സ്കൂൾ ഓഫ് ഡ്രാമയിൽ ത്രിദിന അന്തർദേശീയ തിയറ്റർ കോണ്ഫറൻസ്
കാലിക്കട്ട് സർവകലാശാലയുടെ തൃശൂർ ഡോ. ജോണ് മത്തായി സെന്ററിലെ സ്കൂൾ ഓഫ് ഡ്രാമയിൽ ത്രിദിന അന്തർദേശീയ തിയറ്റർ കോണ്ഫറൻസ് ജനുവരി മൂന്നിന് ആരംഭിക്കും.
"കൃതിയും രംഗാവതരണം ഒരുക്കലും’ എന്നതാണ് സമ്മേളനത്തിന്റെ മുഖ്യപ്രമേയം. ഇറ്റലിയിലെ പ്രമുഖ കൊറിയോഗ്രഫറും അക്കാഡമീഷനുമായ പ്രഫ. ജിയോവാന്ന സുമോ "പാശ്ചാത്യ നൃത്ത നാടകവേദിയിൽ കൃതിയുടെ സ്ഥാനം’ എന്ന വിഷയത്തിൽ പ്രബന്ധം അവതരിപ്പിക്കും. ജോസ് ചിറമേൽ സ്മാരക പ്രഭാഷണം മൃദുല ദേവിയും പ്രഫ. എസ്. രാമാനുജം സ്മാരക പ്രഭാഷണം കർണാട്ടിക് സംഗീതജ്ഞ ഡോ. ബേബി ശ്രീറാമും നിർവഹിക്കും. നാലിന് രാവിലെ പത്തിന് പ്രഫ. ജി. ശങ്കരപ്പിള്ള സ്മാരക പ്രഭാഷണം കാലടി സർവകലാശാലാ അസിസ്റ്റന്റ് പ്രഫസർ ഡോ. സുനിൽ പി ഇളയിടം നിർവഹിക്കും. ജനുവരി അഞ്ചിന് അംബേദ്കർ സർവകലാശാലാ നാടക വിഭാഗം അധ്യാപകൻ ദീപൻ ശിവരാമൻ ഡോ. വയലാ വാസുദേവൻ പിള്ള സ്മാരക പ്രഭാഷണവും സണ്ണി എം. കപിക്കാട് സഫ്ദർ ഹാഷ്മി സ്മാരക പ്രഭാഷണവും നടത്തും.
ഫ്രാൻസിലെ നരവംശ ശാസ്ത്രജ്ഞൻ എനസ് ഡുബസ്, ഈജിപ്തിലെ അക്കാഡമി ഓഫ് ആർട്ട്സിലെ ഷിമ നിബിൽ ഖാലിദ്, പ്രഫ.മഹേഷ് ചന്പക്ലാൽ, ശീതൾ ശ്യാം, ഡോ.കവിത ബാലകൃഷ്ണൻ, ഡോ.ശാലിനി, ഡോ. ഷിബു എസ്. കൊട്ടാരം തുടങ്ങിയവർ പ്രബന്ധങ്ങൾ അവതരിപ്പിക്കും. പ്രോവൈസ് ചാൻസലർ ഡോ. പി. മോഹൻ, ഡോ. എസ്. സുനിൽ കുമാർ തുടങ്ങിയവർ സംബന്ധിക്കും. വൈകുന്നേരം ആറിന് കലാവിരുന്നും ഉണ്ടാകും.
പിഎച്ച്ഡി നൽകി
എസ്. രമ്യ (ബയോകെമിസ്ട്രി), പി. ദിവ്യ (ലൈബ്രറി സയൻസ്), പി. ജുമാന, രാജേഷ് ജെയിംസ് (ഇംഗ്ളീഷ്), കെ.അഞ്ജു വിശ്വൻ (സുവോളജി), പി. ഫസീല (ബോട്ടണി), പി. രുഗ്മിണി അമ്മാൾ (കെമിസ്ട്രി), എ.ആർ. ലതീഷ് കുമാർ (മാത്തമാറ്റിക്സ്), കെ. സബീന (അറബിക്), കെ.പി. ജാസ്മിൻ (എഡ്യുക്കേഷൻ) എന്നിവർക്ക് പിഎച്ച്ഡി നൽകാൻ കാലിക്കട്ട് സർവകലാശാലാ സിൻഡിക്കറ്റ് യോഗം തീരുമാനിച്ചു.
