പിഎച്ച്ഡി പ്രവേശനം: തിയതി നീട്ടി
2019 വർഷത്തെ പിഎച്ച്ഡി പ്രവേശനത്തിന് ഓണ്ലൈനിൽ അപേക്ഷിക്കാനുള്ള തിയതി 26 വരെ നീട്ടി. ഫീസ് ജനറൽ 580 രൂപ, എസ് സി/ എസ്ടി 235 രൂപ. സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ഇചലാൻ സഹിതം ബന്ധപ്പെട്ട പഠനവിഭാഗത്തിൽ ലഭിക്കേണ്ട അവസാന തിയതി ജനുവരി ഒന്ന്. പ്രവേശന പരീക്ഷ ജനുവരി നാലിന് നടത്തി ജനുവരി 15ന് ഫലം പ്രസിദ്ധീകരിക്കും. പിഎച്ച്ഡി റഗുലേഷൻ സംബന്ധിച്ചും ഒഴിവുകൾ സംബന്ധിച്ചുമുള്ള വിവരങ്ങൾ www.cuonline.ac.in വെബ്സൈറ്റിൽ.
ഹിന്ദി സർട്ടിഫിക്കറ്റ് കോഴ്സ്: ഏഴ് വരെ അപേക്ഷിക്കാം
ഹിന്ദി പഠനവകുപ്പ് നടത്തുന്ന സർട്ടിഫിക്കറ്റ് കോഴ്സ് ഇൻ കൊമേഴ്സ്യൽ ആന്ഡ് സ്പോക്കണ് ഹിന്ദി, പിജി ഡിപ്ലോമ ഇൻ ട്രാൻസ്ലേഷൻ എന്നീ പാർട്ട്ട്ടൈം കോഴ്സുകൾക്ക് അപേക്ഷിക്കാനുള്ള തിയതി ഏഴ് വരെ നീട്ടി. അപേക്ഷാഫോം വെബ്സൈറ്റിൽ നിന്നും ഡൗണ്ലോഡ് ചെയ്യാം. പൂരിപ്പിച്ച അപേക്ഷ 105 രൂപ ഇചലാൻ, യോഗ്യത തെളിയിക്കുന്ന രേഖകൾ സഹിതം ദ ഹെഡ്, ഡിപ്പാർട്ട്മെന്റ് ഓഫ് ഹിന്ദി, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673635 എന്ന വിലാസത്തിൽ സമർപ്പിക്കണം. വിവരങ്ങൾ www.cuonline.ac.in എന്ന വെബ്സൈറ്റിൽ. ഫോണ്: 0494 2407252, 2407016.
പരീക്ഷാ അപേക്ഷ
അഫിലിയേറ്റഡ് കോളജുകളിലെ ഒന്നാം സെമസ്റ്റർ യുജി (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 11 വരെയും 160 രൂപ പിഴയോടെ 13 വരെയും ഫീസടച്ച് 15 വരെ രജിസ്റ്റർ ചെയ്യാം. പരീക്ഷ ജനുവരി നാലിന് ആരംഭിക്കും.
കാലിക്കട്ട് സർവകലാശാലാ പഠനവകുപ്പിലെ മൂന്നാം സെമസ്റ്റർ
എംഎ/ എംഎസ് സി/ എംകോം/ എംബിഎ/ എംഎ ജേർണലിസം ആൻഡ് മാസ് കമ്യൂണിക്കേഷൻ/ എംലിബ്ഐഎസ് സി/ എംസിജെ/ എംടിഎ (സിസിഎസ്എസ്, 2015 മുതൽ പ്രവേശനം) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 12 വരെയും 160 രൂപ പിഴയോടെ 15 വരെയും ഫീസടച്ച് 18 വരെ രജിസ്റ്റർ ചെയ്യാം. പരീക്ഷ ജനുവരി ഒന്നിന് ആരംഭിക്കും.
ഒന്നാം സെമസ്റ്റർ എംബിഎ (സിയുസിഎസ്എസ്) 2016 സ്കീം2016 മുതൽ പ്രവേശനം (ഫുൾടൈം) റഗുലർ/ സപ്ലിമെന്ററി, 2016 സ്കീം2018 പ്രവേശനം (പാർട്ട്ടൈം) റഗുലർ, 2013 സ്കീം2014, 2015 പ്രവേശനം (ഫുൾടൈം/ പാർട്ട്ടൈം) സപ്ലിമെന്ററി പരീക്ഷക്ക് പിഴകൂടാതെ 11 വരെയും 160 രൂപ പിഴയോടെ 13 വരെയും ഫീസടച്ച് 14 വരെ രജിസ്റ്റർ ചെയ്യാം. പരീക്ഷ ജനുവരി നാലിന് ആരംഭിക്കും.
പരീക്ഷാഫലം
2018 ജൂണിൽ നടത്തിയ രണ്ടാം സെമസ്റ്റർ എംഎസ് സി ക്ലിനിക്കൽ സൈക്കോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം.
2017 ഒക്ടോബറിൽ നടത്തിയ ഒന്നാം സെമസ്റ്റർ എംഫിൽ ഇംഗ്ളീഷ് പരീക്ഷാഫലം വെബ്സൈറ്റിൽ.
ബിവോക് മൾട്ടിമീഡിയ പ്രാക്ടിക്കൽ
അഞ്ചാം സെമസ്റ്റർ ബിവോക് മൾട്ടിമീഡിയ പ്രാക്ടിക്കൽ പരീക്ഷ 14, 15 തിയതികളിൽ നടത്തും.