ പ്രഫ. സാബു തോമസ് ശില്പശാല ഉദ്ഘാടനം ചെയ്യും.