2018 ജൂലൈയിൽ നടത്തിയ നാലാം സെമസ്റ്റർ ബിഎ (എഫ്ഡിപി സിബിസിഎസ്) 2016 അഡ്മിഷൻ റഗുലർ, 2015 അഡ്മിഷൻ ഇംപ്രൂവ്മെന്റ്, 2014 & 2013 അഡ്മിഷൻസപ്ലിമെന്ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 2019 ജനുവരി 11 വരെ ഓണ്ലൈനായി അപേക്ഷിക്കാം.
2018 ജൂലൈയിൽ നടത്തിയ ബിഎ (ആന്വൽ സ്കീം) പാർട്ട് ഒന്ന്, രണ്ട്, ബിഎസ്സി (ആന്വൽ സ്കീം) പാർട്ട് ഒന്ന്, രണ്ട്, മൂന്ന് സബ്സിഡിയറി സ്റ്റാറ്റിസ്റ്റിക്സ് & അക്കൗണ്ടിംഗ് പരീക്ഷകളുടെ ഫലവും കരട് മാർക്ക് ലിസ്റ്റും വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 2019 ജനുവരി 18 വരെ അപേക്ഷിക്കാം. സെപ്റ്റംബർ/ഒക്ടോബർ 2018 സെഷനിലെ പരീക്ഷയ്ക്ക് പിഴ കൂടാതെ 2019 ജനുവരി 10 വരെയും 50 രൂപ പിഴയോടെ ജനുവരി 14 വരെയും 125 രൂപ പിഴയോടെ ജനുവരി 16 വരെയും അപേക്ഷിക്കാം.
പരീക്ഷ
2019 ജനുവരിയിൽ ആരംഭിക്കുന്ന മൂന്ന്, അഞ്ച് സെമസ്റ്റർ ബിആർക്ക് (2008 സ്കീം) സപ്ലിമെന്ററി, അഞ്ചാം സെമസ്റ്റർ ബിആർക്ക് (2013 സ്കീം) ഇംപ്രൂവ്മെന്റ്/സപ്ലിമെന്ററി പരീക്ഷകൾക്ക് ഓണ്ലൈനായി 20 മുതൽ അപേക്ഷിക്കാം. പിഴ കൂടാതെ 2019 ജനുവരി ഏഴുവരെയും 50 രൂപ പിഴയോടെ ജനുവരി ഒന്പതുവരെയും 125 രൂപ പിഴയോടെ ജനുവരി 11 വരെയും അപേക്ഷിക്കാം.
ടൈംടേബിൾ
ബിഡെസ്സ് മൂന്ന്, അഞ്ച് സെമസ്റ്റർ പരീക്ഷകൾ 2019 ജനുവരി ഏഴിനും ഒന്നാം സെമസ്റ്റർ പരീക്ഷകൾ ജനുവരി 10 നും ആരംഭിക്കും. ടൈംടേബിൾ വെബ്സൈറ്റിൽ.
പ്രാക്ടിക്കൽ
2018 ഡിസംബർ 21ന് നടത്താനിരുന്ന രണ്ടാം സെമസ്റ്റർ എംഎസ്സി കെമിസ്ട്രി പ്രാക്ടിക്കൽ പരീക്ഷ 2019 ജനുവരി ഏഴിന് നടത്തും.
2018 ഒക്ടോബറിൽ നടന്ന രണ്ടാം സെമസ്റ്റർ എംഎസ്സി കൗണ്സിലിംഗ് സൈക്കോളജി പരീക്ഷയുടെ പ്രാക്ടിക്കൽ/വൈവ പരീക്ഷകൾ 2019 ജനുവരി മൂന്ന്, നാല് തീയതികളിൽ നടത്തും. വിശദവിവരങ്ങൾ വെബ്സൈറ്റിൽ.
അപേക്ഷ ക്ഷണിക്കുന്നു
തുടർ വിദ്യാഭ്യാസ വ്യാപന കേന്ദ്രം (CACEE) നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. യോഗ്യത : പ്രീഡിഗ്രി/പ്ലസ് ടു, കോഴ്സ് കാലാവധി: ആറ് മാസം, ഫീസ്: 7,500 രൂപ, ക്ലാസ്: ശനി, ഞായർ ദിവസങ്ങളിൽ രാവിലെ 10 മുതൽ വൈകുന്നേരം നാലുവരെ, ഉയർന്ന പ്രായപരിധി ഇല്ല. അപേക്ഷാഫോമിന് സർവകലാശാലാ സെനറ്റ് കാന്പസിലുളള എസ്ബിഐ അക്കൗണ്ട് നന്പറിൽ (57002299878) 100 രൂപ അടച്ച രസീത് സഹിതം പിഎംജി ജംഗ്ഷനിലെ സ്റ്റുഡന്റ്സ് സെന്റർ കാന്പസിലുളള CACEE ഓഫീസിൽ നേരിട്ട് ബന്ധപ്പെടണം. വിശദവിവരങ്ങൾക്ക്: 04712302523. അപേക്ഷ സ്വീകരിക്കുന്ന അവസാന തീയതി : 2019 ജനുവരി എട്ട്.