ഭുവനേശ്വറിലെ നാഷണൽ ഇൻസ്റ്റിറ്റ്യൂട്ട് ഓഫ് സയൻസ് എഡ്യൂക്കേഷൻ ആൻഡ് റിസർച്ചി(നൈസർ)ൽ പ്രവേശനത്തിന് എന്തു ചെയ്യണം.?
അനിൽ കുമാർ, ചിറ്റൂർ
അടിസ്ഥാന ശാസ്ത്ര വിഷയങ്ങളായ മാത്തമാറ്റിക്സ്, ഫിസിക്സ്, കെമിസ്ട്രി, ബയോളജി എന്നിവയിൽ അഞ്ചുവർഷത്തെ എംഎസ്സി പ്രോഗ്രാമാണു നൈസറിൽ നടത്തുന്നത്. യൂണിവേഴ്സിറ്റി ഓഫ് മുംബൈയുടെ ഡിപ്പാർട്ട്മെന്റ് ഓഫ് അറ്റോമിക് എനർജി സെന്റർ ഫോർ എക്സലൻസ് ഇൻ ബേസിക് സയൻസിലും ഇതേതരം കോഴ്സ് ഉണ്ട്. പ്രവേശനത്തിന് നാഷണൽ എൻട്രൻസ് ആൻഡ് സ്ക്രീനിംഗ് ടെസ്റ്റ് (നെസ്റ്റ്) പാസാകണം. അണുശക്തി വകുപ്പിനു കീഴിലുള്ള സ്വയം ഭരണ സ്ഥാപനമാണിത്. അടുത്ത നെസ്റ്റ് പരീക്ഷ ജൂൺ ഒന്നിനാണ്. അപേക്ഷകൾ മാർച്ച് 31വരെ ഓൺലൈനായി സമർപ്പിക്കാം. കൂടുതൽ വിവരങ്ങൾ www.nestex am.inൽ ലഭിക്കും.
ഫോട്ടോഗ്രഫിയിൽ കേരള മീഡിയ അക്കാഡമി നടത്തുന്ന കോഴ്സിനെപ്പറ്റി വിശദീകരിക്കാമോ?
മുഹമ്മദ് യാസിൻ മുഹമ്മ
കേരള സർക്കാരിന്റെ നിയന്ത്രണത്തിലുള്ള സ്വയം ഭരണാധികാരമുള്ള സ്ഥാപനമാണ് കേരള മീഡിയ അക്കാഡമി. ഈ സ്ഥാപനം മൂന്നുമാസം പഠനകാലയളവുള്ള സർട്ടിഫിക്കറ്റ് കോഴ്സ് ഇൻ ഫോട്ടോ ജേർണലിസം നടത്തുന്നുണ്ട്. കോഴ്സ് പഠിക്കുന്നതിന് ചേരുന്നവർക്ക് പ്രത്യേകമായ ക്രമീകരിച്ച സിലബസ് പ്രകാരം സപോർട്സ് ഫോട്ടോഗ്രാഫി, വൈൽഡ് ലൈഫ് ഫോട്ടോഗ്രാഫി എൻവിറോൺമെന്റ് ഫോട്ടോഗ്രാഫി ഫാഷൻ ഫോട്ടോഗ്രഫി എന്നിവയിൽ പ്രത്യേക പരിശീലനം നൽകുന്നു. കൂടുതൽ വിവരങ്ങൾക്ക് www.keralamediaac ademy.org.
ഇന്ത്യൻ മാരിടൈം യൂണിവേഴ്സിറ്റി നടത്തുന്ന ബിരുദതല കോഴ്സുകൾ ഏതെല്ലാമാണ്. ഈ സർവകലാശാലയ്ക്ക് എവിടെയെല്ലാം കാന്പസുകളുണ്ട്?
അനുരാജ്, തൊടുപുഴ
സെൻട്രൽ യൂണിവേഴ്സിറ്റിയായ ഇന്ത്യൻ മാരിടൈം യൂണിവേഴ്സിറ്റി താഴെപ്പറയുന്ന ബിരുദകോഴ്സുകളാണ് നത്തുന്നത്.?
നാലുവർഷ ബിടെക് കോഴ്സുകൾ
1. മറൈൻ എൻജിനിയറിംഗ്
2. നേവൽ ആർക്കിടെക്ചർ ആൻഡ് ഓഷൻ എൻജിനിയറിംഗ്
മൂന്നുവർഷ കോഴ്സുകളാായ
1. ബിബിഎ (ലോജിസ്റ്റിക്സ് റിടെയിലിംഗ് ആൻഡ് ഇ കൊമേഴ്സ്)
2. ബിഎസ്സി (നോട്ടിക്കൽ സയൻസ്)
ഒരു വർഷ കോഴ്സ്
1. ഡിപ്ലോമ ഇൻ നോട്ടിക്കൽ സയൻസ്
ഇന്ത്യൻ മാരിടൈം സർവകലാശാലയുടെ ആസ്ഥാനം ചെന്നൈയാണ്. എന്നാൽ മുംബൈ തുറമുറം നവി മുംബൈ, കൽക്കത്ത, വിശാഖപട്ടണം, കൊച്ചി എന്നിവിടങ്ങളിൽ സെന്ററുകളുണ്ട്. കൂടുതൽ വിവരങ്ങൾ http.www.om uetu.in കാണുക.
തയാറാക്കിയത് : ബാബു പള്ളിപ്പാട്ട്
ചോദ്യങ്ങൾ അയയ്ക്കേണ്ട
ഇ മെയിൽ
[email protected]