സ്പോര്ട്സ് മാനേജ്മെന്റ്, സ്പോര്ട്സ് എൻജിനിയറിംഗ് കോഴ്സുകള്
തിരുവനന്തപുരം: കാര്യവട്ടം സ്പോര്ട്സ് ഹബ് (ഗ്രീന്ഫീല്ഡ് സ്റ്റേഡിയം) ആസ്ഥാനമായി പ്രവര്ത്തിക്കുന്ന സ്പോര്ട്സ് മാനേജ്മെന്റ്, സ്പോര്ട്സ് എൻജിനിയറിംഗ് ഗവേഷണ പരിശീലന സ്ഥാപനമായ സ്പോര്ട്സ് ആന്ഡ് മാനേജ്മെന്റ് റിസര്ച് ഇന്സ്റ്റിറ്റ്യൂട്ട് (എസ്എം ആര്ഐ), കേരള സര്ക്കാരിന്റെ നൈപ്യുണ്യവികസന മിഷനായ കേരള അക്കാദമി ഫോര് സ്കില്സ് എക്സലന്സിന്റെ (കെയ്സ്) അക്രഡിറ്റേഷനോടുകൂടി നടത്തുന്ന വിവിധ തൊഴിലധിഷ്ഠിത സ്പോര്ട്സ് മാനേജ്മെന്റ്, സ്പോര്ട്സ് എൻജിനിയറിംഗ് കോഴ്സുകളുടെ ജനുവരി ബാച്ചിലേയ്ക്ക് അഡ്മിഷന് അപേക്ഷ ക്ഷണിച്ചു
കായികതാരങ്ങള്, പ്രഫഷണല് ക്ലബുകള്, ടൂര്ണമെന്റുകള്, സ്പോര്ട്സ് ലീഗുകള് എന്നിവയടക്കമുള്ള സ്പോര്ട്സ് പ്രോപ്പര്ട്ടികള്സൃഷ്ടിക്കുന്നതിനും അവയെ ഫലപ്രദമായി കൈകാര്യംചെയ്യുന്നതിനും ആവശ്യമായ അറിവുകളും കഴിവുകളും അഭിരുചിയും, മനോഭാവവുമുള്ള പ്രഫഷണലുകളെ സൃഷ്ടിക്കുന്ന സ്വതന്ത്ര പഠന മേഖലയാണ് സ്പോര്ട്സ് മാനേജ്മെന്റ്. കളിക്കോപ്പുകളും കളിക്കളങ്ങളും മ റ്റു കായികാനുബന്ധിയായ ഉപകരണങ്ങളും സങ്കേതങ്ങളും രൂപകല്പന ചെയ്യുകയും നിര്മിക്കുകയും കൈകാര്യം ചെയ്യുകയും ചെയ്യുന്ന എൻജിനിയറിംഗ് ശാഖയാണ്സ് പോര്ട്സ് എൻജിനിയറിംഗ്.
പ്ലസ്ടു പൂര്ത്തിയാക്കിയവര്ക്ക് അഡ്വാന്സ്ഡ് ഡിപ്ലോമാ ഇന് സ്പോര്ട്സ് ബിസിനസ്, ബിരുദധാരികള്ക്കു പിജി ഡിപ്ലോമ ഇന് സ്പോര്ട്സ് മാനേജ്മെന്റ്, എൻജിനിയറിംഗുകാര്ക്ക് അഡ്വാന്സ്ഡ് ഡിപ്ലോമ ഇന് സ്പോര്ട്സ് എൻജിനിയറിംഗ്, എംബിഎക്കാര്ക്ക് സര്ട്ടിഫൈഡ് സ്പോര്ട്സ് മാനേജര് എന്നീ കോഴ്സുകളിലേയ്ക്ക് അപേക്ഷിക്കാം. സ്പോര്ട്സ് ഏജന്റ്, സ്പോര്ട്സ് ക്ലബ് മാനേജര്, സ്പോര്ട്സ് ലീഗ് മാനേജര്, സ്പോര്ട്സ് അനലിസ്റ്റ്, സ്ക്കൗട്ട്, സ്പോര്ട്സ് ഡെവലപ്മെന്റ് ഓഫീസര്, സ്പോര്ട്സ് എൻജിനിയര്, സ്പോര്ട്സ് ഫെസിലിറ്റി എൻജിനിയര്, സ്പോര്ട്സ് ഫ്ളോറിംഗ്, സ്പോര്ട്സ് ലൈറ്റിംഗ്, സ്പോര്ട്സ് അക്കൗസ്റ്റിക്സ് എന്നിങ്ങനെ സ്പോര്ട്സ് അനുബന്ധിയായ വിവിധ കരിയറുകള്ക്കുള്ള പരിശീലനം ഈ കോഴ്സുകളില് നിന്നും ലഭിക്കും. ക്ലാസുകള് 28 ന് ആരംഭിക്കും.
കൂടുതല് വിവരങ്ങള്ക്ക് 8891675259, 9995675259. വെബ്സൈറ്റ്www.smri.in.