ണ്ടാം സെമസ്റ്റർ മാസ്റ്റർ ഓഫ് പബ്ലിക് ഹെൽത്ത് സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു
2018 സെപ്റ്റംബറിൽ നടന്ന രണ്ടാം സെമസ്റ്റർ മാസ്റ്റർ ഓഫ് പബ്ലിക് ഹെൽത്ത് സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 28വരെ അപേക്ഷിക്കാം.
2018 സെപ്്റ്റംബറിൽ നടന്ന രണ്ടാം സെമസ്റ്റർ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 23 വരെ അപേക്ഷിക്കാം.
ഗസ്റ്റ് അധ്യാപക ഒഴിവ്
സ്കൂൾ ഓഫ് ഇന്‍റർനാഷണൽ റിലേഷൻസ് ആൻഡ്് പൊളിറ്റിക്സിൽ ഗസ്റ്റ് അധ്യാപകരുടെ രണ്ട് ഒഴിവുണ്ട്. മണിക്കൂർ വേതനാടിസ്ഥാനത്തിലാണ് നിയമനം. യുജിസി മാനദണ്ഡമനുസരിച്ചുള്ള വിദ്യാഭ്യാസ യോഗ്യതയുള്ളവർ അപേക്ഷയും ബയോഡാറ്റയും 22ന് വൈകുന്നേരം അഞ്ചിനകം പഠനവകുപ്പിൽ എത്തിക്കണം.
സിൻഡിക്കറ്റ് യോഗം
യൂണിവേഴ്സിറ്റി സിൻഡിക്കറ്റിന്‍റെ യോഗം 22ന് രാവിലെ 10.30ന് യൂണിവേഴ്സിറ്റി സിൻഡിക്കറ്റ് ഹാളിൽ നടക്കും.
ഡോ. വെൻ ഹുവാ സണിന്‍റെ പ്രഭാഷണം ഇന്ന് സമാപിക്കും
കോട്ടയം: എംജി സർവകലാശാലയിലെ രാജ്യാന്തരഅന്തർസർവകലാശാല നാനോ സയൻസ് നാനോ ടെക്നോളജി കേന്ദ്രത്തിൽ നടക്കുന്ന ചൈനീസ് അക്കാദമി ഓഫ് സയൻസിലെ ഇൻസ്റ്റിറ്റ്യൂട്ട് ഓഫ് കെമിസ്ട്രി പ്രൊഫസറായ ഡോ. വെൻ ഹുവാ സണിന്‍റെ ജ്ഞാന പ്രഭാഷണം ഇന്ന് സമാപിക്കും.
ഹൈലി ലീനിയർ വിനൈൽ പോളിത്തിലിൻ, ബയോമാസിൽ നിന്ന് രാസത്വരണം വഴിയുണ്ടാകുന്ന ഫൈൻ കെമിക്കലുകൾ എന്നീ വിഷയങ്ങളിൽ അദ്ദേഹം പ്രഭാഷണം നടത്തി. വിദ്യാർഥികളുമായി സംവദിച്ചു. ഡയറക്ടർ ഡോ. നന്ദകുമാർ കളരിക്കൽ പ്രസംഗിച്ചു.
സംസ്ഥാന സർക്കാർ എറഡൈറ്റ് സ്കോളർ ഇൻ റസിഡൻസ് പരിപാടിയുടെ ഭാഗമായി നൽകിയ എറഡൈറ്റ് പ്രൊഫസർ പദവി സംബന്ധിച്ച രേഖകൾ ഡോ. വെൻ ഹുവാ സണിന് വൈസ് ചാൻസലർ പ്രഫ. സാബു തോമസ് കൈമാറി. ലോകത്തിലെ വിവിധ സർവകലാശാലകളിൽ വിസിറ്റിംഗ് പ്രഫസറാണ് ഡോ. വെൻ ഹുവാ സണ്‍. ലോകത്തിലെ മികച്ച രസതന്ത്ര ഗവേഷണ ലബോറട്ടറികളിൽ പത്താം സ്ഥാനമാണ് ഇദ്ദേഹത്തിന്‍റെ കീഴിലുള്ള ഇൻസ്റ്റിറ്റ്യൂട്ട് ഓഫ് കെമിസ്ട്രിക്കുള്ളത്.