14,515 ബിരുദങ്ങൾ നൽകാൻ പ്രത്യേക സെനറ്റ് യോഗം തീരുമാനിച്ചു. ഇതിൽ 12,871 ഡിഗ്രി, 1,622 പിജി, 22 പിഎച്ച്ഡി എന്നിവ ഉൾപ്പെടും. വൈക്കം മുഹമ്മദ് ബഷീർ ചെയറിന് കീഴിൽ ഫെലോഷിപ്പ് ഏർപ്പെടുത്തും. മെഡിക്കൽ കൗണ്സിൽ ഓഫ് ഇന്ത്യയുടെ പ്രതിനിധിയായി കോഴിക്കോട് മെഡിക്കൽ കോളജിലെ ഡോ.ചാന്ദ്നിയെ തെരഞ്ഞെടുത്തു.
മൊബൈൽ ഫോണ് ദുരുപയോഗം: പ്രഭാഷണം
ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ വകുപ്പിന്റെ ആഭിമുഖ്യത്തിൽ എക്സ്റ്റൻഷൻ പ്രഭാഷണം സംഘടിപ്പിക്കുന്നു. ജനുവരി മൂന്നിന് ഉച്ചയ്ക്കുശേഷം 2.30ന് സെമിനാർ കോംപ്ലക്സിൽ നടക്കുന്ന പരിപാടിയിൽ സൈബർ ഫോറൻസിക് കണ്സൾട്ടന്റ് ഡോ. വിനോദ് പി. ഭട്ടതിരിപ്പാട് "ജയിലിനും മൊബൈലിനും ഇടയിലെ കുറയുന്ന ദൂരം’ എന്ന വിഷയത്തിൽ പ്രഭാഷണം നിർവഹിക്കും. വൈസ് ചാൻസലർ ഡോ. കെ. മുഹമ്മദ് ബഷീർ, പ്രഫ. സി. നസീമ, ഡോ. പി.ജെ. ഹെർമൻ തുടങ്ങിയവർ സംബന്ധിക്കും.
സർവകലാശാലാകോളജ് അധ്യാപകർക്ക് പരിശീലനം
വിദ്യാഭ്യാസ വിഭാഗത്തിന് കേന്ദ്ര മാനവശേഷി വികസന വകുപ്പ് അനുവദിച്ച അധ്യാപക പരിശീലന കേന്ദ്രത്തിൽ സർവകലാശാലാകോളജ് വിദ്യാഭ്യാസ വിഭാഗം അധ്യാപകർക്ക് ജനുവരി അഞ്ചിന് ആരംഭിക്കുന്ന പാഠ്യപദ്ധതി ആവിഷ്കരണത്തിലും രൂപകൽപ്പനയിലും പരിശീലനത്തിന് സീറ്റുകൾ ഒഴിവുണ്ട്. ജനുവരി അഞ്ച് മുതൽ 11 വരെയാണ് പരിശീലനം. ഫോണ്: 9495657594, 9048356933.
പരീക്ഷാഫലം
ആറാം സെമസ്റ്റർ ബിഎസ് സി/ ബിസിഎ സപ്ലിമെന്ററി/ ഇംപ്രൂവ്മെന്റ് (സിസിഎസ്എസ്) ഏപ്രിൽ 2018 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജനുവരി 14 വരെ അപേക്ഷിക്കാം. പ്രിന്റൗട്ട് 17നകം ലഭിക്കണം.
എംഫിൽ തിയറ്റർ ആർട്സ് ഒന്ന് (ഒക്ടോബർ 2017), രണ്ട് (ജൂണ് 2018) സെമസ്റ്റർ പരീക്ഷാഫലം വെബ്സൈറ്റിൽ.